網頁清單

2013年1月9日 星期三

泰簡單 Thai Simple Kitchen : 泰式風情

15 December 2012, Saturday同學仔約咗我去學彩繪瑞士卷班, 上課前要去食餐飽先~

突然好想食泰國菜, 上網搜集好資料, 就出發去銅鑼灣總統戲院!!! 其實我唔係好識路, 結果走過咗幾個商場先返轉頭, 原來係售票處側邊的電梯上... 唔知點解... 企係電梯大堂等候期間, 聞到好強烈的漂白水味...

到達餐廳... 嘩... 好暗呀!!!


係職員的帶領下, 經過又長又窄的通道...


滿佈充滿泰式風情的擺設...


回眸一望, 入口處還擺放了數尊佛像... 小巷內散發著平和的氣息...


水吧是開放式, 七彩繽紛的大水壺好有鄉土氣息...


大大的佛掌... 露天的用餐區... 整個環境令人感覺很Relax...


沙爹串燒(豬牛雞) $84
-- 串燒可選沙爹或蜜糖, 有6串或有4串, 6串可以豬牛雞各2串, 嘩!!! 好Flexible呀!!! 心多多的我, 當然係豬牛雞各要2串啦... 串燒很出色, 沙爹香甜惹味, 串燒肉質不會太乾硬,口感軟腍, 唯獨是欠缺了少許焦香... 奇怪的是, 伴碟的烘白麵包, 入口不是脆的, 同串燒格格不入...

正值午飯時段, 套餐跟埋飲品及甜品...

泰式海鮮炒金邊粉 $45
-- 金邊粉炒得均勻, 味道剛好, 撈花生粉食好香, 不過唔小心撈埋辣椒粉, 好辣呀!!! 份量不少, 以呢個價錢, 包埋飲品同甜品, 都幾超值... 銅鑼灣喎...


南瓜西米露
-- 好好味呀!!! 南瓜煲到溶開, 好香好甜呀!!! 跟午餐送的甜品居然如此有水準?!!

龍眼水 +$5
-- 餐飲要加錢先可以轉龍眼水, 職員強調得龍眼水, 冇龍眼蜜... 但係入口甜到溜, 咁都唔算蜜?!! 龍眼味強勁, 好清香, 絕不欺場...
服務都幾好, 職員應該都係泰國人, 以女士居多...

午餐價錢唔貴, 味道幾好, 環境又正, 好好坐, 下次可以再來試吓晚餐...

午餐時段都好Full, 大家最好先訂位, 以免撲空...

是次每人消費約 $75 元
味道: 4 環境: 4 服務: 3 衛生: 3 抵食: 2
###
地址 : 銅鑼灣謝斐道517號總統戲院頂樓
電話 : 2838 2896

2 則留言:

  1. 減肥中的WiNniE-->變左陀b中的靚媽^^2013年1月9日 下午9:08

    我最中意就係食泰式炒金邊粉架~
    不過一定要係有口感同惹味先好食呀!d粉炒得太淋就唔好食!
    [版主回覆01/10/2013 00:37:55]咦... 咦... 食家喎~

    回覆刪除
  2. 減肥中的WiNniE-->變左陀b中的靚媽^^2013年1月11日 下午7:05

    哈哈~係(為)食家je!

    回覆刪除