網頁清單

2013年3月28日 星期四

[博客活動] 季季紅風味酒家 : 擺大壽唔想切蛋糕?!! 切季季豬啦!!!

15 March 2013, Friday

聽日就要飛澳洲啦, 呢個星期好忙呀))) 忙咩?!! 咪忙執行李同最後確定行程囉!!! 仲要呢幾個星期都Keep住有Tasting Events, 上個星期仲有2晚要去飲, 又有2晚要去上堂, 忙到連行李喼都係早幾日先拎出o黎... (冒汗-ing)

原本自己一早都計劃咗出發前2星期內唔再去試食, 食完都冇時間寫啦... 上星期二見到係法國菜, 仲要Fine Dining, 受唔住引誘, 殺埋!!! wakakaka... 好彩有去咋, 好味到吖... 之後向食友誓神劈願話係出發前最後一餐, 點知... 星期二交完最後一份功課, 隨即又再收到PR邀請... 嘩!!! 「季季紅」蝦禾米乳香豬?!! 賣飛佛喎!!! 數年前去朋友屋企拜年, 有朋友訂咗呢隻蝦禾米乳香豬, 大家爭相攞起骹剪扮剪豬影相, 隻豬脆到呢, 至今仍然叫一眾朋友回味, 實在太吸引喇, 加上PR話會有記者同攝影師做採訪, 會於各大報章雜誌刊登, WoW... 好勁咁喎!!! 所以我最後都係受唔住誘惑, 居然出發前一晚都仲跑去試食!!! (癲-ed)


餐廳位於灣仔道尚翹峰, 新樓盤前面係一大堆舊式路邊街市攤檔, 新舊共融, 甚有香港特色...

餐廳的裝潢與名字吻合, 紅!!! 紅色的入口... 大紅燈籠高高掛... 大紅肥豬奉餐單... 用餐區更是紅上加紅, 如此濃厚的喜慶氣氛, 長輩們肯定喜歡...





Reception旁邊掛著好搞笑嘅「Cooking豬」Poster, Step-by-Step咁講解點樣煮出「蝦禾米乳香豬」, 等位時睇吓可以消磨吓時間...

今晚嘅主題係「季季紅」即將會推出嘅「生日季季豬宴」, 用唔到20日大嘅乳豬仔取代傳統生日蛋糕作賀壽之用, 係咪聽見都流哂口水呢?!! 好, 去片!!!

未人齊, 先來前菜西芹甘荀豬耳朵, 個人o黎講, 唔食豬耳仔, 所以講唔到係咩味, 大家想知就要自行去探索... 茶壺紅紅綠綠好Colorful, 擺壽宴, 傳統白色茶壺的確唔多啱用...

蝦禾米乳香豬
-- DaDaDaDa... 今晚嘅主角出場... 蝦禾米乳香豬!!! 乳豬皮被燒至卜卜脆, 色澤均勻, 紅光泛面, 睇到流晒口水...

略施脂粉後, 化身「生日季季豬」, WoW... You're so CUTE!!! 大家唱過生日歌, 吹過蠟燭之後, 係時候切燒豬啦!!! HaHa... 唔知點解會聯想到開拍新電視劇嘅情景... 


WoW... 轉吓眼已經切好lu... 可以開餐啦喂!!! 乳豬皮脆, 與較為濕軟的飯身形成對比... 飯底以秘製醬汁煮成, 味道不錯... 份量非常大, 建議約齊10位親朋好友或以上一起分享...


冰鎮原隻鮑魚伴蒿苣
-- 估唔到鮑魚都可以冰鎮, 可以蘸Wasabi同吃, 口感爽彈, 論味道當然以糖芯鮑取勝, 冰鎮勝在有新鮮感... 蒿苣口感界乎西芹同芥蘭之間, 清新爽脆...


響螺豬肺頂菜膽湯
-- 湯底甘甜滋潤, 對我地呢d平時冇啖湯水落肚嘅人o黎講, 如遇甘露... 一碗唔係太夠喉, 可否Encore?!!


蟹肉扒雙寶蔬
-- 食多d蔬菜對身體有益, 之後幾日去到澳洲都冇咩機會食菜, 等我食多2舊先...


爽蠔珍菌盆
-- 又係秘製醬汁, 香濃惹味, 唔錯唔錯... 店方從流浮山購入新鮮生蠔, 自行生曬, 爽蠔隻隻肥美飽滿, 色澤亮麗, 惹人垂涎, 入口鮮甜爽脆, 扣得入味, Yummy!!! 珍菌盆內仲有鮑片、金菇、冬菇、本菇、支竹、豬肉, 異常豐富, 一定要一大班親朋好友一齊食先搞得掂!!!


芝味焗元貝
-- 鋪滿芝士的大元貝, 放入焗爐焗至表面有少少燶, 睇落係咪好吸引呢?!! 淡淡的芝士味, 不會掩蓋了元貝的原味...


鬆子五柳大桂皇
-- 酸酸甜甜五柳汁, 大人細路都鍾意... 將桂花魚切花之後再炸, 外面香脆, 裡面滑溜... 伴碟的西蘭花係我嘅至愛, 新鮮爽脆, 多吃有益...


玫瑰頭抽黃金雞
-- 今次醬汁唔係秘制啦啩... 頭抽同雞真係最佳拍檔, 雞皮又香又甜, 難以抗拒, 黃金雞扎實有肉地, Yummy~


鴛鴦糕點
-- 飯後來個馬豆糕拼桂花糕, 個人比較喜歡桂花糕, 桂花清香, 甜度輕微, 加上杞子, 屬養生之選...

全晚焦點在於一眾食家為其中一位食家唱生日歌, 然後佢吹蠟燭, 再同「生日季季豬」來個Cheeeeers大合照, 好不熱鬧, 大家都非常投入, 感覺好Warm, 像一個食家大家庭!!!


是次每人消費約 N/A 元
味道: 3 環境: 3 服務: 3 衛生: 3 抵食: 3
###
地址 : 灣仔灣仔道3號尚翹峰第1座1樓, 2樓, 地下B1號舖
電話 : 2976 4000

1 則留言:

  1. 蝦禾米乳豬...delicious!!
    [版主回覆08/09/2013 23:22:47]

    回覆刪除