網頁清單

2014年6月13日 星期五

[博客活動] 君臨海鮮酒家 King's Fortune Seafood Restaurant : 七彩蝦片姐姐你好嗎?!!

6 June 2014, Friday

多年來寫了超過600篇食評, 原來沒有1篇是在長沙灣/荔枝角區的... 其實我並唔係無係果區食過飯, 只不過係得果區多數是同客食, 無可能拎部相機出來影相, 又或者係飲宴, 係一大夥唔多熟的人面前亦好難要求別人讓相機食先...

至於長沙灣四小龍, 聽就聽得多, 倒真是第一次來... 德瑞之旅的團友"攝影隊長"好似就係住係長沙灣四小龍, 如果之前團友聚餐約得成的話, 都好大機會會係約來君臨飲茶...


N年前放工坐小巴路過荔枝角道, 感覺都幾偏離地鐵站, 今日大鄉里出城, 驚覺原來MTR係有通道直達長沙灣四小龍, 一滴雨都唔使揼, 沿途仲有冷氣嘆, 又幾方便喎... 要多謝食友同PR邀請我出席是夜飯局, 先會有咁大發現...

餐廳位於泓景臺商場1樓, 離開地鐵站之後好快到... 門面光潔明亮...


餐廳對出是泓景臺平台入口, WoW, 好亞熱帶風情呀, 好似去咗Bali的酒店咁呀...


店內燈火通明, 簡潔優雅, 全部椅子皆有椅套, 婚宴用的主禮台及花卉應有盡有, 看來是為婚宴而設...


是夜一眾新舊食友雲集, 閒話家常, 說說近況, 以食會友, 確是Happy Friday!!!

咚咚... 咚咚咚咚咚... (黃飛鴻音樂響起)

脆皮即燒雲英乳豬全體
-- 第一道菜, 婚宴必備的乳豬全體, 紅心Blink Blink眼好搶鏡, 乳豬皮脆肉厚夾著薄薄的一層肥膏, 沒有豬膻味, 很不錯...


富貴黑松露蛋白黃帝蝦球
-- 未見其影, 濃濃的黑松露香氣率先飄至, 大大粒的蝦球爽口彈牙, 黑松露香氣徘徊口中歷久不散...


醬皇翡翠珊瑚桂花蚌
-- 橙紅色的珊瑚蚌, 又名桂花蚌, 是海參的腸臟... 蒜芯有點硬, 要多咀嚼幾下...


准杞北奇螺頭燉鱷魚湯
-- 滿滿的杞子, 看一眼便知道是藥材湯... 堆積如山的湯渣, 材料十足無花假... 湯頭清澈, 味道甜得緊要, 螺頭應記一功...




碧綠炒龍躉球
-- 率先吸引我的, 是用車厘茄雕成的可愛小紅兔, 含羞答答躲在綠油油的沙律叢中, 加上刀功精湛的茄子花, 構成一幅很美的圖片...


龍躉球肥大肉厚, 煎得香口... 青翠幼嫩的小露筍很新鮮呀, 清甜爽脆, 好味... 茄子是生的, 不能吃, 看看大家最後如何泡制它...

干逼龍躉頭腩
-- 龍躉兩食, 一清淡一濃味, 薑蔥永遠係煀魚嘅好朋友, 不單辟走膻味, 更增添香味, 醬油的香甜令我較偏愛它... 不可不提, 吸收了龍躉精華的腐皮才是亮點, 很快被搶夾一空...


脆皮當紅炸子雞
-- 嘩!!! 七彩蝦片姐姐你好嗎?!! 好久不見了!!! 童年回憶湧上心頭, 顧不了保持什麼儀態, 急不及待伸手拿了一片, 哈哈...  雞肉沒有多餘脂肪, 對我來說是好事, 嗜嫩者未必喜歡... 味道略鹹, 伴啤酒較合適...


脆皮御品燒鵝皇
-- 鵝頭上的皇冠, 是身份的象徵... 燒鵝皮稍嫌不夠脆, 肉質軟腍, 咀嚼時淡淡的鵝膻味滲出, 嗜重口味未必懂欣賞...


飄香鮮蝦荷葉飯
-- 飽滿的荷葉, 內藏一夥大蝦, 白飯混入紅糙米, 棄用蛋黃改以蛋白來炒, 非常健康...



鑑香煎韭菜盒
-- 外表普通不討好, 咬開時卻爆出大量的韭菜, 非常香口, 好吃, 有驚喜... 本身怕韭菜味道的朋友吃後不要找我算帳呀...


合時生果盤
-- 切得好美的果盤, 有點不捨得吃呢... 菠蘿香甜多汁, 西瓜又甜又起沙, 哈密瓜香甜爽口, 正...


甜品
-- 雙色椰汁紅豆糕...


同場加影... 碧綠炒龍躉球的美輪美奐伴碟生茄子, 大家覺得有點浪費, 要求廚房拿去油泡, 想不到出來效果非常好, 香口味美, 餐廳方面應考慮加入菜單好讓客人點來送啤酒, 必定大賣...


"席珍"宴人均消費約HK$390... 環境企理, 適合擺酒宴客, 交通方便, 大家可考慮一下... 

是次每人消費約 N/A 元
味道: 3 環境: 3 服務: 3 衛生: 3 抵食: 3
###
地址 : 長沙灣荔枝角道863號泓景臺商場1樓
電話 : 2398 8228 

3 則留言:

  1. 我每次返香港都有去深水埗和長沙灣,因我有一中學舊同學在深水埗高登商場開咗一間賣電腦的小店,吃過附近好多間,不過冇一間有特別印像,今年睇下有冇時間去你介紹的呢間試一下午飯,價錢不貴喎。

    回覆刪除
    回覆
    1. 有無試過深水埗的維記豬潤麵&添好運酥皮焗叉燒包? 維記豬潤麵好出名, 我都想試...

      另外荔枝角長沙灣道的程班長台灣美食也很出名呀, 我都未試 :p

      刪除
    2. 有試過維記,因睇過yahoo蛇哥的博介紹。添好運去年返香港玩時都有去試過,我有貼上幾張相片在我博。

      刪除