網頁清單

2014年11月11日 星期二

[博客活動] 新滬坊 New Shanghai : 蟹季來了!!! 大閘蟹迷出閘注意!!!

14 October 2014, Tuesday

秋風起, 蟹膏肥!!!

踏入秋季, 天氣開始轉涼, 躲在衣櫃裡的外套係時候出籠啦~~~

秋天最令人期待的, 比秋裝出籠更要令人興奮的, 對於一眾大閘蟹迷來講, 應該係大閘蟹出籠吧!!!

唔係睇展覽唔係去Conference唔係睇煙花唔係去聽演唱會, 齋去會展食晚飯, 好似係第一次, 感覺都幾新穎, 點解以前無諗過嘅呢...


新滬坊「時令極品蟹宴」選用特別肥美的江蘇大閘蟹, 蟹膏幼滑甘香... 落入擁有25年豐富入廚經驗的總廚干曙光師傅手上, 變出多款美輪美奐的精緻上海菜... 很想試吧?!! 嘻嘻, 暫定減肥計劃... 1日咁多啦~~~




蟹粉白玉羹 $128 (每位)
-- 中國人還是喜歡食晚飯前飲碗湯先... 以新鮮冬瓜用上湯煨至入味後磨成蓉, 加入鮮拆蟹粉, 入口綿滑, 清甜白玉更突顯蟹粉甘香, 鮮味無窮... 湯羹加了點醋, 吃起來會有點酸... 大家好努力地將最後1滴湯羹舀起...


清蒸大閘蟹 $468 (每隻) 
-- 蘇州蟹公體重6兩, 滿身通紅, 眼睛炯炯有神, 霸氣盡現...



號外呀!!! 號外呀!!! 居然有專人幫你拆埋大閘蟹, 大家聽到後都禁不住歡呼起來!!! 嘩))) 拆完仲可以砌返個蟹形出來, 好利害呀!!!


睇下... 幾多膏... 係咪流晒口水呢?!! 蟹膏綿密甘香, 好好味, 要閉上眼睛好好享受, 再三回味... ♫ 一個為你甘去渡火海的人 ♫ 減肥?!! 暫停1天!!!


蘸蟹的陳醋是餐廳自行調味, 好香醇, 真係好想打包走... 而解寒薑茶是即煲的, 味道一流, 好夠薑, 不太甜, 大家都忍不住要Encore...

湖光泛影 $568
-- 於2010年榮獲香港旅遊發展局主辦的「2010美食之最大賞」「海鮮菜式」組別的金奬, 賣相太強了!!! 新鮮桂魚絲炒得滑嫩鮮味... 甘香蟹粉與鮮味蟹肉為滑溜蛋白畫上彩虹... 爽口彈牙的新鮮海蝦被甘香惹味的咸蛋黃熱情地擁抱著, 太好味, 我想食1打... 一網打盡魚、蝦、蟹, 大年初一必備, 哈哈, 你懂的...


上湯春菊 (皇帝菜) $88
-- 食咗咁多蟹黃, 無論味蕾上或身體上都應該清一清... 呢個皇帝菜實在太爽甜了, 好好食呀, 大大注的夾, 有點搶食Feel, 哈哈~~~


蟹粉小籠包 $168 (四件)
-- 蟹粉小籠包應該是蟹季必吃的吧!!! 6成豬肉4成蟹粉, 蟹油的甘香躲在鮮甜湯汁內, 咬開時小心爆溢的熱燙湯汁, 吃罷讓人暖上心頭...


醬汁年糕烤毛蟹 $438
-- 鍾意韓式年糕的我, 再加上鍾意味濃的我, 呢道菜簡直係為我而設, 上桌時Blink Blink視線一直跟著轉盤轉, 哈哈... 韓式年糕燘完仍然煙韌有口感, 又較上海年糕掛更多醬, 大閘蟹的鮮甜, 令本來已經馥郁豐腴的醬油更添甘香, 好味呀!!!


薑茶湯圓 $36
-- 辣辣湯圓邊個食?!! 你唔食, 我要食!!! 雖然薑茶好辣, 但好飲, 食完大閘蟹飲仲可以講得上係有益, 當然要大啖大啖飲啦~~~


今晚真係好飽足!!! 應該可以發一個橫行霸道的好夢, 多謝店方邀請, 呵呵~~~

如果得我同Honey 2個人來的話, 應該會揀精選大閘蟹套餐, 每位$608(兩位起), 就可以食到大閘蟹+蟹粉小籠包: -
☆ 滬坊二小碟 (鎮江肴肉.舟山海蜇頭)
☆ 清蒸大閘蟹
☆ 蟹粉炒河蝦仁
☆ 上湯時蔬
☆ 蟹粉小籠包
☆ 鮮果酒釀丸子
☆ 敬送薑茶

想再食就要趁早計劃, 供應期至12月16日咋~~~

是次每人消費約 N/A 元
味道: 3 環境: 5 服務: 5 衛生: 5 抵食: 4
###
地址 : 灣仔港灣道1號香港會議展覽中心1樓
電話 : 2582 7332

2 則留言:

  1. 今次返香港玩一個星期,隨咗在馬交吃咗一餐晚餐之外,其它六晚的晚餐兩餐在親戚家裡吃,四晚在幾位朋友家裡吃,總共吃咗三次大閘蟹,小兒小女話澳洲的蟹仲好食過大閘蟹喎,我以前好鍾意食蟹,乜嘢蟹都食,但覺得依家的大閘蟹唔知點解冇以前的咁好吃,可能湖水污染,大量人工養殖,冇乜蟹的鮮味.

    回覆刪除
    回覆
    1. Welcome back :)

      哈哈, 澳洲的蟹同龍蝦唔係出名大隻同生猛嘅咩, 啖啖肉緊好食啦, 你對仔女真識食! 我細個都唔鍾意食大閘蟹, 覺得無肉食... 我最鍾意食北海道鱈場蟹(阿拉斯加帝王蟹), 啖啖肉, 食大閘蟹主要係食黃油, 啜完黃油就係耐力賽的開始 :p

      賣大閘蟹的地方真係比以前多咗好多, 價錢差距好大, 質數參差, 幫襯返有商譽的比較穩陣 :)

      刪除