網頁清單

2012年2月26日 星期日

「單頭飯」の 柱侯蘿蔔炆排骨

25 February 2012, Saturday

「廚盲」今日又煮飯仔啦啦啦~ 

有朋友成日POST D蘿蔔炆牛腩嘅相上FB, 搞到我都好想食... 之但係我未買過牛腩, 唔知點買先好食, 所以轉做排骨先啦, 哈哈...
 
柱侯醬係主打... 排骨我用黑毛豬的... 再加日本白蘿蔔, 幾條蔥, 幾片薑, 少少蒜蓉...

2012年2月23日 星期四

富嘉閣 Foo Ka Chinese Restaurant (II)

20 February 2012, Monday

好耐冇去「富嘉閣」, 今日原本想去隔離間「粥麵館」食粥, 不過天氣開始轉熱, 唔係好想食粥, 所以行到去門口臨時轉軚...

11點半, 得1枱客, 好靜局... 加上酒店級環境, 舒服到暈... 食物同服務都係酒店級, 好多酒店都唔夠佢揮...

珧柱豆苗餃--雖然冇咩珧柱, 但係豆苗好幼嫩, 好得~

懷舊麒麟馬拉糕--SO SO...

黑芝麻流沙包--流沙包食得多, 黑芝麻流沙包係第一次食, 好得呀!!! D黑芝麻真係好流沙呀!!! 超強勁黑芝麻味, 微甜, 我比10個讚!!! (黑芝麻怪嘅說話唔多中肯, 大家唔好盡信, 咁啦, 8分啦)

桂花豆沙煎堆--讚! 讚! 讚! 落單20分鐘先有得食, 我估係即炸, 嘩, 熱辣辣到呢, 仲要一滴油都冇, 勁!!! 細細粒, 豆沙蓉好香桂花味, 好有驚喜!!!


是次每人消費約$75元
味道: 4 環境: 5 服務: 5 衛生: 5 抵食: 4
###
地址 : 鰂魚涌英皇道683號嘉里中心2樓
電話 : 2750 0823

2012年2月22日 星期三

譚魚頭火鍋 Tanyoto Hotpot

19 February 2012, Sunday

又係太古之友飯局~ 原定去北京樓, 不過FULL咗... 跟手住去西苑, FULL埋... 個市有冇咁旺呀?!! 無奈之下, 轉去康怡廣場新開咗一排嘅「譚魚頭」, 之前試過幾間新開嘅餐廳都唔多掂, 所以今次都有D擔心...

朋友BOOK咗6位, 但係臨時有D事要遲D到, 叫我早D去拎枱... 去到先發現, 居然比間8人房我地?!! 有D驚... 即刻問帶位嘅職員有冇MINIMUM CHARGE, 不過佢冇答我...

個個o黎到見到係房都覺得又驚又喜, 喜係覺得傾計一流, 驚係唔知有冇MINIMUM CHARGE, 個個都話等陣問下, 點知落晒單食晒o野都冇人記得問!!! 最後... 好彩... 係冇嘅!!! 5個人食咗700蚊啫... 不過都幾貴, 價錢拍得住西苑...

原本以為川菜一定好辣, 不過餐牌都有好多唔辣嘅餸可以揀...

拔絲無骨咕嚕肉--剩係睇個名已經好好奇, 上菜時一睇, 嘩, 個樣好得喎!!! 味道一樣好得!!! 拔絲脆脆地, 咕嚕肉酸甜適中, 伴碟嘅蜜桃都好好味, 呢個餸真係好得!!! 可以列入拉姑推介系列!!! (於18/03/2012再次品嚐, 已經完全唔係果回事!!! 拔絲不再, 咕嚕粉漿多過肉, 個咕嚕醬仲喪酸!!!) 


鹹蛋黃大蝦球--鹹蛋黃炸漿好惹味, 炸漿都好脆, 唔係太油, 大蝦球都幾爽口, 如果想濃味D, 可以點下碟底嘅鹹蛋黃漿(比D蝦球遮住咗), 好有心思...

樟茶鴨(半隻)--味道都唔錯, 皮都好脆, 不過好似D肉少D, 唔係啖啖肉果種...


上素粗齋--OK喎, 蔬菜款式多, 味道濃淡適中, 同埋唔太油...


薑汁酒炒芥蘭--嘩, D薑好大粒喎!!! 芥蘭頭批咗皮, GOOD!!! 冇咩渣, GOOD!!! 唔太油, GOOD!!!

 

白飯--平時唔會影, 不過見佢原碗蒸, 仲落咗幾粒粟米, 幾特別, 就比佢上吓鏡啦... 但係個碗太深, 搞到面頭D飯太乾, 個底又積晒水, 唔係好平均...

金瓜糯米棗--好好好味呀!!! 紅棗香甜又大粒, 糯米煙煙韌韌, 食落先食南瓜, D南瓜即刻冇晒味... 拉姑誠意推介!!!


今餐飯好有驚喜, 希望佢KEEP到~

是次每人消費約$140元
味道: 4 環境: 4 服務: 4 衛生: 4 抵食: 3
###
地址 : 太古康山道1號康怡廣場3樓
電話 : 2870 0238

2012年2月20日 星期一

「兩餸套飯」の 豆豉鯪魚油麥菜 + 鎮江骨

14 February 2012, Tuesday
Da

DaDaDa... 情人節無價愛心套餐隆重登場!!!


Errr... 豆豉鯪魚油麥菜... 鎮江骨... 普通嘢嚟咋喎... 


係呀, 係好普通, 不過都係我呢個廚盲第一次學整嘛, 整得到出嚟又入得到口都已經好勁o架啦, 哈哈哈哈~ 



2012年2月17日 星期五

PizzaExpress

13 February 2012, Monday

原本LUNCH食完「富豪金殿」, 晚餐係唸住食粥呀麵呀果D, 清清地... 之但係路過「PIZZAEXPRESS」門口, 見到聽日就係情人節, 今日依然都仲有$308二人套餐, 感覺好鬼抵... 又忍唔住想入去食... 由於冇BOOK位, 仲有位比我地都已經偷笑啦, 所以... 坐呢個位都冇所謂啦, 都幾特色吖, 哈哈哈哈...


印象中第1次去食PIZZAEXPRESS係5年前嘅情人節, 真係覺得好好食, 環境又好, 服務又好, 一試難忘...

之但係當時2人餐份量好大, 2個人食唔晒會好浪費... 同埋如果成日食, 肯定會變米芝蓮人, 唸起都驚... 所以之後都只係嚟過3次咋, 每次都係同D未食過嘅朋友嚟食吓, 個個試完都讚不絕口... (唔計同貓兄KaKaMa去亞士厘道分店個次)

頭盤4選1...

焗麵包球--暖笠笠, 又脆又軟, 食到唔停得口!!! 我最鐘意點GENOVESE香草汁, 有呢個汁食幾打都得呀!!! 乾蕃茄醬都好正, 蒜蓉牛油最唔特別... 一陣就掃光晒, 每次都唔夠喉...


沙律3選1...

雞肉沙律--估唔到跟咁大個麵包!!! 點焗麵包球嘅GENOVESE香草汁嚟食, 唔使一陣就KO咗... 羊奶芝士好大舊好好味!!! 烤燈籠椒都好好味!!! 好似有大半年冇食過沙律啦, 好滿足呀!!!


薄餅/意粉11選1...

帕達娜薄餅--因為想食羊奶芝士, 所以揀佢... 配料仲有菠菜, 蕉糖洋蔥, 蒜蓉... 平時比較少見嘅組合, 食起嚟好有驚喜, 特別係蕉糖洋蔥, 好好味!!! 羊奶芝士正就梗o架啦!!! 我冇揀脆薄批底, 因為佢嘅STANDARD批底對我嚟講已經好脆好薄...


甜品拼盤4選3...

(左) 朱古力蛋糕--FUDGE CAKE係暖嘅, 好重朱古力味, 讚!!!
(中) 意式芝士蛋糕--佢嘅TIRAMISU一定要食!!! 好正宗, 好重酒味, 同埋唔著重外表, 勁有內涵, 唔食就走寶喇...
(右) 焗麵包球配朱古力榛子醬--又焗麵包球?!! 係呀, 侍應妹妹話每人得2粒, 我唔想食芝士蛋糕可以試吓呢個... 點朱古力榛子醬真係幾好味, 之但係我上次去東歐就係朝朝早餐BUFFET狂食朱古力榛子醬, 搞到返嚟咳咗2個半月呀, 陰公!!! 今次食完都即刻有2聲咳, 好彩之後飲多D水就冇事...



餐飲我一定係揀凍檸茶, 貪佢UNLIMITED REFILL嘛, 哈哈~ 不過... 好似冇咩茶味...

全部職員態度極之親切友善, 以往嚟都係英語溝通ONLY, 今次多咗D講廣東話嘅後生仔女, 落ORDER都舒服D啦... 哈哈... 想叫佢地幫我包走食剩果半個PIZZA, 都未開聲已經明晒, 好有HEART!!! 我比9分!!! (留番1分比佢無限進步)

情人節都唔一定要食正日啫, 早一日食, 起碼都平一半以上, 都係食果D食物啫, 我寧願將剩番嘅錢去第2度食多1餐... 正日... 留番比D熱戀中嘅年輕人啦~

是次每人消費約$160元
味道: 5 環境: 4 服務: 4 衛生: 4 抵食: 5
###
地址 : 太古太古城高安閣G517號舖
電話 : 3150 8800

2012年2月16日 星期四

富豪金殿 Regal Palace

13 February 2012, Monday

雖然「富豪金殿」係由2009年開始已經連續3年榮獲米芝蓮一星, 之但係唔多覺有咩人提, 所以一直冇衝動嚟搵食...

過年前嚟「富豪金殿」食咗餐飯, 派咗380蚊CASH COUPON, 我同HONEY趁2月14日情人節前1日嚟食番餐...

預早BOOK好位, 11:50AM去到, 水晶燈都未開, 原來開12:00PM... 職員都比我地提早入座, 原來入面已經有一枱客食緊... 等到另一枱客都到埋, 都仲係唔開水晶燈... 最後等到12:10PM先開...


枱與枱之間都有一段距離, 空間感十足... 我地張枱望住維園, 好開揚... 到咗繁忙時間, 大約7-8成滿, 環境都唔嘈雜, 幾好...

之前唔得閒上網做RESEARCH, 坐低咗先用IPHONE上網搵, 食評唔多, 食點心嘅食評最近都一年前, 另一篇係3年前... 接近冇REFERENCE嘅情況下, 唯有亂點一通...

金獎茶皇雞--好好味呀!!! 個皮勁脆, 又薄又冇肥膏, 好重茶味好香, 隻雞又唔肥, 肉又唔韌, 之但係唔彈牙, 估計應該係雪雞... 唔使點醬食都好好味, 凍咗之後, 點D黑醋又有另一番滋味, 仲可以去油膩感... 如果點椒鹽食就太鹹啦... 呢隻雞其實大有來頭, 貴為旅發局美食之最大賞「至高榮譽金獎名饌」, 的確唔錯!!!


蒜片燒汁牛柳粒--好得呀!!! 牛肉肉味濃, JUICY又冇根, 熟得嚟又軟淋淋, 一咬即開, 好好味呀!!!


迷你鮑片荷葉飯--真係好迷你呀!!! 面頭果2片鮑魚, 得1MM厚咋, 果然好刀法!!! 鮑魚又淋又入味, 煙韌彈牙, 讚!!! 蝦乾好大隻好香, 荷葉飯好濕, 味道冇驚喜但OK...


木桶煎蘿蔔糕--蘿蔔每條都有1CMX1CMX3CM左右咁上下大細, 仲要有好多蘿蔔, 好足料!!! 個糕就濕淋淋, 麻麻地... 臘味近乎冇, 香味自然少...


全餐近乎冇SERVICE!!! 可能因為我地唔係富豪, 又唔係富豪MEMBERS!!!

明明我地張枱係黐實污糟碗碟COUNTER同上菜枱, 之但係揮手永遠冇人望, 有個阿叔仲越叫越走... 平時跟MEMBERS嚟, 實有個阿叔同部長全餐圍住你張枱轉, 今次嘅落差實在太大!!!

席間有職員埋嚟推銷MEMBERSHIP PLAN, 都幾吸引... 不過要食多幾次先回本...

埋單時比CASH COUPON, 個職員數都唔數下, 又未知我地張單幾錢, 就叫我地比左CREDIT卡先... 我同佢講話埋咗張單睇吓要唔要補錢先啦, 可能唔使錢呢... 職員返轉頭時話勁, 58咋... 有幾勁啫, 1蚊都唔使補就勁啦...

臨走幫襯吓個TOILET... 嗯... 都幾乾淨...

是次每人消費約$220元
味道: 4 環境: 4 服務: 3 衛生: 4 抵食: 3
###

地址 : 銅鑼灣怡和街88號富豪香港酒店3樓
電話 : 2837 1773

2012年2月15日 星期三

「單頭飯」の 韓國泡菜豬肉鍋

11 February 2012, Saturday
好耐都冇「學」煮飯仔啦... 

近期愛上咗「大戶屋」嘅「韓國泡菜豬肉鍋」, 係FB見到有朋友煮完POST D相出嚟, 攪到我都好想試吓...

2012年2月14日 星期二

江山薈京川滬菜館 Jiang Shan Hui Chinese Cuisine

8 February 2012, Wednesday

一年一次嘅「印尼幫」團拜又嚟啦啦啦!!! 呢餐飯有D DISLIKE小插曲, 寫咗篇好大篇幅嘅BLOG記錄低, 不過得我自己一個睇到, 哈哈...

職員推介套餐, 不過我地唔鐘意食魚, 所以決定散叫...

(左)前菜--難食!!!
(右)砂鍋雲吞雞煲--味道都OK, 雞肉同雲吞份量都好多...


脆皮素鵝--味道還可以...


鎮江小排骨--嘩!!! D排骨腥嘅!!! 估計係雪味...


回鍋肉炒年糕--年糕都炒得幾煙韌, 醬汁都均勻, 味道都OK...


高力豆沙--細粒咗D, 不過味道都OK, 如果多D豆沙會好D...


桂花湯丸--仲唸住係小丸子, 居然係大粒芝麻湯圓, 味道都OK嘅, 但係酒釀味唔夠...


味道只屬一般... 服務還可以, 因為成晚得幾枱客... 價錢算幾抵, 食咁多嘢先3百幾蚊...

適合唔在乎味道, 只係想平平地, 一大班人傾成晚都唔會比人趕走嘅朋友...

是次每人消費約$115元
味道: 2 環境: 3 服務: 4 衛生: 4 抵食: 3
###

地址 : 上環德輔道中262號一洲大廈2樓
電話 : 2880 9618


2012年2月7日 星期二

鈴木珈啡館 Suzuki Cafe Company

6 February 2012, Monday

「為食5人幫」龍の團拜擇日於正月十五進行... 由於鑽媽再度缺席, 「E5」遲吓可能要改名做「E4」...

我早咗10分鐘到「Suzuki」, 冇乜人喎... 影吓相先... 好耐冇玩一掃全景, 爽呀!!!


枱上嘅Promotion Stand介紹緊4間分店各有特色主題, LCX入面呢間嘅Theme係「The Romance of Victoria」, 不過你睇吓KaKaMa張櫈爛到... 再睇吓隔離枱D櫈磨蝕到... 後面枱張櫈爛得仲恐怖, 不過已經有客人到咗, 唔方便影... 唔通Victoria Theme嘅「核心價值」係「破爛殘舊」?!!


好口渴呀!!! 連水都冇, 要16蚊1枝... 嘩!!! 咁我緊係飲特飲好過啦...

口渴到暈, 正想Whatsapp大家問吓去到邊, 貓兄就準時到喇, Good!!! 第一時間Order 2杯特色抺茶飲吓先, 再整多個DIY Salad食住先...

特色抺茶--我同貓兄都揀咗紅豆味, D紅豆都幾有紅豆味, 跟住我話"奶味好重", 唔知貓兄點聽, 聽咗"冷氣好嘈", 笑死~ Set好位影相, KaKaMa就啱啱到, 好慘地比我叫佢行開D唔好坐住, 嘿嘿, 唔好嬲喎, 因為我好辛苦先擺好呢個位o架!!! 睇相先發現佢遲到15分鐘, 今次算佢好彩, 我地Order咗嘅食物都未到, KeKe~

右面張相係我影緊時, 貓兄唔知道, 轉動隻碟... 又幾好效果喎, 咔咔~ 再睇落去會見到真面目...

自選沙律--醬汁3選1, 另外可以加錢加配料, 要加錢就唔好啦... 我地揀咗青芥末蛋黃沙律醬, 味道都幾特別, 唔辣又唔攻鼻... 沙律都幾新鮮, 係份量少D囉, 1人得1啖...


沖繩溫泉蛋煙肉忌廉汁意粉--溫泉蛋半生熟, 怕怕, 了咗D冇蛋嘅嚟食, 好好味, 好Creamy!!! 佢地話加咗溫泉蛋好滑, 好正~


DaDaDaDa... 前文提到嘅"轉動中"物件真面目...

東京生薑黑豚肉比薩--好味喎!!! 貓兄話"唔似Pizza", 我仲答"嗯, 係呀係呀, 似薄餅", 貓兄點頭同意之後又話我句o野好矛盾... 咗一, 又係喎, 嘩咔咔咔!!! 跟住貓兄居然知道我所指嘅薄餅係可麗餅, 好勁呀!!! 呢個Pizza個皮軟到可以卷到好似雪糕桶咁揸住慢慢嘆, 所以覺得佢似可麗餅, 個餡D味又特別, 我好鐘意呀!!!


北海道蟹腳芝士飯鍋--呢個味道麻麻地, 同埋冇咩蟹腳, 但勝在夠飽肚...


食食吓, KaKaMa一時又話自己有幻覺, 一時又話暈... 原來係郵輪駛離碼頭時, 如果你定神望住隻郵輪, 有種漂浮感, 真係幾暈, 哈哈哈...

嘩!!! 原來而家仲有「幻彩Fing Long Long 」o架!!! 我地呢個位睇得好清楚呀... D霧!!! 


芝士焗脆薯條--未人齊已經Order, 食飽晒都未到, 搵D職員跟跟, 再等多一陣就有得食... 首先, 幼薯條, Not"賣飛佛"... Second, D薯條上面咁少芝士... Third, 個橙色芝士醬好似平時食芝士餅咁嘅味, 有D失望...

食完主菜, 到甜品出場...

北海道3.6牧場牛乳焦糖燉蛋(抺茶, 原味, 咖啡)--抺茶味唔錯, 食得出真正抺茶味... 原味都好SWEET, 個焦糖最脆... 咖啡味比飲1杯真嘅咖啡更咖啡N倍, 香到上腦, 但係因為濃度太高, 所以有D苦, 但係, 正正係我杯茶, 讚!!!


蛋糕Cut成細細件, 一個Order可以揀2種味, 職員話今日得番2種味, 偏偏就係我地揀咗果2種, 有D運~

(前) 抺茶紅豆芝士蛋糕--So So...
(後) 咖啡榛子蛋糕--點解我食到好重芝士味?!! 奇怪!!! 應該係Cream味啩... 味道So So...


心太軟邂逅芒果--個名幾Romantic, 情人節應該會大賣... 心軟程度掌握得唔錯, 配芒果汁真係另有一番風味, 不過用鑵頭菠蘿就有少少敗筆...

我地由7:00PM坐到9:30PM Last Order打烊... Bilibala咗成晚, 認真爽!!! 隔離枱D情侶都換咗2轉仲走埋...

約食飯時講好咗今晚係元宵節, 要一齊食湯圓, 不過又飽又夜, 都係Cancel啦~ 快D返屋企瞓教教豬好過啦... 而家咁多iPhone4S刧案, 大家都唔好咁夜啦~

是次每人消費約$165元
味道: 4 環境: 4 服務: 4 衛生: 4 抵食: 5
###
地址 : 尖沙咀廣東道17號海港城海運大廈LCX3樓OT307號舖
電話 : 2375 6262


2012年2月1日 星期三

Feast (Food by EAST)

28 January 2012, Saturday
轉咗iPhone之後, 終於有得用Whatsapp啦!!!

最大嘅收穫, 應該係比一個好耐冇聯絡嘅老友係Wahtsapp搵到我... 原來佢轉咗電話號碼, 唔怪得我Send SMS比佢好似冇反應咁啦...

都有2-3年冇見, 所以要搵個坐得耐嘅地方慢慢傾... 臨急臨忙都唔知去邊樹搵, 只係唸到太古城「東隅」酒店, 順利Book咗位食Tea Buffet!!! 由3:00PM食到5:30PM, 都只係138蚊加一, 咁抵嘅?!!

行緊去酒店時見到有一家幾口嘅外籍人士, 人人手上都拎住一支窩夫, 好似幾吸引喎... 所以入到去我又要食一支... 掛住傾計, 都唔為意原來D生果要自己加, 結果食咗支齋窩夫... 我覺得係合桃味...

上次食唔到嘅Tiramisu, 都幾好味, 幾滑... 士多啤梨卷酸酸地, 幾醒胃... Cupcake最正係幫你Cut好晒做半件, 唔使攪到食1件就飽晒... 朱古力Cupcake都幾好味...

個雞肉包最好味, 芝士包都好好味...

Pizza同埋呢幾件包包都唔錯...
生果幾甜... 麵包布丁同Cream Brulee都係So So...

每人1客嘅朱古力心太軟就有酒店水準喇!!! 剩係睇個賣相都知好得!!! 濃郁嘅朱古力味, 配杏脯雪芭, 好新穎嘅配搭...
每人仲有1杯咖啡或茶...

我地由3點正坐到6點幾, 坐到Dinner Buffet都開始咗, 見D人夾緊生蠔... 服務員冇開聲趕我地走, 不過就開始幾個一齊圍住我地張枱行行企企... 得得得, 我地明, 走人!!! 真係唔好意思, 太耐冇見, 真係講幾日幾夜都講唔完... 結果落到地鐵站又再傾多1粒鐘先肯散水...

食物整體唔係太多選擇, 不過件件都幾好味, 而且人客唔多, 好清靜吓, 同朋友吹水一流...

是次每人消費約$150元
味道: 4 環境: 4 服務: 4 衛生: 5 抵食: 4
###
地址 : 太古太古城道29號東隅1樓
電話 : 3968 3777