網頁清單

2012年12月2日 星期日

[博客活動] DIY Angry Birds 造型飯盒 101 : Step-by-Step @ iCook Workshop

25 November 2012, Sunday
有幸獲PR邀請出席「刀嘜x “Angry Birds”彈入你屋​企烹飪班」, 驚喜萬分... 驚是驚自己入廚經驗淺搞唔掂, 喜是喜Angry Birds是姪仔姪女的至愛... 感激PR的邀請, Thank you~

Angry Birds便當由日籍家庭料理導師田中太太設計及示範, 席間盡是人氣Bloggers, 以我這種小薯的身份出席, 頓時如用了叮噹的放大縮小槍, 要將自己縮小再縮小, 平時大聲夾無準的鴻運聲線, 亦因害羞而變至無聲... 害羞的來源是PR介紹人氣Bloggers的廚藝是何等高超時, 我這位廚房Dummy真想找個地方躲起來... PR介紹我時, 我本想自我介紹自己有學做過3D Angry Bird 蛋糕 (http://blog.yahoo.com/ken-merry/articles/80563)... 但... 只係學過而不是自己研製, 真的不想在各位猛人面前獻醜, 最後還是無聲勝有聲好了...


先睇睇我同外甥女合作完成的制成品... Oh... Kawaii... 第一次接觸造型飯盒, 有此成績, 都算唔錯啦, 自吹自擂-ing... 哈哈... (實情是田中太太的功力深厚)

嘻嘻... 上課前, 田中太太親自炮製多款小吃招呼我地, 豬豬Pig餅乾好可愛呀!!! 綠茶紅豆忌廉卷超好味!!! 沙律菜好新鮮!!! 有得免費學做Angry Birds便當, 仲可以品種到咁美味的小吃, 好幸福呀!!!


想知點整Angry Birds造型飯盒?!! 好, 去片!!!

有請... 田中太太!!! 大家比d掌聲... 啪啪啪啪...


食材同廚具已經一早為大家準備妥當...




仲有今日的主角... 「刀嘜奧米加3芥花亞麻籽油」... 多謝PR送了2支給我地回家煮好餸... 仲有2個Angry Bird微波陶瓷盒, 我同外甥女都好鐘意... 大家想要Angry Birds限量版微波陶瓷盒、型格陶瓷杯、微波陶瓷碟、精美陶瓷碗和輕便水樽的話, 就快d去百佳、惠康、華潤萬家、吉之島、一田、APITA購買刀嘜食油產品優惠裝, 即可獲贈...



Step 1 -- 獅子狗裝飾

秋葵及獅子狗卷灼熟, 將秋葵穿入獅子狗卷內, 切頭切尾, 再切成4片, 以可愛牙籤串起... 備用...


Step 2 -- 蛋沙律

雞蛋烚熟開邊, 挑出蛋黃, 下蛋黃醬、鹽、胡椒拌勻, 釀回蛋白內... 備用...


Step 3 -- 香腸炒西蘭花

以「刀嘜奧米加3芥花亞麻籽油」及蒜蓉粉起鑊, 將香腸、西蘭花、粟米炒熟... 備用...


Step 4 -- Angry Birds飯團

以蔬菜汁煮飯便成紅飯, 將煮好的紅飯及白飯分別搓成小飯團, 再合併成Angry Birds形狀... 再將芝士剪成眼睛, 紫菜剪成眼珠及眼眉, 魚肉腸剪成嘴巴, 加上心形裝飾即成...


Step 5 -- 炸雞塊

最驚的環節... 我的初炸呀!!! 雞胸去筋後切碎, 與炸漿拌勻, 以湯匙做成蛋狀, 用「刀嘜奧米加3芥花亞麻籽油」炸至金黃... DaDaDaDa... 人生第1炸, 炸... 炸炸炸...


先將Angry Birds飯團放入飯盒內, 然後再將餘下配料(獅子狗裝飾、蛋沙律、香腸炒西蘭花、炸雞塊)逐一放入飯盒內, Angry Birds飯團便當就大功告成!!! Yeah!!!



造型飯盒... 睇日本劇集就見得多, 諗都無諗過自己會嘗試做, 仲要1 Take過OK, 有少少天方夜譚的感覺... 我係咪仲發緊夢呢?!! 經一煮, 長一智, 我相信可以運用今次所學到的技巧, 嘗試制作Melody、Hello Kitty、Keroppi造型飯盒, 希望有朝一日, 可以同姪仔姪女一齊制作造型飯盒!!!

田中太太總共設計了10款刀嘜 x “Angry Birds”親子食譜, 款款食品的造型都維妙維肖, 非常可愛, 大人細路見到都一樣咁鐘意...

如果想跟田中太太學整Angry Birds 美食, 於超市購買刀嘜產品有機會送你刀嘜 x “Angry Birds”2人親子烹飪班, 大獎仲可以得到3人行芬蘭之旅機票連酒店住宿... 嘩, 到時咪可以去芬蘭玩轉Angry Birds主題公園, 同憤怒鳥一齊彈豬豬... 好吸引呀!!!
2013年是刀嘜的50週年誌慶, 刀嘜 x Angry Birds 仲有一連串活動, 有興趣的朋友可以Click入好媽媽網站了解吓... (www.haomama.com)

10 則留言:

  1. 有得食有好玩的, 得意樣子angry bird
    [版主回覆11/30/2012 23:44:20]應該改名做Happy Birds~

    回覆刪除
  2. 你寫得好長盡呀
    你唔叻都唔叫係去啦~~~高手
    [版主回覆11/30/2012 23:48:39]當日高手如雲, 我不敢當呢~

    回覆刪除
  3. 個便當好多料又得意, 睇見都開心!
    [版主回覆12/05/2012 14:10:04]原來平時唔鐘意食飯的小朋友, 見到呢個飯盒真係會好似著咗魔咁, 為咗食到佢, 咩都肯乖乖就範~

    回覆刪除
  4. woooo~ so yummy and good !
    [版主回覆12/06/2012 21:21:47]Thank you ar~

    回覆刪除

  5. [版主回覆12/08/2012 00:05:25]

    回覆刪除
  6. 個日真係好好玩好開心呢!
    [版主回覆12/08/2012 10:12:57]Yes, 既緊張又興奮, 學咗仲畢生受用~

    回覆刪除
  7. 呢個活動好好玩, 大家可以為屋企人炮製愛心飯盒之餘, 仲可以發揮創意, 改造一下添!
    [版主回覆12/09/2012 18:19:45]真係好好玩, 第一次同外甥女上親子課, 兩口子全程傻笑~

    回覆刪除
  8. 愛心飯盒呀!!大朋友也愛呢!!拉姑的初炸好靚呀!
    [版主回覆12/09/2012 18:22:22]Thank you!!! 從不炸東西, 煎也是5隻手指數得晒~

    回覆刪除
  9. 做得好靚~~
    [版主回覆12/10/2012 21:50:21]Thank you~~~ 其實係老師教得好~~~

    回覆刪除
  10. 好開心喎! 實食得開心!
    [版主回覆12/12/2012 12:26:48]係呀, 電視廣告入面偏食的小朋友家長有救星啦~

    回覆刪除