2014年12月28日 星期日

加國「喜行」の《冰川探險》Columbia Icefield 哥倫比亞冰原

24 April 2014, Thursday

[-3 to 10°C] ~ Day 9 ~

哥倫比亞冰原 (Columbia Icefield) 位於加拿大洛磯山脈, 橫跨北美洲大陸分水嶺, 其中一些部分位於班夫國家公園和賈斯珀國家公園, 面積大約325平方公里,厚度為100到365米,每年降雪量約為7米, 是北極圈以南最大的冰原之一, 其中最著名的阿薩巴斯卡冰河(Athabasca Glacier) 末端距離路邊只有1.5公里, 遊客有機會體驗大自然的強大輝煌力量, 參與冰原雪車之旅, 踏上古老冰川, 下車撫摸經歷千萬年的冰雪結晶, 如果來到加拿大唔去洛磯山脈體驗下冰川探險, 就等於去到埃及唔去睇金字塔一樣...

我會將此列為人生必做的10件事!!!

2014年12月26日 星期五

加國「喜行」の《豪食住玩》Fairmont Chateau Lake Louise 露易斯湖堡壘酒店

23 April 2014, Wednesday

[0-6°C] ~ Day 8 ~

露易絲湖城堡酒店(Fairmont Chateau Lake Louise)位於加拿大艾伯塔省, 由加拿大太平洋鐵路集團建造於19世紀末20世紀初, 座落於洛磯山脈地標露易絲湖畔, 坐擁絕美湖光山色景緻, 洛磯山脈磅礡的氣勢, 富麗堂皇的維多利亞式古堡建築風格, 酒店內華麗精緻, 讓人陶醉於古典浪漫氣氛當中...

露易絲湖景色秀麗, 四季景致分明, 冬天湖面被白雪覆蓋, 夜幕低垂, 山下的小木屋滲出輕弱閃爍燭光, 一張活生生的聖誕卡呈現眼前... (懶惰的拉姑寫呢篇Blog時正值聖誕節, 特別有氣氛)

2014年12月23日 星期二

加國「喜行」の《暴走冰湖》Lake Louise 露易斯湖

23 April 2014, Wednesday  

** 好利害!!! 4月尾的旅程, 12月尾都仲未寫完, 我都要寫個"服"字比自己!!! 希望2015年我可以擺脫一切枷鎖, 重投微型粘土世界的懷抱 ** 

[0-6°C] ~ Day 8 ~

今天早上的行程 : 欣賞幽鶴國家公園(BC省)內翡翠湖(Emerald Lake),
秒看完弓河瀑布(Bow Falls)...

接下來, 洛磯山脈4天團最核心的核心行程 -- 班芙國家公園(AB省)內的露易斯湖!!! 

[博客活動] 白熊喫茶館 Shirokuma Café : 北極白熊玩轉聖誕

16 December 2014, Tuesday

白熊與聖誕老人同樣都住係北極, 如何一反傳統, 玩轉聖誕節?!!

Beep... Beep... Beep... Beep...

答案係...

白熊食咖哩!!!

2014年12月21日 星期日

十八座狗仔粉 : 失落的童年回憶

16 December 2014, Tuesday

力仔話想搵返童年回憶, 講到咁, 點可以唔瞓身支持呀?!! (其實我都想搵好耐)

去年開業, Food Bloggers們爭相Upload相片, 紅極一時, 想必定有其過人之處... (此思維可害你後悔一世)

的確, 我沒有做好事前調查, 是自作自受...


[試食邀請] Twelve Cupcakes : 聖誕Party必備 可愛小杯蛋糕

16 December 2014, Tuesday



聖誕佳節進入倒數...

想係聖誕Party中增添歡樂?!! 必備可愛小杯蛋糕是常識吧~

Burgeroom : 意想不到的抵食夾大件

13 December 2014, Saturday

係灣仔蟹膳 Kanizen食咗餐貴夾唔飽的11月之星午餐飯局後, 難得星期六都可以放監出來, 3位大胃王又點會肯空著肚打道回府呢?!! 剛踏出餐廳門口, 頭也不回, 毫不猶豫, 直奔希慎廣場WIRED CAFE食甜品, 剛才的午餐完全唔需要時間落格咁, 呢3條中女實在過份, 嘩哈哈哈...

貓兄話今日勁遊客Feel... (註 : 我地去旅行都係不停食不停食不停食, 食的時間絕絕絕對係多過行的)

食完甜品, 終於有少少飽肚感... (飲咗2壺水頂住個胃)

6點鐘... KaKaMa要返歸了... Good Bye... Merry Christmas!!!

我同貓兄決定為振興香港經濟出一份綿力, 合力去「鳩嗚」!!! Uniqlo... Marks & Spencer... Ikea... 刷卡... 刷卡... 刷卡...

2014年12月16日 星期二

WIRED CAFE : 特別的甜品, 平庸的味道

13 December 2014, Saturday

係灣仔蟹膳 Kanizen食咗餐貴夾唔飽的11月之星午餐飯局, 3位大胃王又點會空著肚打道回府...

大家討論過行去天后食甜品, 一諗到維園攪緊工展會, 即刻打個冷震...

貓兄話有朋友同佢講Hysan有2間好正的甜品, 但又講唔到餐廳名... 咁... 我地就行過去睇下點囉...

蟹膳 Kanizen : 未如傳聞中高質數

13 December 2014, Saturday

近年的11月之星的生日飯局, 總是因為有人要考試/要幫人溫習而順延至12月...

貓兄話想食好D, KaKaMa話順便當慶祝埋聖誕, 所以就去咗擺明貴夾唔飽的蟹膳 Kanizen...

係灣仔返過幾年工的我, 去到食過的魚蛋粉店舖, 都開始懷疑有無行錯路... 原來蟹膳 Kanizen個舖位堅易搵卻堅唔起眼... 比D信心自己, 行到去巷尾角位, That's it~

2014年12月14日 星期日

咖啡弄 Coffee Alley : 絲毫無損 繼續長龍

9 December 2014, Tuesday

來自台灣的人氣喫茶店咖啡弄在銅鑼灣開業接近2年, 仍然保持長長的人龍, 我唔係第1次來, 但係係第1次排隊成功, 終於食到, Yeah!!!

哼... 樓下果間煙幕雪糕店, 仲賴話社會運動影響佢無生意喎, 又唔見人地咖啡弄無人食?!! 

有圖有真相...

[博客活動] 銀座梅林 Tonkatsu Ginza Bairin : 有涮有聚 珍豚Shabu-shabu

26 November 2014, Wednesday

1927年創立於日本銀座的吉列豬排專門店, 以彈奏著日本傳統樂器三味線的優雅豬豬「珍豚美人」作招牌, 絕對唔會去錯...



近日寒意漸濃, 食暖笠笠的火鍋就最合時!!! 銀座梅林推出冬日期間限定的「日本極上豚肉野菜火鍋」, 以傳統日式火鍋配料為冬日增添暖意...

2014年12月12日 星期五

[試食邀請] 美心西餅 Maxim's Cake Shop : 紫薯的浪漫聖誕

7 December 2014, Sunday


♫  You better watch out
You better not cry
You better not pout
I'm telling you why
Santa Claus is coming to town
Santa Claus is coming to town
Santa Claus is coming
Santa Claus is coming
Santa Claus is coming to town ♫ 

浪漫的聖誕節又點少得聖誕樹呢?!! 如果是紫色的聖誕樹就更加浪漫了, 對不?!!

食得的聖誕樹, 今個聖誕, 一定係聖誕大餐後的最熱門甜品!!!

以紫薯忌廉唧花包著的紫色聖誕樹頂掛了Twinkle Twinkle Yellow Star, 樹身掛上金色和銀色珍珠, 仲有聖誕葉作裝飾, 比真的聖誕樹更吸引!!! 樹身是芒果忌廉夾心蛋糕, 餅底是朱古力牛油蛋糕、朱古力脆米、朱古力忌廉、朱古力爆谷米的混合體, 口感豐富...


紫色聖誕樹 $138


朋友口說減肥, 卻受不了紫薯忌廉的誘惑, 食完又再添食...

自攜美心蛋糕到美心中菜免切餅費... 今晚太古城美心皇宮Full咗訂唔到位, 所以去咗太古坊的八月芳食臘味煲仔飯...

是次每人消費約 N/A 元
味道: 3 環境: 3 服務: 3 衛生: 3 抵食: 4
###
地址 : 太古港鐵太古站TAK 10號舖
電話 : 2565 7167


2014年12月11日 星期四

[試食邀請] 美心西餅 Maxim's Cake Shop : 愛莎女皇和安娜公主駕臨

10 December 2014, Wednesday

迪士尼卡通動畫「FROZEN 魔雪奇緣」將全地球人的心熱溶... 姪女更是中了FROZEN毒, 連姑媽都投降, 實行要以毒攻毒...

美心西餅剛推出了【美心西餅FROZEN系列】, Elsa女皇同Anna公主齊齊以特別嘉賓身份出席大家的聖誕Party!!!

Frozen水晶世界甜品杯 (白朱古力/朱古力慕絲)  $42/杯



Frozen水晶球賣相Cute到爆, 連姑媽都想獨佔, 唔想同姪女分享...

朱古力慕絲香濃幼滑, 可口味美, 脆米與海綿蛋糕令整體口感更豐富, 要食多幾杯先夠喉喎...

白朱古力將秘密身份隱藏得好好, 表面係白朱古力, 實際係楊枝甘露布甸, 好好味呀!!! 咁細個真係唔夠食, 唔該出個家庭裝呀!!!

隨別注版Frozen水晶球附送的Frozen匙羹, 坦白講, 我無可能會捨得用囉...

大家準備好迎接Elsa & Anna為你的派對締造奇妙時刻未?!! ♫ Let it go, let it go ♫


是次每人消費約 N/A 元
味道: 3 環境: 3 服務: 3 衛生: 3 抵食: 4
###
地址 : 太古港鐵太古站TAK 10號舖
電話 : 2565 7167

2014年12月10日 星期三

拉麵來 Ramen Kureha : 超強蒜味充斥口腔

2 December 2014, Tuesday

Running Man有星期一情侶, Ken & Merry都有星期二姊妹, 是日Tuesday又要上演餓鬼出籠啦~~~

食力組合對上一次一齊去大坑搵食, 好似已經係好多年前嘅事喇... 浣紗廚房都執鬼埋喇...

今日的目標係... 日本拉麵!!!

6點前去到, 未開門, 唯有係門外等候... 餐廳外觀有95%日本本土Feel... 哈哈, 自家制麵4隻中文字出賣咗佢...


2014年12月8日 星期一

韓松韓國料理 Hansong Korean Restaurant : 五花腩油香燒泡菜

11 November 2014, Tuesday

又到日本手信交換環節... 哈哈... 今年已多次以呢個藉口伺機出來搵食...

之前係沖繩幫黃毛仔入咗大量沖繩限定Lu Lu Lun, 都幾重, 原來走水貨都唔易做... 仲要帶埋Tablet迫人地睇我地係沖繩影的婚紗相, 個袋實在太沉重啦, 今晚唔帶相機喇, 用手機影住食物相先啦~

約日子的時候都無為意今日係光棍節, Honey, 你就自己1個好好地留守家園應下節喇~

韓松對於我同好多朋友來講, 絕對係經典回憶!!! 大家到今時今日都間唔時會提起話再想去懷緬一下... 唔係講笑, 有Blog為証, 5年前的食評, 去片!!! http://www.kenmerry.com/2009/10/hansong-korean-restaurant.html...

2014年12月6日 星期六

玳思琳蜜糖吐司 Dazzling Cafe : 魔幻麻糬窩夫

18 November 2014, Tuesday

我食到喇!!! 我食到喇!!! 我食到喇!!! (食完2個星期仍然超級興奮)

曾一度掀起城中熱潮的台灣過江龍Dazzling Cafe, 試業時開店10分鐘派罄全日的籌, 都咪話唔嚇人...

聽講話而家星期六日都仲要排4小時, 攪到我一直都唔敢去試... 直至神秘食力組織"Blackhole | Atlantis | Bermuda"的骨幹成員強勢回歸, 我地又再次上演猛食出籠啦~~~

分析了眾多食評中的排隊數據, 選守為攻, 係Dazzling Cafe開門前30分鐘去到佢門口等佢開門!!!

2014年12月4日 星期四

貴族甜品 Noble : 轉場有你

20 November 2014, Thursday

前文提要 : 係奧海城III期Berliner German Bar and Restaurant食完德國腸, 轉場食甜品...

大角咀食街有2間精品甜品店... black n white 同埋貴族甜品... 去到搵唔到black n white, 返到屋企上Openrice搵搵先知執鬼咗, 好彩仲有間貴族...

貴族甜品2年前寫過Blog, 懶得再影相...

Berliner German Bar and Restaurant : 你德唔德?!!

20 November 2014, Thursday

是夜舉行11月之星生日飯局, 萬千星輝賀貓兄!!!

原本約好咗12月初去蟹膳食餐貴嘅, 點知...

KaKaMa突然話佢買比我地的台灣手信11月尾到期, 要緊急召集大家出來!!! 我第一個回應係... "嘩!!! 如果收到過期手信, 我一定第一時間Upload上Facebook囉"... 嘩咔咔咔... 真心話到咁, 仲唔係真正朋友?!!

2014年12月1日 星期一

[試食邀請] GASTROBOX : 暖心情侶小天地

25 November 2014, Tuesday

上次同貓兄去金馬倫道食地中海菜, 行錯路上咗一座非常簇新的大廈The Cameron, 大堂型格十足, 同金馬倫道嘅感覺好唔同, 好似行咗入第2個世界咁...

今晚居然又比我有機會舊地重遊, 感覺特別親切... 幾勁呀, 係地圖Check過1次就可以合埋眼行到去喇... 好Easy啫...

餐廳入口以銅配大玻璃, 簡潔中看出品味, 但驚喜還在後頭, 用餐區的深處更是氣派十足...

2014年11月25日 星期二

[試食邀請] 公主餅店 Princess Cafe & Bistro : 清風街的清風

20 November 2014, Thursday

天后清風街一向多好o野食, 我同Honey久唔久都會去覓食一番, 偶爾會發掘到好多驚喜...

自從今年6月開始減肥至今, 都好耐無落過去啦...

原來清風街近期又靜悄悄地刮起了一股清風... Princess公主餅店!!!

如果比姪女知道我今日去食公主甜品, 肯定佢一定要跟埋來!!! (同普羅小女孩一樣, 佢都係公主迷, 只要聽到公主2字就會雙眼發光)


Princess公主餅店主打全人手製作, 以低脂、低糖健康為主的曲奇和甜品...

2014年11月22日 星期六

加國「喜行」の《世外銀龍》Banff 班芙鎮快閃黨

23 April 2014, Wednesday 

[0-6°C] ~ Day 8 ~

今天的行程已KO了幽鶴國家公園(BC省)內翡翠湖(Emerald Lake), 在班芙國家公園(AB省)內的露易斯湖堡壘酒店的意大利餐廳Lago吃過午餐, 秒看
弓河瀑布(Bow Falls)及上訪硫磺山(Sulphur Mountain)... 剩下來還會有什麼驚喜?!! 

Banff 班芙鎮... 絕對能讓你感到無驚有喜!!! 

2014年11月15日 星期六

M&S Café : 過百元的快餐, 短中期內唔會再來

30 September 2014, Tuesday

太古城用了近半年時間大執位之後, 迄立27年的UNY Apita由4層縮減至2層, 迄立25年的馬莎百貨2層變1層, 搬到UNY樓上, Logon回歸搬到馬莎樓上, 好多新餐廳開了, 不過口碑麻麻, 未有太大興趣去冒險...

今日要去剪頭髮, 諗唔到食咩, 行行下就來到M&S, 決定入去試下新開的 M&S Café ...


南대門 NAM DAE MOON Korean B.B.Q. Restaurant : 說好的韓國鰻魚呢?

25 September 2014, Thursday

吹雞!!! 吹雞!!! 9月之星生日會+沖繩最強手信派送會!!! 台山四寶全體人員緊急召集!!!

原本貓兄去咗紅雞拎位, 點知我去到時佢氣沖沖話要走, 因為紅雞職員掛住玩手機唔理會佢, 等咗幾分鐘都無打算為佢安排入座...

落返平路(紅雞要上奪命斜), 同一大廈, 仍有2間韓燒, 我地2隻迷途羔羊, 被第一間店的老闆鎖定, 走唔甩...

2014年11月11日 星期二

[博客活動] 新滬坊 New Shanghai : 蟹季來了!!! 大閘蟹迷出閘注意!!!

14 October 2014, Tuesday

秋風起, 蟹膏肥!!!

踏入秋季, 天氣開始轉涼, 躲在衣櫃裡的外套係時候出籠啦~~~

秋天最令人期待的, 比秋裝出籠更要令人興奮的, 對於一眾大閘蟹迷來講, 應該係大閘蟹出籠吧!!!

唔係睇展覽唔係去Conference唔係睇煙花唔係去聽演唱會, 齋去會展食晚飯, 好似係第一次, 感覺都幾新穎, 點解以前無諗過嘅呢...

2014年11月8日 星期六

沖繩「婚紗攝影」2014の總匯



沖繩「婚紗攝影」2014の總匯 (自由行)

出發前 : 自制可愛小道具

Day 1 : 出發篇, 泡盛古酒と琉球料理うりずん

Day 2 : 拍攝當日

Day 3 :琉球茶房あしびうなぁ, 嘉例山房 かりーさんふぁん, 琉球新麺 通堂 リュウキュウシンメン トンドウ, 国際通り商店街 Kokusai doori

Day 4 : 部瀬名海中公園 Busena Marine Park 玻璃底遊艇 (Glass-bottom Boat), 海中展望塔 (Underwater Observatory)Living Room "Maroad" リビングルーム「マロード」, 暖暮 那覇牧志店 (DANBO だんぼ)

Day 5 : Naha Main Place

酒店篇 : Toyoko Inn Okinawa Naha Shintoshin Omoromachi




加國「喜行大溫」2014 の 總匯 http://www.kenmerry.com/2015/01/Vancouver-Canada.html

沖繩「婚紗攝影」2014 の 總匯 http://www.kenmerry.com/2014/11/Okinawa.html

澳洲「野生探索」2013 の 總匯 http://www.kenmerry.com/2014/07/2013.html

西歐「文藝復興」2012 の 總匯 http://www.kenmerry.com/2012/08/2012.html

東京「311地震」2011 の 總匯 http://www.kenmerry.com/2011/04/311.html

沖繩「12級颱風」2010 の 總匯 http://www.kenmerry.com/2010/09/102010.html

東歐「暴雨洪災」2010 の 總匯 http://www.kenmerry.com/2014/07/2010.html

德瑞「浪漫之路」2009 の 總匯 http://www.kenmerry.com/2014/07/2009.html


大阪「改賞紅葉」2008 : 「姬路城」與「倉敷美觀地區」, 「岡山後樂園」與「關西Factory Outlet」, 「Universal Studio」  

東京「漫賞櫻花」2007 : 戰利品篇, 賞櫻篇, 美食篇, 觀光篇  

曼谷「泰梳乎」2006 : Suvarnabhumi Airport 蘇瓦納蓬機場, The Sukhothai Bangkok 索可泰酒店, Chocolate Buffet, 和成豐魚翅, Colonnade早餐Buffet, Lam Luk Ka Country Club, Celadon, The Sukhothai Spa, 豬仔團

2014年11月7日 星期五

沖繩「婚紗攝影」2014の≪滿腹滿Fun≫ I will be BACK!!!!

17 September 2014, Wednesday

在沖繩的最後1日!!! 好唔捨得... 我唔想走呀)))))) 嗚哇~~~

呢5日過得異常滿足, 日日都食到好好味的餐廳, 對於已經地獄式減肥3個半月的我來講, 簡直係由地獄跳到天堂!!! (聽日重新收監 -- 減肥地獄)

更難得嘅係... Honey每一餐都食得好滿意, 半點微言都無, 仲搶食添呀, 沖繩真係好適合我地, 希望下次再來時可以自駕遊啦~~~

今日無咩特別行程, 要趕係9:30AM前食酒店Lobby個Free Breakfast Buffet, 要趕係11:00AM前Check-out退房否則逐小時計錢, Check-out後將行李寄存係酒店Lobby, 步行至酒店附近的Naha Main Place...

Naha Main Place 是大型綜合購物設施, 樓高2層, 佔地逾 3 萬平方公尺, 在 2002 年開幕, 有多間餐廳、超級市場、電器用品店及戲院... 最令我地樂而忘返的... 當然是超市啦~~~

2014年11月3日 星期一

沖繩「婚紗攝影」2014の≪朝拜拉麵≫ 暖暮 那覇牧志店 (DANBO だんぼ)

16 September 2014, Tuesday

出發前鎖定了多間目標食店... 暖暮拉麵是其中1間...

在某電視台贏得了九州拉麵大選首位, 登陸沖繩, 憑著引以為傲的的豬骨湯底, 個人化的麵條硬度和辛辣量, 不難成為受歡迎的餐廳...

前文提要 : 晨早係酒店食完自助早餐, 從那霸市中心出發, 熬咗2個鐘巴士先去到部瀬名海中公園 (Busena Marine Park), 玩過玻璃底遊艇 (Glass-bottom Boat)... 玩埋海中展望塔 (Underwater Observatory)... The Busena Terrace Beach Resort酒店餐廳Living Room "Maroad"食埋個優雅Afternoon Tea...

2014年11月2日 星期日

沖繩「婚紗攝影」2014の≪優雅茶座≫ Living Room "Maroad" リビングルーム「マロード」

16 September 2014, Tuesday

前文提要 : 係酒店食完自助早餐, 從那霸市中心出發, 熬咗2個鐘巴士先去到部瀬名海中公園 (Busena Marine Park), 身心俱疲, 乍見碧綠海水、細白沙灘、藍天白雲, 累氣全消, 精神為之一震!!!

玩過玻璃底遊艇 (Glass-bottom Boat)... 玩埋海中展望塔 (Underwater Observatory)... 2:30PM 準備離開時喪B因為多種原因黑面想搵人咬, 危險訊號提升至最高警戒級別... 黑色!!!!!!

Shuttle Bus諗住去酒店搵餐廳醫肚, 落咗車先發現Shuttle Bus Hotel Stop入口只供Hotel Guests使用!!! OMG!!! Shuttle Bus已經離我地遠去, 再等的話, 要暴曬20分鐘, 我真係會餓死街頭, 唯有頂硬上, 入去... 點知原來係酒店Fitness+泳池, 真係超級"火羅", 游盪咗一陣, 終於見到Counter職員, 鼓起勇氣問佢餐廳要點行, 個職員好Nice, 無趕我地走... 佢問我地打算幾時食, 我諗都唔諗就搶答NOW!!! (好明顯已經餓到癲, 無晒儀態)
原來呢個時段酒店只有1間餐廳營業中... 好險呀!!! 職員比咗酒店Catalogue地圖我教埋我點行去餐廳, 超感激!!! (T_T)

2014年10月31日 星期五

沖繩「婚紗攝影」2014の≪海中呆望≫部瀬名海中公園 Busena Marine Park

16 September 2014, Tuesday

前文提要 : 係酒店食完自助早餐, 從那霸市中心出發, 熬咗2個鐘巴士先去到部瀬名海中公園 (Busena Marine Park), 身心俱疲, 乍見碧綠海水、細白沙灘、藍天白雲, 累氣全消, 精神為之一震!!!

我衝! 我衝!! 我衝衝!!!

識得玩, 一定係玩玻璃底遊艇 (Glass-bottom Boat)... 上船前盡量唔好太Hyper, 否則驚你係船上情緒更高漲, 忍唔住尖叫嚇親同船中人就唔好啦~~~  

2014年10月27日 星期一

沖繩「婚紗攝影」2014の≪海底歷奇≫部瀬名海中公園 Busena Marine Park

16 September 2014, Tuesday

尋日食食食食食足全日, 叉足電, 今朝8:00AM就起身, 9:30AM前係酒店Lobby吃過第1頓自助早餐... (之前2日都無食到, 蝕底晒)

無車牌, 又想去沖繩中部, 唔想跟Local Tour, 可以點?!! 搭巴士囉~~~

** 唔想跟Local Tour係因為所有Local Tour都一定會去沖繩美麗海水族館 (Okinawa Churaumi Aquarium), 我上次跟團來沖繩時已經去過喇; 而且跟團出發時間太早, 好辛苦; 再加上我地要預留日子買個天氣保險, 萬一早2日天氣唔好影唔到婚紗相就要改尋日/今日, 預早報團唔夠Flexible **

2014年10月24日 星期五

沖繩「婚紗攝影」2014の≪試食王道≫国際通り商店街 Kokusai doori

15 September 2014, Monday 

今日真係超級大滿足!!! 由1點到6點, 短短5小時, 食足3餐!!! WaHaHaHa... 唔好比佢停!!!

1PM 午餐     ≪庭院深深≫琉球茶房 http://www.kenmerry.com/2014/10/2014.html
4PM 下午茶 ≪泡泡福茶≫ 嘉例山房 http://www.kenmerry.com/2014/10/BuKuBuKu.html
5PM 晚餐     ≪三大拉麵≫ 琉球新麺 通堂 http://www.kenmerry.com/2014/10/ryukyu-shinmen-tondou.html

Next Station is... 国際通り商店街!!!

2014年10月22日 星期三

沖繩「婚紗攝影」2014の≪三大拉麵≫ 琉球新麺 通堂 リュウキュウシンメン トンドウ

15 September 2014, Monday

尋日影婚紗相辛勞咗1日, 今朝瞓飽飽Mark大眼就食咗一餐異常滿足的≪庭院深深≫琉球茶房あしびうなぁ...
逛咗一陣首里城外圍...
體驗咗沖繩古老傳統特色ぶくぶく茶≪泡泡福茶≫ 嘉例山房 かりーさんふぁん...

懷著滿足的心... 準備離開那覇市首里... 向著沖繩都市單軌電車 (Okinawa City Monorail)儀保駅(Gibo Station)進發...

羅庚BB, Show Time!!! (又到睇風水專用WiFi蛋+Google Map出動的時候)... 今次有點驚險, 不停行錯路, 隻WiFi蛋仲剩得1格電閃閃吓... OMG... HELP!!!

2014年10月19日 星期日

沖繩「婚紗攝影」2014の≪泡泡福茶≫ 嘉例山房 かりーさんふぁん

15 September 2014, Monday

尋日影婚紗相辛勞咗1日, 今朝瞓飽飽Mark大眼就食咗一餐異常滿足的≪庭院深深≫琉球茶房あしびうなぁ...

做吓樣逛咗一陣首里城外圍, 又再去搵食... 食咗無耐咋喎, 又食?!! 有冇再過份D呀?!! 嘩咔咔咔...

再次出動羅庚睇風水(WiFi蛋+Google Map), 真係話咁快就到!!! 行到蝸牛咁慢, 幾分鐘都唔使...

呢間餐廳能夠拎到Honey的Approval Code, 當然有其獨特之處... 重中之中係可以自己動手體驗「琉球茶道」, 沖繩の傳統ぶくぶく茶!!! 其次係可以影相...

「可以影相」都係賣點?!! 唔係呀嘛?!! 我可以答你, 絕對係!!! 位於國際通壺屋1-28-3的ぶくぶく, 真係唔比影相!!! 泡泡仲要係連茶上, 唔係自己動手發打...

2014年10月12日 星期日

沖繩「婚紗攝影」2014の≪庭院深深≫琉球茶房あしびうなぁ

15 September 2014, Monday

尋日影婚紗相辛勞咗1日, 縱然全日只食過1餐, 仲要食唔夠一半已被Girdle紮到透唔到氣, 有得睇無得食, 但今日幾大都瞓晏D, 瞓到10am先起身, 蝕咗酒店個Free Breakfast亦在所不惜... 

無車牌, 唔去得遠, 只能近近地去D沖繩都市單軌電車 (Okinawa City Monorail)去到的地方...

今日去食Lunch嘅餐廳好靚o架, 好多國家的旅遊節目都有介紹過, 一邊望住個好靚的日本庭院, 一邊品嚐美食, 真係諗起都興奮...

2014年10月11日 星期六

沖繩「婚紗攝影」2014の拍攝當日

14 September 2014, Sunday

多謝Honey送給我的結婚N週年禮物, 還了我多年來的一個無聊心願, 是次體驗絕對一生難忘!!! 就讓這次美好的回憶, 陪隨我們一起走到結婚N+N+N+N週年吧~~~

亦要多謝上天眷顧, 天氣超讚!!! 藍天+白雲, 無得輸!!!

然後, 要多謝「神乎其技」化妝師, 能將我面部缺點修飾之餘, 4個造型4種不同風格, 人亦好Nice, 幸運就是遇到妳, Honey當日已盛讚佢係我用過的化妝師之中化得最好睇的, 轉髮型又快手, 當日我全日無望過鏡, 都唔知自己個樣係點, 好擔心個樣會勁殘, 返港後睇相, WoW, 真係好靚, 係, 我係自吹自擂緊, 嘩咔咔咔... 我笑Honey帶咗4個老婆過去, 點會4個完全唔同款嘅?!! 多謝妳, 化妝師小姐!!!

一不離二, 二不離三的幸運, 是遇上「忘我瞓身」攝影師, 唔係講笑, 無論係波上宮、教堂、沙灘, 攝影師豪不鍚身, 當眾瞓街, 我初時睇到呆了, 後來也習慣了... 當日只感到佢好博命, 經常要喊破喉嚨比指示, 天氣勁熱, 攝影儀器又重, 佢應該比我地辛苦100倍, 十分配服, 萬分感激... 返港後睇相, WoW, 真係影得好靚呀)))))) 相片完全達到我地出發前傾談的要求, 特別係日落晚霞沙灘剪影照, 比坊間見到的廣告照靚好多(自我陶醉-ing)... 多謝你, 攝影師先生!!!

不可不感謝的, 是事前係香港替我揀衫試衫的笑逐顏開」服務員, 我呢隻盲頭烏蠅, 連我自己都唔知自己想要咩, 睇相後亂寫咗幾十個婚紗晚裝Numbers, 佢竟然一眼睇清我個心想要咩, 重點係睇清埋我身形上的優劣, 幫我拖尾婚紗、輕盈婚紗、晚裝每樣揀2套出來比我試, 一試就中我紅心, 件晚裝肥C9都變高挑苗條淑女, It's Magic!!! 除了提供揀衫上的專業意見, 仲供應源源不絕的笑聲及笑面, 寫寫吓Blog, 我開始有少少掛住妳添...

頒獎禮嗎? 咁多人要多謝? 呀哈哈哈...

2014年9月24日 星期三

沖繩「婚紗攝影」2014の≪1972年創業≫泡盛古酒と琉球料理うりずん

13 September 2014, Saturday



今次出發前好努力咁上網搵定沖繩有咩餐廳好食... 我同Honey都無車牌, 遠的地方去唔到了, 只可以沿著Monorail單軌電車路線搵食...

在網上見到≪1972年創業多年來一直保持人氣的沖繩宮廷料理店, 鄰近安里單軌車站... 剩係呢幾隻字已經深深地吸引住我... 明天一大清早就要去化妝師間房化妝, 今晚唔想週圍去搞到個人攰晒, 近近地係酒店附近食好喇... 就呢間!!! Perfect!!!

Google Map 顯示8分鐘, 所言非虛... 係酒店行返出Monorail電車路軌, 沿國道330號線一直向著安里駅(Asato Station)方向行就會見到間餐廳... 我地開住WiFi蛋同Google Map, 好似攞住個羅庚睇風水咁週圍行, 途人見到都忍唔住望多幾眼...

2014年9月22日 星期一

沖繩「婚紗攝影」2014の酒店篇 Toyoko Inn Okinawa Naha Shintoshin Omoromachi

 13 September 2014, Saturday

由於今次唔係來渡假, 選酒店的大前提係想同攝影團隊下榻同一間酒店, 咁拍攝當日我就可以瞓到最後一分鐘先施施然行到化妝師房間Set頭化妝, Honey又唔使搬住幾袋婚紗坐車來會合...

出發篇提及浪漫一生的天氣保險線, 加上唔想搬住咁多行李去機場轉酒店巴士, 我地決定拍攝後果2日唔搬去中部海邊渡假酒店嘆世界, 4晚都留守係同一間酒店度...

2014年9月21日 星期日

沖繩「婚紗攝影」2014の出發篇

13 September 2014, Saturday

日元創6年新低, 我已經拖到出發前1星期先去唱Yen (7.48), 可惜都出事, 未出發先蒸發幾舊水, 嗚嗚, 夠買多幾盒手信啦~~~ (回來後底見7.05, 人都癲)

自從311之後, 已經3年零6個月無踏足日本, 今次鼓起勇氣, 唔係為咗渡假, 而係為了影婚紗相!!!

原本想去當年Honeymoon的關島, 有我想要的教堂景及沙灘景, 但係機程比較耐(5小時), 而且只有United Airlines有直航, 唔係日日有機仲要用窄機(2排座位1條通道), 關島可觀光的地方很少, 美式食物不太合胃口... 

沖繩都有教堂景及沙灘景, 機程短一半, 可以坐港龍直航, 地方較大, 食物美味... 加上浪漫一生剛好9月有團在沖繩, 所謂的團, 其實係攝影團隊會留守沖繩接近1個月, 隔天接待1對客人, 我地可以節省了攝影團隊的機票及酒店費用... 綜合以上因素, 放棄Honeymoon的回憶之地... 

Honey想去巴黎/希臘, 景令人窒息, 我都想, 不過咁遠, 長途機吸到個人乾晒, JetLag搞到個人呆晒, 仲點影靚相呀請問?!!

沖繩... We're coming!!! 但求明天婚紗相的拍攝過程順順利利已經於願足以, 餘下的幾天就算有可能落雨都不打緊!!!

2014年9月19日 星期五

沖繩「婚紗攝影」2014の準備篇--自制可愛小道具

28 August 2014, Thursday

不知什麼時候開始, 興起海外婚紗攝影, 有老友2005年結婚時一口氣影了4輯婚紗相, 關島、台灣、深圳、香港, 超誇張!!! 現在海外婚紗攝影已經變得很普遍, 看到有Blog友結婚5週年又影1次10週年又影1次, 更揚言15週年仍會再影...  

越看越羨慕... 數年前已開始留長頭髮, 希望有朝一日Honey會耳仔軟被說服... 等了又等... 等到忍受不了果把又長又厚吹10次都唔乾的地拖頭, 日鵝夜鵝要剪短... 終於... 守得雲開見月明!!! 6月尾半信半疑地跟著Honey去了尖沙咀的浪漫一生了解一下, 隔日扑鎚... Yeah!!! 

開心得太早, 之後便要開始地獄式減肥, 9月中就要影, 邊夠時間減20磅呀?!! 救命呀!!! (2個月過去, 只減了12磅, Oh No!!!)

又要做運動, 又要趕起公司的緊急工作, 不能吞Pop上網搵料, 只有很少時間準備, 基本上近乎無準備, 直至進入最後半個月, 要的起心肝喇!!! 

2014年9月12日 星期五

「​迪士尼光影匯」夜間巡​遊 Disney Paint The Night @ 香港迪士尼樂園 Hong Kong Disneyland

11 September 2014, Thursday

【萬聖節,有節目】
香港迪士尼樂園為大家準備了多項萬聖節活動,今晚舉行「迪士尼光影匯」炫目預演,Kenmerry率先體驗全新「迪士尼光影匯」夜間巡遊, 又要驚又要玩「迪士尼黑色世界」特備活動「亞馬遜驚魂」、「詭填學院」, 好鬼Happy!但得幾粒鐘真係唔夠喉,10月一定要再黎玩創個心!

2014年9月5日 星期五

慶公宴 Club Qing : 慶功去慶公宴是常識吧

6 June 2014, Friday

Honey上月獲頒難得的榮耀, 我也感到很興奮, 始終我也是那兒的一份子, 我也曾踏在那個台上, Honey獲頒獎牌那一刻我真的感動到想哭...

又或者是痛到想哭吧!!! 因為... 我又病了!!! 只是普通的感冒菌, 足以令我全身肌肉痛得連移動身軀1cm也很困難, 還要密集式出席連續2天的慶典活動, 幸好早幾日睇定醫生攞定藥看門口, 否則朝早起床時痛到連床都落唔到...

在活動中朋友們紛紛祝賀, 又問我地當晚會如何慶功... 嘿, 除了還以苦笑, 真係唔知講得咩, 無人知我係靠止痛藥先企到起身...

待我完全康復後, 約埋幾位相關友人一同前來中環蘭桂坊的慶公宴共晉午膳慶祝一番...

2014年9月2日 星期二

[博客​體驗] 酒朋知己 Win​e Peers : ​Party Time!!! 輕鬆上網買葡萄酒

29 August 2014, Friday

以往買葡萄酒, 多數是去英式百貨公司選購, 皆因好怕店員寸步不離的Hard Sell... 近日有幸獲邀參與「Wine Peers 酒朋知己 網站選購葡萄酒」博客體驗活動, 可在網站內挑選喜歡的酒品, 當然不會錯過...

在Win​e Peers網站購買滿3支酒即可享免費送貨, 相比起英式百貨公司要購買滿12支酒才可享免費送貨更化算...

網站清晰易用, 非常User Friendly, 除了主要功能包括酒類、日本酒、日常餐酒、派對及宴會酒、食物配搭、酒類配件之外, 還有更多貼心的功能如88評分以上葡萄酒、價格範圍、來源地、酒體、甜度, 食物配搭更圖文並茂, Very Nice...


2014年8月27日 星期三

Jamie's Italian : 大鄉里朝聖唔識比Tips

12 August 2014, Tuesday

特別日子給特別的你... Jamie's Italian進駐香港的第1間分店正式開業2星期, 急不及待來朝聖?!! 其實呢... 我唔係佢粉絲, 只係來湊熱鬧...

我多年前第1次見到Jamie Oliver係大城小廚》內教煮餸覺得好恐怖, 生熟食物一齊處理, 處理食物時呢呢啡啡咁又唔洗手, 加埋煙屎牙, 我幫佢改咗個名叫嗱喳仔, 聽講佢之所以竄紅就係因為唔姿整夠隨心才深得民心... 多年後再睇佢的節目, 已經變咗1個佬, 但煙屎牙好像處理了, 處理食物時好似無咁呢呢啡啡, 但生熟食物仍然間中一齊處理, 可能烹飪節目的制成品唔會比人食所以無問題...

見到人氣博客宅女話5:30PM到達都要排1.5小時, 咁唯有再早一點去... 4:00PM唔知又要排幾耐呢...

2014年8月26日 星期二

[博客活動] 小王牛肉麵 Xiao Wang Beef Noodle : 滿有驚喜的台南風味小菜

21 August 2014, Thursday

源自台灣高雄的小王牛肉麵, 創立於1973年, 以臨時麵攤起家, 40年來堅持以家傳清宮御廚秘方熬制中藥材湯底, 配以優質牛肉, 不但贏得食家的青睞, 更助其勇奪多項國際美食獎項, 包括2008年台北牛肉麵節的「行銷爭霸戰​」+「美味人氣王​」雙料冠軍、2010年第一屆世界溫州烹飪大賽的牛肉麵組金牌獎, 王者地位從此奠定...

小王牛肉麵去年登陸香港, 第4間分店上月進註銅鑼灣世貿中心啦, 第5間分店亦很快會跟大家在荃灣見面, 今夜拉姑有幸獲邀前來試菜, 好興奮... 好興奮... 牛肉麵... 牛肉麵...

2014年8月17日 星期日

加國「喜行」の《雪山飛芙》Banff Gondola 班芙硫磺山纜車

23 April 2014, Wednesday 

[0-6°C] ~ Day 8 ~

早上到訪過幽鶴國家公園(BC省)內翡翠湖(Emerald Lake), 中午在班芙國家公園(AB省)內的露易斯湖堡壘酒店的意大利餐廳Lago吃過午餐, 雖然晚上會下榻露易斯湖堡壘酒店, 但團友們的步伐未有因此而停下... 

1:45pm 出發前往位於洛磯山脈的班夫國家公園內的硫磺山(Sulphur Mountain)...

2014年8月15日 星期五

加國「喜行」の《舊生聚餐》Lago, Fairmont Chateau Lake Louise

23 April 2014, Wednesday 

[0-6°C] ~ Day 8 ~

跟得翠明假期, 比得近乎其他廉價旅行團雙倍團費, 咁緊係要食好住好嘅啦~

Honey的朋友聽到我地會係露易斯湖堡壘酒店住1晚兼食埋午餐後, 都不禁O咀, 佢話未聽過有朋友係度住, 多數好少少的旅行團都只會係度飲個下午茶...

暴走於結冰的露易斯湖上的照片實在太多(單日超過1200張照片), 加上日間暴走完夜間又再暴走多1次, 要一次過執晒所有相真係會人都癲... 都係捨難取易啦~~~ 寫咗餐露易斯湖堡壘酒店午餐先啦喂~~~