網頁清單

2014年12月21日 星期日

Burgeroom : 意想不到的抵食夾大件

13 December 2014, Saturday

係灣仔蟹膳 Kanizen食咗餐貴夾唔飽的11月之星午餐飯局後, 難得星期六都可以放監出來, 3位大胃王又點會肯空著肚打道回府呢?!! 剛踏出餐廳門口, 頭也不回, 毫不猶豫, 直奔希慎廣場WIRED CAFE食甜品, 剛才的午餐完全唔需要時間落格咁, 呢3條中女實在過份, 嘩哈哈哈...

貓兄話今日勁遊客Feel... (註 : 我地去旅行都係不停食不停食不停食, 食的時間絕絕絕對係多過行的)

食完甜品, 終於有少少飽肚感... (飲咗2壺水頂住個胃)

6點鐘... KaKaMa要返歸了... Good Bye... Merry Christmas!!!

我同貓兄決定為振興香港經濟出一份綿力, 合力去「鳩嗚」!!! Uniqlo... Marks & Spencer... Ikea... 刷卡... 刷卡... 刷卡...


離開Times Square, 挽著1包2包等過馬路時, 成街都係警察ssssssss, 佢地突然拉起藍白膠條封鎖斑馬線...

(大叫) 嘩!!!!!! 我地有Shopping Bagssss係手, 咪要查身份證?!!

路過希慎廣場門口, 成條行人路+行車路都被某國收iPhone黨連人帶旅行篋全面佔領, 縱然成街都係警察ssssssss, 都唔覺會有人出手還路於民...

路過經歷了75夜, 好快會變成最後2夜的Sogo門口... 向Ikea方向行多幾步... 噢... 身後傳來音樂... 回頭一看, 一大堆黑影擁至, 仔細一聽... 嘩!!! 報佳音呀!!! 

去完Ikea, Shopping Bagssss又多咗, 仲大咗... 「鳩嗚」行動消耗大量體力, 好肚餓呀!!!

貓兄想食日本菜或Burger... 係恆隆門口見到個廣告Stand Show咗附近的餐廳ssss, 見Burgeroom係Fashion Walk, 近近地試下都好喎...

已經換上了聖誕戰衣的Fashion Walk 好閃閃呀!!! 靚靚~~~ 9點幾仲咁多人...



店內店外皆人頭湧湧, 只剩下店裡面街的High Chair, 天寒地凍, 坐入面都好嘅, 唔使食漢堡之餘加送西北風... 睇完餐牌想搵服務員落單, 原來要自己行出去吧枱買同順手比埋錢, 之後可以返埋位等職員奉上已付款的食物...


排隊時, 一對國際男女排係龍頭, 係度討論食乜乜乜, 討論咗好好好耐... 店員又好耐性喎, 無叫佢地行埋一邊討論完先再買... 排後面的客人(包括我)又好耐性喎, 無丙佢地阻住地球轉... 

Homemade Iced Peach Fruit Tea $35
-- 有好多果肉, 紅茶味OK濃, 走咗冰, 室溫下的味道都幾麻麻地, 估計加咗冰可能會好飲D...


Melted Cheese Twister Fries $48
-- 嘩!!! 好味!!! 熱氣到無朋友的扭扭薯條, 以熱情溶化芝士, 兩者如膠似漆地黏著對方, 引用星爺金句 -- 濃情化不開!!! 我要用第3者(茄汁)拆散佢地, 嘩咔咔咔~~~


Double Decker $120
-- 巨型到嚇詩人的雙層牛肉芝士漢堡!!! 好彩我地只係叫了1客Burger來Share... 初時想1人1客Burger的... 牛肉漢堡扒咬落仲好有肉汁, 牛有牛味, 好神奇呀~~~



Bundaberg (Bottled Ginger Beer) $28
-- 貓兄的薑啤久久都未見影, 向職員追問, 原來係Self Service o架!!! 職員好好人, 幫我地呢枱大鄉里去拎...


價錢唔算貴啦... 呢條街o黎講... 真係估唔到Fashion Walk都有咁抵食的餐廳, 係外面望入去好似黑色世界咁 (間間餐廳外表睇落都勁貴夾唔飽咁款)... 哈哈...

是次每人消費約 $115 元
味道: 3 環境: 3 服務: 3 衛生: 3 抵食: 4
###
地址 : 銅鑼灣Fashion Walk百德新街50-56號地下D舖
電話 : 2890 9130

4 則留言:

  1. 簡簡單單或者歡樂精彩都快樂過週末
    ❤冬至❤聖誕節喔\(*⌒ヮ◕)/齊齊Happy
    ☆.。゚♦。開心萬得事¤*¨❉•°⊹✾*・*\(◕ε⌒* )/
    各位好友♦時刻°•❣窩心錫錫❉幸福抱抱♥。享受人生
    ╔═════ ೋ♦ღ•*¨ღೋ♦ ═════╗¸„ø¤º°¨ƸӜƷ
    ❀█▄█.█▀█.█▀█.█▀█.█▄█•°♬。・゚♫¸.•*¨✿
    ❀█▀█.█▀█.█▀▀.█▀▀.─█_•*•♪開心停不了ღ♩¤✿
    ╚═════ ೋ♦ღ•*¨ღೋ♦ ═════╝¸„ø¤º°¨ʚïɞ
    •*¨♩❉•。⊹*♬。´*•。♪⊹¤。´♫•*¨❉。・゚゚・。。゚♡

    回覆刪除
    回覆
    1. █▄█.█▀█.█▀█.█▀█.█▄█
      █▀█.█▀█.█▀▀.█▀▀.─█

      刪除
  2. 祝妳
    冬至團圓O(∩_∩)O
    聖誕節快樂\(^o^)/

    回覆刪除