中意仿 Borgo C

1 May 2011, Sunday

上個月14號發完燒到而家, 一直都未病好... 復活節都已經冇得去街街... 到五一假期都冇得去街街, 我唔制呀!!! HONEY就提議落鯉景灣食LUNCH, 然後可以慢慢散步返屋企... 嗯... 都好喎...

近幾年去得鯉景灣食LUNCH, 都一定係去「中意仿」!!!

原因係咩? 呵呵... 好簡單... 咪就係比佢呢盤飯後甜品俘虜咗我嘅心囉... 每次o黎食飯, 最難揀嘅唔係主菜, 而係甜品, 真係想成盤都食晒呀))))))

今日有好多新菜式喎... 好, 試下新o野先... (SET LUNCH包湯, 時菜, 主菜, 白飯, 甜品)

紅椒粉蕃茄蛋豬扒(SET LUNCH)--食落... D味好特別... 但係又唔係好食得出係咩... 感覺有D芝士FEEL... 好特別...

雞脾縱馬蹄豆干四季豆(SET LUNCH)--唔好問我咩係"雞脾縱", 我都答你唔到... 呢碟餸炒得好冶味, 估唔到馬蹄同豆干同四季豆可以咁夾, 搞到我想返屋企試下整...

津白粉絲--SET LUNCH贈送嘅時菜... 雖然好似普通野, 不過我好鐘意食... KEKE... 因為自己唔識整嘛... 平時出街又唔會專登ORDER... 而家人大咗, 真係好想食"住家菜"...

啤梨香檳果凍--好好味架, 個賣相都靚到絕!!!

我地有一排唔記得咗o黎o架啦... 估唔到阿女BOSS仲記得我地... 佢D記性真係好利害!!!

埋單時阿女BOSS講"多謝晒!!!", 我答"唔使多謝!!!", 佢跟手話"一定要多謝, ... (下刪幾十字, 因為我已經唔記得詳細)", 我竟然答"咁多謝你D野整得咁好食"... 嘩... 佢笑得幾開心呀!!! 雖然我自己講完都擔心隔離枱D客覺得我地嘅對話好假, 但係我地兩個都係真心對話o架!!!

有一樣o野好重要, 就係佢地所有員工都超有禮貌, 超盡力SERVE每一位客人, 發自內心嘅笑容係冇得假嘅, 重要當每一位客人都係朋友咁, 香港而家真係冇幾多間餐廳可以做得到+KEEP得到, 服務方面我比100分佢地!!!

如果大家去完「中意仿」食飽咗之後, 可以去行下海濱長廊散散步吹吹風, 仲可以順道參觀埋「葛量洪號」滅火輪展覽館, 一舉幾得!!!

詳情可瀏覽http://hk.myblog.yahoo.com/ken-merry/article?mid=967

是次每人消費約$70元
味道： 4 環境： 4 服務： 4 衛生： 4 抵食： 5
###
地址 : 西灣河鯉景灣太康街45號B期GB01-02
電話 : 8100 8446