網頁清單

2014年3月18日 星期二

[博客活動] 21世紀辦公室典範, Y!Blog原住民造訪雅虎香港新辦公室

5 March 2014, Wednesday

作為一個Y!Blog原住民(於2006年5月發表第1篇Blog文), 能夠係Y!Blog終結後, 以Blogger身份, 參觀雅虎香港的新辦公室, 就像回到故鄉的異鄉客, 再續一次未了緣~

很窩心, 感謝Yahoo-ers的邀請~

新辦公室與舊辦公室其實只係一街之隔, 佔地2層...



鎮守Reception著兔仔外套的A仔吸引一眾Bloggers爭相與其合照, 非常受歡迎, 真係好想成隻拖返屋企... 不過佢對熊貓眼都幾勁, 唔知係咪同佢要24小時守住個門口有關嘅呢?!!


是日行程, 先醫肚, 後參觀, Wonderful, 哈哈~


趁大家享用美食之時, Yahoo-ers先同Bloggers上一堂歷史課, 簡介一下, 然後就來個熱身, 玩一玩有獎搶答遊戲... WoW... 好緊張呀!!!


Ken&Merry為食男女遊走世界 X 安娜愛閒遊 X KsMeow我們的生活... 我地3個都成功答中問題, 得到紀念品1份, 當然要拍照留念啦, Yeah~


之後Yahoo-ers向眾Bloggers介紹Yahoo! Mobile 版面的最新功能 ( hk.mobi.yahoo.com ), 眾Bloggers急不及待用自己的手機嘗試~

大家有無留意到, 張張相都係紫色Tone?!! 因為Yahoo!的Corporate Color, 正正就係紫色!!! (好巧合地, 我今日都著咗紫色衫呀) 

大家已經Warm Up好, 處於Hyper狀態, 係時候開始參觀示範單位啦~~~

第1站 -- Mobility Service Counter!!!


藍色的自助販賣機, 賣的不是汽水零食, 而是Mobile Device Accessories... Keyboard呀, Mouse呀, Earphone呀, Power Supply呀, 不同款式的Cables, 應有盡有, 唔需要週圍撲, 實在太太太方便啦!!! 未免太潮喇, 一眾Bloggers都忍唔住嗡埋去研究一番...

更利害的, 當Yahoo-ers的手提電話手提電腦平板遇上任何問題, 通通即時有人維修, 不假外求!!! 太太太讚啦~~~ (聽到後除了O咀, 已經唔識比第2個反應)


第2站 -- Canteen!!!


任飲任食, 是我的天堂還是地獄?!! 哈哈, 若然我可以係雅虎上班, 真正每天都要面對人生交叉點... 食?!! 唔食?!! 食?!! 唔食?!! 食?!! 唔食?!!


如果好似我咁, 又怕肥但又忍唔到口, 咁食完飯就要爭取時間打返場波喇~ Canteen內有部美式足球機比員工鬆一鬆... 放係角落的Yahoo! Big Idea Chair, 自問創意唔係爆燈的話, 千祈唔好隨便坐落去呀~~~

第3站 -- 哺乳室!!!


讓一眾女Bloggers為之瘋狂的景點!!! 

一般公司, 要做到「顧客至上」並不困難, 但要做到 "Employees First, Customers Second", 才稱得上成功!!!

一間公司, 女同事可能只佔一半, 正值餵哺母乳期的女同事, 就更加小數, 香港寸金尺土, 可以為小數同事騰出近乎必需的私人空間, 安心地為小寶寶準備食糧, 公司為員工所付出的, 員工能不感動嗎?!! 會沒有歸屬感嗎?!!

更令人趨之若騖的, 係女員工享有的16週產假!!! 太讚?!! 未算~ 男員工也可以享有的8週產假, 才教人神經往!!! 現場情緒高漲至沸點!!! 眾Bloggers高呼"仲請唔請人掃地呀?!!"... 

不方便將辦公桌的相片公開, 呢張相已經達IIB級尺度...



最後1站 -- 遊戲室!!!


睇吓係遊戲室入面嘅員工, 個個都笑笑口玩得幾開心, 就知Yahoo-er呢個身分象徵係幾咁令人夢寐以求... 房內仲有按摩椅, 做得攰都可以鬆一鬆, 讓身體叉足電, 又可以再博殺過...

參觀到此為止!!!

此行某程度上滿足了我的一個人生願望... 想當年, 我真係有諗過去Yahoo!搵工, 哈哈... 雖然最後都無實行到, 多年來一直耿耿於懷, 今晚可以係Yahoo! Office禁地內走來走去, 非常滿足!!!

7 則留言:

  1. 好得意呀, YAHOO竟然搞呢D活動....
    既然佢地都唔係減資源, 咁做咩要摺埋Yahoo BLOG, blog如果投資過多, 佢地可以加入廣告or 減走d唔寫blog的朋友, 好似你咁之前個blog是熱門, 如果一值留低咪好囉...

    回覆刪除
    回覆
    1. 上面blog友意見好有感悟,私人公司决定我地閒人無得過問不過,yahoo blog唔做有其人做!

      刪除
    2. 江湖傳聞係年輕貌美的新任女CEO -- Marissa Mayer 決定要摺埋Y!Blog, 我估可能係集中火力搞新o野啩~
      p.s.我緊想留低, 嗚嗚...

      刪除
  2. 好羨慕妳有機會參觀yahoo公司,
    但介紹yahoo公司,喺google出post,都好諷刺!

    回覆刪除
    回覆
    1. 唔緊要, 新任女CEO -- Marissa Mayer 都係由Google跳槽過Yahoo嘅, 唔諷刺, 哈哈 XD

      刪除
  3. Wow*-*.... 真系... 好接受外國風既工作模式!? 0[]0""""
    好鬼正既感覺>3<

    但BLOG還是汁了-.-資源需要調配... 看到了YAHOO內部@@只能當觀賞>3<只能說...
    其他公司的工作環境==+也努力提升下^3^....

    回覆刪除