網頁清單

2014年1月12日 星期日

聰嫂私房甜品 : 像吃真的龍眼

10 January 2014, Friday


Happy Friday!!! 早2日收到之前用信用卡幫朋友預訂的SoftHard演唱會門票, 急不及待要出來進行交收... 吃了一頓豐富的韓國菜後, 已飽得肚皮也快爆了... 但我地仍然照原定計劃來吃甜品... 因為聽很多人說排隊要排好耐, 我地嘅如意算盤係排得耐仲好, 可以消化兼傾計, 點知... 排咗5分鐘就入得...

看, 9點未到, 門外已擠滿了等候的人...




大家記得先取籌後排隊... 我地唔知要取籌, 否則更快入座...

店內座位非常擠迫...



牆上掛了華仔的字帖及報紙雜誌的剪報...


龍眼椰果冰 $29
-- 我的, 我也舀了一湯匙給朋友試, 我倆均大讚好好好味呀!!! 真係好似食緊龍眼咁呀, 有時真的龍眼都無佢咁清甜呀, 100%龍眼味, 仲有龍眼肉碎片, 有咬口的!!! 嗚嗚嗚嗚, 我以後食唔返咁好味的甜品咁點算呀?!!


紅豆茸西米冰 $23
-- 朋友的, 我舀了一湯匙來試, 我倆均大讚好好好味呀!!! 紅豆茸含量非常高, 好香好甜, 奶味又濃, 像小時候食到的紅豆雪條, 很懷念哦!!! (現在的紅豆雪條只是紅色+沒有味道+沒有紅豆的冰條)


平時狼吞虎嚥的我, 吃得非常慢, 朋友吃完我還剩一半, 終於給她發現了我的弱點, 哈哈... 我的牙齒對冰冰很敏感, 要慢慢地慢慢地慢慢地進食, 否則感到會很麻痺, 不好受呢...

入座後20分鐘, 朋友再落單叫外賣交她的另一半...

生磨合桃露$19
-- 看樣子非常對板...


Q果 $21
-- 可選紅綠豆雙拼, 呵呵, 我順手牽羊, 取了一粒紅豆味的, 果皮晶瑩剔透, 微微地黏著我的手指, 咬開果然是QQ的, 軟糯有彈性, 紅豆蓉味道略淡, 給完美的紅豆茸西米冰狠狠地比下去...


價錢相宜, 真材實料, 味道一流, 環境就要張就一下... 第2日已心思思想再來, 點算好, 嘿嘿...

是次每人消費約 $45 元
味道: 5 環境: 2 服務: 3 衛生: 4 抵食: 5
###
地址 : 銅鑼灣耀華街11號地舖
電話 : 2278 2622


沒有留言:

張貼留言