網頁清單

2014年3月27日 星期四

炎丸居酒屋 Enmaru Izakaya : [重臨] 記念311所捱過的餓

11 March 2014, Tuesday

上月獲邀到炎丸試食, 覺得食物很美味, 環境又有特色, 當時心裡已想帶Honey前來試試...

數日前Honey提議於311當日去食日本菜 (係紀念, 唔係慶祝)... 嗯... 不如去炎丸啦, 佢80%食材都係由日本運來...

嘻嘻... 我又來啦...





上次坐係VIP房內, 今次坐外面, 時間尚早, 客人暫時不多, 一點也不侷促, 可以靜靜的享用美食...


是夜較為失望的, 係熱辣辣即制木桶豆腐要8PM才會供應, 因為豆乳要在6PM才送抵店內, 保證新鮮... 另外因為酒牌仍在處理中, 未能讓Honey見識一下GariGari-Kun燒酎梳打及大入濁梅酒, 唯有遲下搵機會再來...

今晚決定Encore一部分美食, 並作出一點新嘗試...

燒蕃薯伴忌廉蜜糖醬 $45
-- Encore依然美味!!! (轉載 : 鹿兒島甜薯以備長炭烤過之後, 將純天然的香甜味濃縮, 入口軟糯, 伴以「炎丸」自家制的忌廉蜜糖醬, 香滑富質次感, 教人停不了口)


「炎丸」拉麵 $78
-- Encore依然美味!!! (轉載 : 雞白湯底在日本制作, 以大量雞骨、雞腳及豬骨經慢火熬制8小時而成, 急凍直送香港, 將東京拉麵的風味原汁原味帶到香港... 湯底濃厚美味, 麵身彈牙有嚼勁, 吃得多喝2口湯, 補充一下骨膠原哦)


Encore有保證, 新嘗試仍有睇頭...

傳統牛肉山葵燒 $128
-- 牛肉熟度一貫要求Well Done, 店員提醒Well Done的話肉質會變得好韌, 嗯... 9成都可以, 如廚師接受不了, 咁8成都可以... 結果出來的牛肉在沒有滲血的情況下也不會乾硬, 中間呈粉紅色的... 山葵(Wasabi)是鮮磨的, 離遠亦能嗅到青澀的霸氣, 大口大口的吃才是皇道, 記得用鼻吸氣哦...


牛肉鵝肝卷 $118
-- 閃閃發光的金泊, 令外觀矜貴不少... 眼見鵝肝所佔的位置不多, 心裡難免嘀咕, 入口卻不欠甘香豐腴, 喜從肝來... 缺點是壽司飯略為濕軟, 口感不爽...


果味蛋黃醬炸蝦 $72
-- 又一大鄉里出城笑談... 眼光只放在蛋黃醬3字上, 竟口出狂言嫌棄蛋黃炸蝦大中國化... 推薦的店員耐心地解說"蛋黃醬"係撈沙律果款白色醬, 唔係壓碎鹹蛋黃果款黃色醬... 嘩咔咔咔... 認真笑死... 賣相平淡, 味道卻是出奇地美味, 蝦身爽脆, 平時開Party, 鮮蝦沙律的鮮蝦永遠被搶奪一空, 只剩下沙律, 今晚我可以一次過吃個夠本, 爽呀...


炸墨魚丸子伴檸檬他他汁 $68
-- 是夜唯一覺得可以不點的一道菜... 外表金黃香脆, 期待的內裡彈牙卻沒有出現, 軟腍腍的, 墨魚的鮮味也加不了多少分... 當然, 已經吃得很飽亦是原因之一...


燒水果拼盤 $58
-- 上次試食會缺席的名物, 由落單開始, 我就見到燒香蕉插在爐端燒的天涯海角, 時間慢慢流走, 燒蕉亦一步步走近備長炭, 最後變為蕉炭... 嘿... 放心, 只係外皮被燻黑, 燒蕉後蕉肉軟化, 青澀味流走, 剩下果香與果糖... 但最為搶鏡的, 係燒菠蘿!!! 燒菠蘿酸度驟減, 香甜度提升, 一咬爆汁, 拉姑誠意推介... 燒橙就... 味道怪怪的... 不知與止咳的燉橙偏方會否有異曲同工之妙?!!


環境舒適, 服務不錯, 難得的是食物有質數, 坐落於黃金地段, 價錢屬中上亦可以理解, 可以再來!!!

出席其他Bloggers Tasting Event時, 有人笑說自己的另一半是激進民主派, 絕對不會相信Bloggers享用Free Tasting後所寫的食評, 縱然有時候Tasting的餐廳出品是"真心好吃"(其實我一直唔明點解某些Bloggers要加真心2個字, 難度...)

咁... 我今次係自己真金白銀比HK$624來Encore, 唔知大家又點睇呢...

是次每人消費約 $310 元
味道: 4 環境: 4 服務: 4 衛生: 4 抵食: 3
###
地址 : 銅鑼灣勿地臣街1號時代廣場10樓1001A舖
電話 :  2721 9955

4 則留言:

  1. 返得轉頭幫襯就當然好味道啦!^^.. 你影嘅食物相好正呀, 搞到小雲都流晒口水啦!~

    回覆刪除
    回覆
    1. 多謝小雲, 我真係好沉醉於美食攝影 XD

      刪除
  2. 價錢與質素成正比理所當然,
    其實食店公關邀約試食,
    當然為咗宣傳,
    增加曝光,
    食評如何就睇blogger自己,
    喺咪真心盛意,字裡行間
    可以分别!

    回覆刪除
    回覆
    1. 我曾見過有當朝大紅人無放過食物入口, 但都寫到天花龍鳳, 是誰就不便公開, 相信是因為可以埋沒良心, 所以飛黃騰達, 現在只接受5星級酒店邀約試食 :p

      刪除