2013年12月28日 星期六

鉅龍酒家 Royal Dragon Seafood Cuisine : 龍躉翅=天九翅?

21 December 2013, Saturday

今年聖誕節2日假期, 不同家庭成員各有Christmas Party要去, 聖誕節後的星期六又有喜宴, 不如早幾日慶祝聖誕+做埋冬...

2位阿姐話要試太子新開的龍躉宴, 4千蚊1圍 (未計加一茶芥), 嘩!!! 咁捨得?!! 大家見有鎮店天九翅食, 是但喇, 捨命陪君子...

事前訂了位7:00PM, 後來餐廳方面又話要分6-8PM/8-10PM, 6PM太早未齊人, 只好揀8PM...

2013年12月26日 星期四

Yahoo! Blog畢業禮

26 December 2013, Thursday


名字:Kenmerry 拉姑

新網址:http://www.kenmerry.com  & http://www.facebook.com/ken.n.merry

嗜好:喜愛美食, 更喜愛旅遊, 沉迷微型黏土食品!!! 

給Y!Blog同學的話:2006年開始寫Blog, 單純的記錄生活點滴, 不求賞識, 只求Blog友看得舒適! 沒想到會認識一眾Y!Blog同學仔, 亦沒想過可以上到人氣精選及Y!首頁, 得到大家的認同對我是莫大的鼓勵! 1000+博文, 8000+相片, 8年的心血, 要離開當然有點不捨, 但我期待將來可以在其他平台與大家相知相聚, 再續未了緣! 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
2013年12月26日,Yahoo! Blog畢業典禮正式開始,感謝畢業生豆丁帶領一眾畢業生進入典禮會場。

[Yahoo! Blog畢業] Yblog同學會的記念冊
http://seeddauding.blogspot.hk/2013/12/yahoo-blog-last-day.html

2013年12月25日 星期三

Bene Pizza + Pasta : 荔枝汁香茅特飲 值得一試

15 December 2013, Sunday

今朝又凍又落大雨, 卻無阻我的決心, 辦咗一件人生大事!!! 不過係人地嘅... 哈哈哈哈... 但我仍然樂在其中...

辦完大事, 坐西鐵返市區食個Late Lunch... 2點幾啦陰公... 奧海城比較就腳, 一於去睇下有咩好食...

一到步, 就見到一間新店, 本想再向前行多一會, 但見到旁邊的意粉House門外排滿人, 我又餓到手軟, 再行多陣先返轉頭會唔會無位呢... 唔好多心喇, 就呢間喇...

馬哥孛羅咖啡廳 Cafe Marco : 選擇頗多的下午茶自助餐

14 December 2013, Saturday

Gmarket水貨客1個月內3度分贓, 密到咁, 會唔會有少少病態呀?!! 哈哈哈... (今次無我份, 我無中Shopping毒)

原本佢地係上星期分贓的, 果日貓兄因一點小插曲, 被困家中, Afternoon Tea Gathering順延至今個星期, 咁我又可以出席埋一份喇, 呵呵呵, 天助我也~~~ (小插曲唔關我事, 我無用念力)


仲有10日就到平安夜, 餐廳已經進入聖誕Mode, 添上聖誕裝飾, 枱上也有聖誕小擺設...

2013年12月24日 星期二

Espresso Alchemy : [一個人在桌上] 暖入心的掛杯朱古力

23 December 2013, Monday

明天晚上便是平安夜, 好多人請了年假去旅行, 整個商業區都冷冷清清...

自己一個人吃午飯的時候, 多數隨隨便便買件三文治或麵包便算, 但佳節當前, 總不可待薄自己, 想吃得好一點也不過份吧...

嘿, 注意, 在太古坊的午餐時段"吃得好一點"的意思只是食物品質上, 坐位方面仍然是超超超擠迫的... 每日中午都擠滿飢餓的上班一族, 晚上卻如死城...

2013年12月22日 星期日

Twinkle Baker Decor : 開心制作得意聖誕老人Cupcakes

20 December 2013, Friday

多謝老友食家的邀請, 一齊出席Twinkle Baker Decor舉辦的「聖誕雪人Cupcakes工作坊」(Happy Snowman Cupcakes Decorating Workshop), 渡過一個愉快學習的晚上之餘, 仲可以帶埋我的制成品去開聖誕Party, 2個姨甥女唔知係咪肚餓, 9秒9食咗, 仲話好好味, 見到佢地咁欣賞, 我無份食都甜到入心... 2個姪仔姪女就因為驚食咗食唔落飯, 所以帶返屋企慢慢嘆...

甜品裝飾工作坊係尖沙咀K11上課, 包咗4件蛋糕、裝飾材料及工具、包裝盒、食譜, 連圍裙都唔使帶, 好齊全!!!

工作坊時間表及詳情可瀏覽http://www.twinkle-bd.com/hk

2013年12月21日 星期六

秋田鐵板燒刺身專門店 Akita Teppanyaki, Sashimi : 超萌自訂公仔炒飯 令人呼叫+心跳

10 December 2013, Tuesday

力仔早前試過超萌Keroro炒飯, 極力推薦, 搞到我都心癢難耐, 力銷Honey來慶祝紀念日...

今天已吃了一頓失意午餐, 希望晚餐不要再多踩我地一腳啦...

訂枱時職員會問是否慶祝生日或紀念日之類, 我問慶祝紀念日有何優惠, 職員話無, 有公仔炒飯...

2013年12月19日 星期四

[試食邀請] 美心西餅 Maxim's Cake Shop : 令人停不了口的「Baileys朱古力慕絲蛋糕」

14 December 2013, Saturday


還有2星期便是聖誕節, 相信今年會是一個寒冷的聖誕節, 這樣才夠氣氛嘛...

如何將冰冷的聖誕節轉化為甜蜜窩心的佳節?!! Kenmerry推介法國頂級朱古力Cacao Barry聖誕蛋糕系列之「Baileys朱古力慕絲蛋糕」, 用料來自法國頂級朱古力原材料Cacao Barry及牛油蛋糕製造, 配上BAILEYS愛爾蘭甜酒慕絲的「Baileys朱古力慕絲蛋糕」, 讓味蕾感受驚喜!!!

嘉麟樓 Spring Moon : 月餅顯赫 點心不濟

10 December 2013, Tuesday

現年85歳的半島酒店經常於「全球最佳城市酒店」選舉中名列前茅, 對貴為老牌五星級酒店之首的她, 當然會抱有一定期望, 更何況去年嘉麟樓奶皇月餅被秒殺一事成為城中熱話, 嘉麟樓出品想必有一定保證, 卻換來希望越大失望越大...

有了上次去瑞樵閣(Chesa)蕩失路的經驗, 今次合埋眼都識行喇...

嘉麟樓散發著濃厚的中國古典清雅味道, 沉實內歛, 不落俗套, 看似是品茗清淨地, 想不到一眾商務客說話時聲浪過大, 不怕會喊至聲嘶力竭嗎?!! 由於受到嘈音污染影響, 5星級的環境將會被評為4星級!!!

2013年12月16日 星期一

[試食邀請] 美心西餅 Maxim's Cake Shop : 一次過滿足2個願望, 聖誕樹與聖誕蛋糕二合一, Hello Kitty is coming to town!!!

7 December 2013, Saturday

  You better watch out
     You better not cry
     You better not pout
     I'm telling you why 

     Hello Kitty is coming to town  

Hello Kitty於聖誕節化身粉紅仙子, 帶領大家穿梭Hello Kitty夢幻樂園, 與一眾Kitty迷歡度聖誕!!!

2013年12月14日 星期六

Kitchen M : 來亦難時去亦難

6 December 2013, Friday

今日繼續11月之星飯局!!!

上星期五先食咗, 今日又再食?!! 是的!!! 上星期五係E5小組食, 今晚係8B大組食, 又或者可以稱呼呢餐做8B Annual Dinner, 我都要向貓兄寫個服字, 咁世紀性嘅活動都比佢搞得成, 勁!!!


2013年12月13日 星期五

一品燒鵝海鮮酒家 Perfect Roasted Goose Seafood Restaurant : 任食但無乜得食

5 December 2013, Thursday

今晚出席力仔的告別單身派對, 雖然好日子未有耐, 但係之後大家都忙, 唔知有無機會夾到日子再來一次拉力早飯局, 所以食定先...

天氣涼涼地, 就食佢地2個最鍾意嘅打邊邊...

大家決定食任食火鍋, 早兄話食過呢間位於大角咀的任食火鍋, 佢話都OK可以一試...




2013年12月11日 星期三

聖誕裝飾@The One

10 December 2013, Tuesday

影完Harbour City的聖誕裝飾, 又要轉場去The One啦啦啦... 嘻嘻... 之前見到Dull同糖小妹影咗超得意搞到我日日都心掛掛好想來, 不過我又懶過海, 一直遲遲未動身, 本應打算等到上星期五去K11食飯前早點過來影一影, 點知果日又鬼多o野做遲咗收工, 結果只係緊緊趕得切去食飯...

咩聖誕裝飾咁緊要?!! 咪Rilakkuma 輕鬆小熊囉, 呵呵呵呵...

DaDa... The ONE X Rilakkuma 輕鬆小熊10週年の星光遊樂園!!!

聖誕裝飾@海港城

10 December 2013, Tuesday

食咗一餐唔多掂的午餐, 係時候來尋下開心喇~~~

係半島酒店行去Heritage 1881然後再去Harbour City, 最方便莫過於行地(鐵隧)道!!!

去到1881, 前後只影了4張相, 同一個景, 同一個角度... 無謂再浪費時間, 拿拿聲過條馬路轉戰海港城!!!

歡迎大家一齊進入幻想世界!!!

2013年12月10日 星期二

「築。自室」- 香港建築師學會會員藝術創作展覽 REVEAL - The artworks exhibition by HKIA members

8 December 2013, Sunday

星期日去太古坊飲完茶, 散步路過ArtisTree聞到一陣裝修味, 仲以為係太古趁假日做維修, 點知原來係舉行緊香港建築師學會會員藝術創作展覽--「築。自室」, 一向喜歡睇藝術創作展覽的我倆, 當然會入去八下...

展品揉合生活與建築, 展品充滿藝術性, 每一件都讓人驚嘆, 拉姑強烈推介!!!

聖誕裝飾@希慎廣場

5 December 2013, Thursday

影完時代廣場, 行返地鐵站時順路影埋希慎廣場...

繼續手機拍聖誕系列...


聖誕裝飾@時代廣場

5 December 2013, Thursday

今日好忙, 要走幾個地方, 解決好所有事務後, 誤打誤撞來到Times Square, 見到人頭湧湧, 好多人係度影緊聖誕裝飾, 我又係無帶相機係身, 只好用手機影, 順道試下部手機夜攝功能如何...

Times Square露天廣場...


聖誕裝飾@太古城中心


28 November 2013, Thursday


今日路過太古城中心, 未到12月已經換上聖誕裝飾, 無帶相機, 就用新手機影住先順便熟習下...

3層高的聖誕樹, 好似比條火龍包圍住咁... 


2013年12月9日 星期一

港澳義順牛奶公司 Yee Shun Dairy Company : 座椅唔係設計比成年人坐


29 November 2013, Friday


食完新斗記都10點幾, 闊太Call Taxi速閃, 餘下「台山四寶」繼續覓食... 飽係好飽, 但好想食甜品...

慢步至義順牛奶公司, 推門一看... 嘩!!! 爆滿!!! 轉身走, 職員即時話有位, 迫我地坐落其中一張4人枱, 對情侶亦比佢地極速迫走...

問題來了!!! 張枱細唔在講, 張座椅細到唔係設計比成年人坐, 勉強坐下就膝頭頂膝頭, 身後客人與職員不斷穿梭, KaKaMa比進入客人的手袋撞到慘叫, 咁嘅情況, 無可能傾計, 極速食完即閃...

2013年12月8日 星期日

新斗記 Xin Dau Ji : 明知不可為而為之 (奉勸大家星期一至四來)

29 November 2013, Friday

早2個月先來過, 朋友們試過都讚不絕口, 經常提住話要再來, 我的Blog更以標題"新斗記 Xin Dau Ji : 因美味而誘發的會心微笑"來形容... 今晚重臨舉辦11月之星壽宴, 跌晒Watt, 眾人有點失望!!!

查實, 一早心裡有數, 星期五六日係繁忙日子, 去邊樹食都一定會跌Watt... 明知不可為而為之嘅原因, 咪都係因為讚媽一一一定要星期五晚先出得來!!! 星期五晚來訂枱只可以揀6:00PM或8:30PM, 佢仲好意思彈句"咁麻煩o架"!!! 呵.... 呵... 呵... 無言!!! 亦因為KaKaMa 6:00PM趕唔到, 咁我地最後揀8:30PM, 食完都應該無客等緊枱, 所以無人提到限時交枱...
(上次係星期四晚來, 可以自訂訂枱時間之餘, 仲無話要限時交枱)

2013年12月7日 星期六

微型公仔屋 の 迷你煎釀三寶車仔檔 (Dollhouse Miniature の Pan-Fried Three Treasures Trolley)

5 December 2013, Thursday


學緊迷你魚蛋車仔檔時走咗2堂去澳洲旅行, 回港後拼命跟回進度, 順利於課程結束前峻工, 都要再多謝一班好同學關照...

迷你煎釀三寶車仔檔極速跟貼課程進度, 5月中已經全部做好, 只差最後一步... 用百膠漿貼實三寶然後落埋油落油鑊... 只需要1日時間就能峻工拍照, 但我竟然掉低咗7個月先係書櫃攞返出來, 搞咩呀?!!

哈哈... 其實我好怕用百膠漿貼實完成品, 因為驚貼得唔好睇又拆唔返開, 會浪費之前下的苦功...

2013年12月5日 星期四

八月芳 Xi Yue : 菲林卷。手快有、手慢無!

30 November 2013, Saturday

八月芳由始至終我只吃過午市, 皆因平日午市真係唔多掂, 對晚市完全無信心...

驚險舊文重溫 : 鳥籠點心商務套餐... 
正常舊文重溫 : 港島東農墟...

八月芳的週末特價茶市質數出奇地高, 重點係唔使點排隊, 價錢又唔貴...

玉桃軒酒家 The Graces Restaurant (II) : 個廚無問題 原材料唔得

27 November 2013, Wednesday

舊年先開嘅玉桃軒酒家, 第一餐點心已嚇怕我地, 所以一直未有重臨, 直至上月師博擺大壽, 再食又OK喎, 導致我地今日膽粗粗來試晚餐, 結果...

等我帶大家重溫當年今日喇 : 玉桃軒酒家 The Graces Restaurant : 面容扭曲嘅懷舊千層糕

2013年12月2日 星期一

2013年11月29日 星期五

雪亮聖誕 @ 香港樂園迪士尼 Hong Kong Disneyland

19 November 2013, Tuesday

早前香港樂園迪士尼做Promotion「食買玩」優惠益香港人, HK$499可指定時間 (1/11-6/12/2013, 2/1-28/1/2014) 入園兩次, 兼享用樂園餐飲及購物折扣優惠...
夜晚係火箭餐廳買o野食時職員剩係問我有冇年票, 都無為意「食買玩」門票有9折, 蝕咗...
入園前Plan好買圍裙同八達通卡套, 但今年的產品唔多吸引, 仲要所有園區的產品都一模一樣無晒獨特個性, 打沉我的購物慾, 最後1件都無買, 享受唔到購物滿HK$350即享85折購物優惠...

對上一次o黎廸迪尼已經係2010年2月, 剛好3年零8個月無o黎過, 抗戰成功, 嘩咔咔咔...

原本想第一時間衝入去玩個夠本, 不過要就貓兄時間又要就天氣, 搞搞下就拖到貓兄生日正日去, 上演咗一幕萬千花火賀友慶」!!! 今晚會睇埋煙花先返歸, 屋企個電視全日熄機都好正常吖, 嘿~

2013年11月27日 星期三

澳洲「野生探索」の 愛回家?!! No!!!!!!

25 March 2013, Monday

Min 14oC, Max 27oC, Morning Clouds, Warm

昨夜觀賞「神仙企鵝回巢」時, 大呼"I don't wanna go home!!!"... 可惜事與願違, 今天一覺醒來, 就要面對最殘酷的現實... 回家鳥!!!

2013年11月26日 星期二

[試食邀請] NESCAFÉ® Smoovlatté® Mocha 全新朱古力咖啡

26 November 2013, Tuesday

月初收到PR送來的1大箱新品雀巢咖啡(10月才推出的哦), 正在垂釣的同事們頓時個個都Blink Blink 眼走近...

咳... 同事們, 請耐心等候!!! 等我部相機飲咗先, 唔該!!!

咔嚓! 咔嚓!

影相時感到渾身不自在... 我已被一群長期捱夜的Zombies重重包圍著... (明顯係半夜都掛住打機同上網唔願瞓的上班一族)

2013年11月24日 星期日

澳洲「野生探索」の J2食尚玩家攞景定贈興?!!


4 April 2013, Thursday


回港後3天左右, J2台的「食尚玩家」亦殺到墨爾本!!! 唔單止去咗我地唔夠時間去的Puffing Billy (蒸汽火車)及Sovereign Hill (琉芬山金礦場), 仲要去埋我地食咗閉門羹的Queen Victoria Market... 哼!!! 到底係攞景定贈興呀?!!

1星期之後, 「食尚玩家」繼續潤我地...

港島東農墟 Island East Sunday Market


17 November 2013, Sunday

今日天氣好好, 藍天白雲, 係行山好日...

我認我地好懶, 唔會週圍行, 只會行近近地的柏架山...

吃過早餐, 11點幾就上山...

昨天買了新手提電話Sony Xperia™ Z1, 今天積極試機... 影影影影影...

2013年11月21日 星期四

「入得餐廳, 出得泳池」的手提電話 -- Sony Xperia™ Z1

16 November 2013, Saturday

我部iPhone 4S剛好用咗2年, 合約完了, 又係時候換機!!!

其實我對部舊機好滿意, 不過驚舊電再用落去會爆炸, 早換早著...

對上1部Sony手提電話已經係7年前對佢講Bye Bye... 今次重投其懷抱, 無非為咗Xperia™ Z1 的2千萬像素 f/2.0 大光圈的相機!!! 仲有 IP55 與 IP58 防止灰塵侵入並具備防水功能, 可以在 1.50 米深的淡水中浸泡長達 30 分鐘, 正所謂「入得餐廳, 出得泳池」, 巧勁!!!

顏色當然係揀我最愛的紫色啦~~~

新拍擋, 放心, 面對任何美食, 我都一定會讓你食先... 哈哈哈!!!
 

螢幕保護貼用咗我$40, 粗糙膠電話套又$40, 巧貴呀!!! 

由iOS轉Android, 巧煩呀!!! 用咗幾日時間, 仍然適應唔到... 唉... 其實點解我一定要換機呢?!! 買過一舊iPhone原廠電池唔得咩?!! (碎碎唸-ing)

2013年11月20日 星期三

澳洲「野生探索」の 墨爾本「神仙企鵝回巢」Go West一天團 (中)

24 March 2013, Sunday

Min 16oC, Max 25oC, Partly Cloud, Mild

續上集... 澳洲「野生探索」の 墨爾本「神仙企鵝回巢」Go West一天團 (上)...

3:20PM 下午茶時間!!! 到達第3站 (其實係第2站) Phillip Island Vineyard & Winery...

嘻嘻... 但係... 我地唔係來食下午茶的唷...

來得Vineyard, 唔通仲採茶葉咩, 緊係來Wine Tasting啦啦啦!!! 呵呵呵呵~~~

2013年11月14日 星期四

[秋冬滋補] 冰糖銀杏雪耳燉「原個」雪梨

26 October 2013, Saturday

早2日濕度急降至20%左右, 好恐怖呀!!!

一眾C9急忙煲一煲秋冬滋補王牌--燉雪梨!!!

我慢咗, 雖然買晒料, 但懶煲... Wahtsapp期間, 越吹越大, 結果... 玩大咗!!!

搞到鑽媽講咗1句"等你"!!!

PizzaExpress : 面膜水貨客分贓緊急晚宴

5 November 2013, Tuesday

又 PizzaExpress ?!! 唔係9月尾先食過咩?!!

係... 不過E4吹雞開八婆會, 吖, 唔係, 其實重點係水貨客在 Gmarket 訂了面膜急於分贓, 哈哈...

咁為咗就近水貨客, 係apm食最理想... 咁朋友想食PizzaExpress 或 Pokka Cafe, 2間我都經常食, 對我來講揀邊間都冇分別, 就由得朋友決定啦...

特別鳴謝水貨客及大戶將Cutie到不得之了的贈品朱古力化妝袋送給我, You're so sweeeeeeeet!!!

2013年11月13日 星期三

[試食邀請] 美心西餅 Maxim's Cake Shop : 萬人迷Hello Kitty誓言幻作摩天輪

10 November 2013, Sunday

風靡萬千女性的萬人迷, 化名Hello Kitty, "被公開"的私人檔案近日再度登上搜尋榜...

姓名:Kitty White
生日:1974年11月1日
星座:天蠍座
血型:A型
出生地:倫敦
身高:5個蘋果高
體重:3個蘋果重

年齡係女性的秘密, 特別係公眾人物, 但Hello Kitty從不介意, 更在自己39歲生日當天, 夥拍美心西餅, 送上窩心的禮物給她的忠實粉絲--我!!! 哈哈... 多謝!!! 真係超超超開心!!! 勁鐘意呢份禮物呀!!!

2013年11月12日 星期二

[試食邀請] Campbell’s PREMIUM™足料即食湯




9 November 2013, Saturday

昨晚到Simplylife吃晚飯時, 因怕食太多麵包會太飽而食唔落主菜, 所以食1半留1半, 然後要求店員幫我將食剩的麵包包起, 用來做今朝的早餐...

老實講, 法包新鮮時食用的話, 外皮已有點硬, 隔了一夜更是硬得要命... 若以湯或芝士火鍋來伴著吃, 倒又是另一番景象...

2013年11月8日 星期五

澳洲「野生探索」の 墨爾本「神仙企鵝回巢」Go West一天團 (上)

24 March 2013, Sunday

Min 16oC, Max 25oC, Partly Cloud, Mild

9點未到, 鬧鐘都未響已自然醒, 身體叉足電, 我已經充滿力量喇!!! 去旅行本來就應該係要嘆下的, 自我感覺良好-ing...

Go West Local Tour會係11:50AM集合, 我地10:40AM已準備就緒, Anytime出得門口...

有了前日大洋路之旅的歡樂體驗, 對今天的旅程充滿期待, 可惜... 有時候... 就算係同一間旅行社, 只要係唔同導遊, 原來擦出的火花都可以有好大出入... 加上今日不時下雨... 唔通... 連個天都唔鐘意我?!!

今天的司機兼導遊是非常有型的Frank, 長相有點像白髮蒼蒼的德斯汀荷夫曼(Dustin Hoffman), 只是Frank較Dustin廋一點...

2013年11月3日 星期日

澳洲「野生探索」の 墨爾本霸王車一天遊 (下)

23 March 2013, Saturday

Min 13oC, Max 25oC, Morning Cloud, Mild

延續... 澳洲「野生探索」の 墨爾本霸王車一天遊 (上)澳洲「野生探索」の 墨爾本霸王車一天遊 (中)

港霸王拉姑今日坐完墨爾本免費遊客穿梭巴士(FREE Melbourne Visitor Shuttle), 又坐埋墨爾本免費觀光電車(35 - City Circle - FREE Tourist Tram), 又再次踏上征途, 尋找拱廊!!!

滿心歡喜來到Melbourne Central尋找早2日搵唔到的拱廊... 原來都唔係我要搵的拱廊, Oh No!!!

以紅磚砌成的貨倉, 只是商場的噱頭, 骨子裡只是店舖數間... 商場裡人頭湧湧, 卻只有我倆在瘋狂拍照, 更有人對我倆的行徑報以奇怪眼光, 很不自在...

2013年11月1日 星期五

第一手現場直擊報導 2013 Hong Kong Wine and Dine Festival 香港美酒佳餚巡禮

31 October 2013, Thursday

It's Halloween, It's Halloween... ♫ 

「蝦佬喂」之夜, 你準備咗d咩節目呢?!!

Kenmerry就來到由香港旅遊發展局舉辦, 一連四天的「2013 香港美酒佳餚巡禮」開幕典禮... 今年首次於全新場地 ─ 中環新海濱舉行, 大家千萬唔好去錯老地方呀!!! 西邊入口係中環環頭旁, 南邊入口係金鐘門常關(政總)旁...

2013年10月30日 星期三

走的終須走 傷的終傷透... 再見Yahoo Blog

20065月19日

開始了Yahoo! Blog生涯...

8年間, 寫了超過1000篇Blog, 我都想像唔到自己呢8年用咗幾多時間去影相+執相+寫文... 

起初, 只是記錄同學間的飲食及活動花絮, 還有我和Honey的飲食旅遊點滴... 是一個自閉博客...

後來, 間中也上了人氣精選, 多了新朋友來瀏覽, Blog友圈擴闊了, 特別是認識了一班玩Re-ment同Miniatures的Blog友, 和一年去幾次旅行的Traveller, 互相帶動下, 令我更投入寫Blog... 

2013年8月30日

所有Yahoo! Bloggers感到最徬徨無助的一日...

Yahoo! Blog 公告天下, 將於2013年10月30日進入唯讀模式,2013年12月26日關閉服務...

2013年9月9日

我在Yahoo的最後一篇Blog終於發了...

澳洲「野生探索」の 墨爾本大洋路「樂不思蜀」Go West一天團 (下)

開始Backup個人網誌, 並進入"唯讀"模式...

2013年9月17日

我在Blogspot成功Import了1200篇網誌... 鬆一口氣...

2013年9月19日

發表了我在Blogspot的第一篇網誌...

2013年10月30日

Yahoo! Blog 全面進入"唯讀"模式... 2013年12月26日關閉服務

[試食邀請] 美心西餅 Maxim's Cake Shop : 山東板栗果仁脆脆 Simple but Beautiful

26 October 2013, Saturday



Cool魔)))))) Cool魔呀)))))) 好型呀!!!!!!

正所謂 「Cake不醉人人自醉」, 面對型佬Chilam, 部傻瓜相機發揮它的傻瓜本色, 竟然死都唔肯對焦落個蛋糕度, 係都要對焦落Chilam的俊面上, 搞到我係秋涼的情況下都影到大汗叠細汗, 莫非係時候要換相機?!!

今個月行栗子蛋糕運, 一個月內連吃了幾個栗子蛋糕, 美貌與美味並重的「紫」醉「甘」迷立體蛋糕Floral Cake, 像坐在雲上吃板栗的棉花糖栗子撻, 今天又輪到Chilam做代言人的山東板栗果仁脆脆, 好幸福哦~

2013年10月28日 星期一

澳洲「野生探索」の 墨爾本霸王車一天遊 (中)

23 March 2013, Saturday

Min 13oC, Max 25oC, Morning Cloud, Mild

延續... 澳洲「野生探索」の 墨爾本霸王車一天遊 (上)

3:00PM 遊畢墨爾本皇家植物園 (Melbourne's Royal Botanic Gardens) 與 澳洲戰爭紀念館 (Shrine of Remembrance) , 於13號站乘坐墨爾本免費遊客穿梭巴士(FREE Melbourne Visitor Shuttle), 繼續「霸王車一天遊」餘下的行程...

好彩一上車就有位坐, 超迫人呀!!!


有位坐已經好幸運, 仲要係窗口位, 舒舒服服觀光之餘, 仲可以狂影相... 咔嚓咔嚓咔嚓咔嚓咔嚓...

2013年10月26日 星期六

2013 香港美酒佳餚巡禮 X 蝦佬喂!!! 仲有5日, 你準備好未?!!

26 October 2013, Sunday

仲有幾日就到「蝦佬喂」, 你準備咗節目未?!!

香港旅遊發展局一連四天的「2013 香港美酒佳餚巡禮」將會於「蝦佬喂」當日開幕, 今年首次於全新場地 ─ 中環新海濱舉行, 大家千萬唔好去錯老地方呀!!!

一如以往, 我會第一時間衝去「Riedel尊尚名酒區」品嚐美酒, 然後再慢嘆佳餚, 梳乎也~

我之前去過3年, 包括2009年, 2011年, 2012年, 現場設施一年比一年搞得好, 最回味2011年, 天氣涼涼地, 第一次飲冰酒, 第一次刨芝士花, 第一次坐定定睇開幕典禮, 有Vivienne Tam設計的巨大化酒樽, 更有網上流動媒體即晚要求轉載我影的相片, 回想起也覺得甜絲絲...

當晚即時寫起篇Blog, 3日瀏覽量居然達7000次以上, 對於席席無名的Blogger如我, 是一種很大的鼓勵... (2012年Y!Blog Server搬到美國後, Search功能癈到震, 瀏覽風光不再, 不過就上咗Y! Blog人氣精選「生活點滴」)

澳洲「野生探索」の 墨爾本霸王車一天遊 (上)

23 March 2013, Saturday

Min 13oC, Max 25oC, Morning Cloud, Mild

今天早上睡至自然醒, 10:10AM, 太舒服喇!!!

昨天的大洋路之旅非常充實, 早去午夜返, 慶幸今天放棄了去金礦山, 只在市內Hea一天, 否則一定辛苦死了...

從酒店行2個街口就會到達FREE Melbourne Visitor Shuttle Bus Station... 你沒看錯, 是FREE的!!! 免......費!!! 咁著數?!! 真定假?!! 好想知?!! 就等我帶你去坐霸王車玩1天吧!!!

很不幸, 隔住1個街口見到免費遊客巴士離開11號巴士站, 要等30分鐘先會再有車...

2013年10月25日 星期五

[試食邀請] 美心西餅 Maxim's Cake Shop : 雲上吃板栗

23 October 2013, Wednesday

每日放工的動作都係非常刻板, 先吃晚飯, 然後就去買生果同麵包... 今晚食完壽司多咗1件事要做, 就係去取回之前買落的運動衫...

途經地鐵站, 突然牙痕想試試美心西餅新推出的棉花糖栗子撻, 諗都無諗就即刻換咗1件... 結果因為驚個栗子撻舟車勞頓會變花面貓, 搞到我要第一時間衝返屋企, 無去買生果同取衫... 麵包就當然係美心西餅買埋啦...

2013年10月22日 星期二

瑞樵閣 Chesa : 浪漫芝味溶流 傾瀉阿爾卑斯

9 October 2013, Wednesday


發生係8月的一段對話...

拉姑 : 我知唔剝唔得...
牙醫 : 一定要剝... 仲要剝埋上面果隻...
拉姑 : (晴天霹靂) 吓?!! 點解呀?!! 上面果隻都無問題?!!
牙醫 : 一剝要上下一Pair剝... (blah blah blah)
拉姑 : (嚇呆了, 欲哭無淚) 哦...  哦... 哦...
牙醫 : 頭2-3日食唔到o野, 要食流質食物, 大約1星期之後可以用另一邊咀嚼...
拉姑 : (行屍走肉) 哦...  哦... 哦...

就係咁, 好天真好傻的拉姑, 信晒牙醫, 以為開刀後一星期就可以食返o野, 懶醒地以為比夠2星期時間個傷口好返, 點知... 2星期後放監同朋友食咗一餐晚飯, 傷口隨即痛足2日2夜, 苦不堪言!!! 眼淚在心裡流  此際  怎麼開口?

2013年10月14日 星期一

[試食邀請] 美心西餅 Maxim's Cake Shop : 「紫」醉「甘」迷立體蛋糕 美貌與美味並重

12 October 2013, Saturday


若你收到咁可愛的栗子氫氣球, 反應會否同我一樣, 開心到飛起?!! 漫畫人物往往能夠以單手抓住氫氣球飛翔萬里, 呢一刻, 我的肉體仍留在公司內, 靈魂已跟住這粒栗子飄到Creamy的白雲上...

2013年10月11日 星期五

[博客活動] Arome Bakery Room 東海堂 : 秋冬限定の「日本一花畑芝士」芝味

8 October 2013, Tuesday


花畑牧場位於北海道十勝, 地靈人潔, 乳牛成長健康, 牛乳格外天然味美... 花畑的人氣名物當中, 以「濃烤芝士(Raclette Cheese)」為首, 以「低溫殺菌」技術保留牛乳的最天然的原始風味, 並堅持以人手製作, 難怪會於2011年第8回「ALL JAPAN Natural Cheese Contest」中勇奪被喻為全日本第一最高殊榮的「農林水產大臣賞」, 於日本備受肯定...

2013年10月8日 星期二

PizzaExpress : 魅力減退 入會即減$50

27 September 2013, Friday


原本今晚想去半島酒店食瑞士菜, 不過太遲訂位, Full Booking, 搞到失晒預算... 放工路過PizzaExpress, 又心郁郁想入去, 結果... 又入咗去...

其實... 我真係好鐘意食PizzaExpress, 哈哈...

落單前店內所有客人均是外籍人士, 無人講中文, 好似去咗蘭桂芳咁... 較後時間才有少量講中文的客人到來...

門外的餐牌再見唔到有套餐, 仲以為已經冇咗, 入座後派發的餐牌又有Set Dinner, $338 For 2, 1款頭盤+1款沙律+1款薄餅或意粉+1客甜品+2杯汽水... 好似好抵, 但近期腸胃唔好, 唔想飲汽水同食沙律, 最後決定散叫...

2013年10月6日 星期日

新斗記 Xin Dau Ji : 因美味而誘發的會心微笑

26 September 2013, Thursday


脫了智慧齒後的第一頓豐富晚餐, 是九月之星的第一頓壽宴, 想吃好一點, 又不想朋友們太破費, 不想中伏又想食物質數有保證, 又想大家都交通方便, 到底那裡好呢...

想來想去, 選了太子的銀杏館及佐敦的新斗記, 由於太子的銀杏館是供應素菜的, KaKaMa想也不用想便說去佐敦的新斗記, 哈哈...

預早一星期致電訂位, 星期一至四不用限制時段, 亦不用限時交枱...

早了15分鐘來到, 全場爆滿, 已開始有人等位... 雖然我訂了枱, 亦要等... 等候期間, 四處拍照...

2013年10月5日 星期六

[著數活動] 王子飯店京川滬廚房 Prince Restaurant : 探索古蹟美味

25 September 2013, Wednesday


早前參加了「U Food 之寫食評請食大餐」遊戲, 嬴得王子飯店京川滬廚房的「仲夏京川滬尊尚午宴(2位用)」(價值港幣$248), 免費午餐, 不是不存在的, 呵呵, 超爽!!!

收到領獎通知書後, 理應第一時間衝去領取... 可惜剛脫了智慧齒, 傷口很痛, 天天餓著吃不飽, 連返工也感到吃力, 整天暈陀陀的, 無力四處走, 唯有留到臨近Deadline前才去取...