網頁清單

2012年6月15日 星期五

林邊生物多樣性自然教育中心 (Woodside Biodiversity Education Centre)

3 June 2012, Sunday

講咗十幾年, 話將紅屋開放做博物館, 今日終於有得入去參觀喇!!! 你地話啦, 我地個政府做o野幾咁有效率吖~

好, 而家就帶大家入去睇睇, 搞d咩咁勁, 要搞成十幾年嘅...


荷花池~


一入門口, 被力Sell去體驗自然工作坊, 天氣太熱, 濕度又高, 迷迷糊糊就比人帶咗上去... 一睇... 嘩!!! 乜搵d咁考IQ, 仲需要心眼手腳合一嘅工作坊o黎搞我呀... 紙牌手工呢條橋應該係參考康文處...


難度太高, 一坐低, 紙巾都抺濕2張... 好不容易, 完成咗... 放埋去工作坊嘅Demo側邊影相留念...


門外有幅濕地拼圖, 都幾靚~


樓下有個展示館, 有幾隻活生生嘅小動物睇吓...

彈塗魚... 乜... 彈塗魚唔係生活係紅樹林嘅咩?!! 幾時搬咗o黎紅屋?!!


招潮蟹... 咦... 你又由濕地搬咗過o黎?!!


翠青蛇...


天牛...


蟋蟀...


另一個展示館, 播放旁白近似催眠嘅Slideshow...


仲有電影室, 播「Life」... 嘩!!! 「明豬台」都有得睇啦, 咁點解要係度拎籌睇?!! 謎...

仲有展示館擺放生態調查嘅用具...

行攰咗, 可以行出露台乘涼...


入口處呢棵大榕樹好彩冇係活化時「被自殺」... 之前行山時見到佢部分外露嘅根被電鋸鋸斷, 睇到心都傷埋...


參觀完呢個活化後嘅紅屋, 真係諗唔到入面嘅展品同紅屋有咩關係!!! 仲有, 究竟邊個諗個咁水蛇春咁長嘅名--林邊生物多樣性自然教育中心--真係難讀過麥當當急口令!!! 再者, 放幾隻生物係度, 就自稱"多樣性", 會唔會太誇大?!!
林邊生物多樣性自然教育中心
Woodside Biodiversity Education Centre
http://woodside.gov.hk

###「 紅 屋 」小檔案 ###
「林邊屋」又名紅屋,位於鰂魚涌柏架山道50號,1922年興建,原用作太古糖廠的高級職員宿舍。「林邊屋」是一座由紅磚建成的兩層高建築物,另有地庫。1976年成為政府物業,由政府產業署管理。由1985年起至2002年,政府將整個地方租予國際文化事業協會(ICA)。1998年,政府將該處重新劃為綠化地帶,而古物諮詢委員會亦將「林邊屋大樓」列為二級歷史建築物。

活化後成為林邊生物多樣性自然教育中心, 有3個展館,展出較罕有生物,另外亦有設施講述環保工作。


2 則留言:

  1. 十幾年
    [版主回覆06/15/2012 22:38:14]

    回覆刪除
  2. 使唔使錢入架???
    唔係呀下講左十幾年先有....................
    [版主回覆06/15/2012 22:41:40]免費參觀!!!

    整十幾年唔緊要, 整十幾年先整D咁嘅o野出o黎就... 唉...

    回覆刪除