網頁清單

2012年9月29日 星期六

[博客活動] Häagen-Dazs : 情傾魔幻之夜

26 september 2012, Wednesday
獲邀出席Häagen-Dazs全新「魔幻滋味系列」發佈活動, 真係好開心, 因為佢嘅雪糕除咗好食之外, 佢仲會費盡心思去為雪糕做出特別的造型, 每逄特別日子都會去嘆雪糕, Häagen-Dazs係我最愛的雪糕店, , 多謝有關單位的安排~

魔術師以一連串出色的魔術表演為今晚活動掀開序幕, 令現場人士熱血沸騰, 連場外人士亦不禁駐足觀看, 很熱鬧呀~



首先出場的... 「魔幻奇程」雪糕蛋糕!!! 一出場引起一片哄動... 半球狀的比利時朱古力雪糕蛋糕, 滿載惹人垂涎的新鮮藍莓、紅加侖子、士多啤梨、棉花糖和金箔, 還有小巧精緻的朱古力禮物盒, 再以通花半球狀朱古力作為頂蓋, 造型美輪美奐, 令人一見傾心!!! 可惜... 有得睇冇得食... 想知道係咩味道, 就要靠大家自己去發掘喇~
跟住出場的... 「火焰奇遇」!!! 外型完全係1個朱古力波, 究竟雪糕係邊呢?!! 唔好心急...




職員隨即在熱伏特加酒上點火... 頓時火光熊熊... 我都唔敢將相機放得太近... 職員將著了火的熱伏特加酒酒淋到朱古力波上, 朱古力波慢慢被溶化, 露出內藏的9個雪糕球、Brownies及朱古力薄脆... WoW... It's Magic!!!

自問是Brownies怪, 一見到Brownies就會兩眼發光, 當大家都正在搶奪雪糕球之際, 我竟然背道而馳, 暗暗搶佔Brownies... Brownies其實味道唔錯, 唯一係比較乾身咗少少, 而且要與以72%比利時朱古力制造的外殼同場較量, 當然會被狠狠地比下去!!! 大家千萬唔好當個外殼係裝飾品而唔食呀, 咁你會走寶o架~ 呢個72%比利時朱古力外殼集香濃幼滑細膩美味於一身, 入口即時溶化, 舌頭嚐盡甜味後開始帶點苦澀, 甘中又帶點微酸, 是上等黑朱古力才擁有的獨特氣質~  還有朱古力薄脆, 以朱古力包裹脆片, 咬開時咯咯聲, 小朋友必定喜歡~ Häagen-Dazs的雪糕以幼滑見稱, 一次過嚐到9款味道的雪糕, 相信再貪心的人也無話可說了~

最後出場的「彩動心弦」, 係「魔幻一刻」系列中唯一可以外賣的!!!

以72%比利時朱古力制造的通花半球狀朱古力頂蓋, 令人聯想到跳著神秘回族舞蹈的少女所帶著的頭紗, 令人有"嘩"一聲的感覺!!! 以朱古力薄脆打造成雪糕杯, 滿載逗人喜愛的HD雪糕及各式鮮果, 又是大家搶灘的時候!!!

換個角度, 先可以睇清楚整個造型!!! 美食當前, 請問你仲忍唔忍得住?!! 各位食家已經急不及待, 同平時慢條斯理為求捕捉最精彩一刻的情況好唔同... 馬達要開動啦~

新鮮奇異果與士多啤梨是雪糕陪襯的常客, 桃肉反而少見, 可惜是鑵頭貨, 不加反而更好~ 比利時朱古力雪糕朱古力味道濃郁, 奶味亦重, 口感幼滑, 是我的Must Eat Item!!! 綠茶雪糕茶味濃郁, 士多啤梨雪糕酸甜醒胃, 曲奇雪糕香脆味美... 相信不少減肥中的女士們會不禁因它而破戒...

只吃2款雪糕, 又點夠喉呢... 大家都走到雪糕櫃前選擇自己心儀的雪糕, 一時間非常熱鬧, 可以同坐其他枱的食家交流一下喜愛的味道, 也是一種幸福~


最後我又再吃多4球... 芒果雪葩味道清新, 果香四溢, 甜中帶酸, 是醒胃首選!!! 白桃雪糕味道清香甜美, 要先吃白桃才吃其他味道, 否則味道會被蓋過... Bailey's及Tiramisu也是我的至愛, 滲出啖啖酒香, 味道像人生一樣, 甜中帶苦, 苦盡甘來, 才能夠啖出真正的甜味~

餐廳的座位經過精心設計, 舒適的弧形梳化令人坐下後不想離開呢...
提提大家, 「魔幻一刻」系列需要數天前預訂, 記得喇~

多謝有關單位送贈的小禮物, 以後係屋企用佢o黎食HD雪糕, 肯定特別滋味~

是次每人消費約 N/A 元
味道: 4 環境: 4 服務: 4 衛生: 4 抵食: 4
###
地址 : 銅鑼灣軒尼詩道500號希慎廣場6樓626-627號舖
電話 : 2760 7681

沒有留言:

張貼留言