網頁清單

2013年11月12日 星期二

[試食邀請] Campbell’s PREMIUM™足料即食湯




9 November 2013, Saturday

昨晚到Simplylife吃晚飯時, 因怕食太多麵包會太飽而食唔落主菜, 所以食1半留1半, 然後要求店員幫我將食剩的麵包包起, 用來做今朝的早餐...

老實講, 法包新鮮時食用的話, 外皮已有點硬, 隔了一夜更是硬得要命... 若以湯或芝士火鍋來伴著吃, 倒又是另一番景象...









昨天剛好收到PR送上的Campbell’s PREMIUM™足料即食湯系列, 1套6款, 包括: -
1. 田園雜菜羅宋湯
2. 經典周打蜆湯
3. 金黃雞肉粟米湯
4. 忌廉南瓜濃湯
5. 香滑蘑菇濃湯
6. 香濃蘑菇雞湯

嘻嘻... 只要稍為有留意我的飲食喜好的朋友, 就一定會估到我會先試邊隻味啦... DaDa... 當然係我最愛的南瓜啦啦啦...



其實翻熱好方便, 可以打開包裝倒落碗用微波爐叮, 又或者倒落鍋內煮, 但我選擇原包放落熱水滾, 較為原汁原味... 平時翻熱即食咖哩或紅豆沙我都係選擇呢個方法...


翻熱的同時, 等我切好D麵包做一粒粒先... 一口一粒, Size剛剛好...


話咁快, 滾5分鐘就食得...


為咗試下個忌廉南瓜濃湯到底有幾濃, 我做咗個好無聊的實驗--濃湯拉花!!! 嘩咔咔咔... 玩緊時都忍唔住笑自己無聊... 大家睇, 個心心都幾挺呀... 嗯... 唔錯... 我好滿意...


又凍又硬的過夜法包浸落湯度一陣, 吸收咗湯汁後, 即時變得又暖又腍, 好味過就咁食好多...


南瓜湯味道清甜, 能啖到陣陣南瓜香, 濃稠度適中, 比預期中好味, 拍得住一般西餐廳, 遠遠拋離連鎖快餐店, 放幾包係屋企, 口痕想飲湯又無時間煮時, 5分鐘有得食都幾方便...

Campbell’s PREMIUM™ 足料即食湯於初秋推出, 標榜以真材實料炮製, 隨時隨地都能享用美味西湯,滿足味蕾之餘亦很飽肚... 6款口味供選擇, 一包375克只售HK$15.5, 價錢頗合理...

一班死黨得知我收到新產品後, 已各自Mark起心頭好... 蘑菇湯同粟米湯同羅宋湯都已被落釘, 仲要我係來緊下星期的11月之星生日會送貨... 咁... 我咪得返包周打蜆湯?!! 唉... 無計... 美食係應該同朋友分享的嘛...

6 則留言:

  1. 好味呀!~
    個心心好掂! 好靚!~

    回覆刪除
    回覆
    1. 哈哈, 多謝小雲讚美我的無聊舉動 XD

      刪除
  2. 南瓜湯看落不錯, 我這裡好似無得賣!

    回覆刪除
    回覆
    1. 新產品, 香港都係推出咗唔夠1個月咋, 你果邊可能好快會有~

      刪除
  3. 確係幾方便喎~就咁擺落去滾~~~包 裝都唔使開~~岩哂我~~

    回覆刪除