網頁清單

2011年5月6日 星期五

「兩餸套飯」の 黑醋炒蕃茄茄子 + 豉汁蒸排骨

4 May 2011, Wednesday

好耐之前去 「中意仿 Borgo C」食過黑醋蕃茄茄子, 好好味, 一直想試下自己整, 經過唔知幾多年之後, 忽然的起心肝上網搵食譜, 竟然都比我搵到, 好o野!!!

早2日整過一次, 今日再整就正常好多, 但係可以更更更好... 始終... 廚藝都係需要經過日子嘅磨練先可以成功嘅...




豉汁蒸排骨呢D家家戶戶都食到嫌嘅家常菜, 都我o黎講都係一個需要勇氣去跨過嘅山峰... 今日... 輕易成功, 好好味, YEAH!!!


呢個蒸白飯剩係睇樣都覺得硬, 同埋份量預錯咗, 蒸完得好小, 比人睇到唔知嘅話可能以為我地經濟方面出現問題添, 哈哈...


今日踏出咗人生重要嘅一步, 希望我D熱度唔好又維持得3分鐘咁小啦~

P.S. 極需要添置一大堆煮食用具, 一學人煮飯竟發現個廚房D用具好唔掂, 要咩冇咩!!!

5 則留言:

  1. 支持呀!Honey愛屎你!
    [版主回覆05/07/2011 08:58:00]多謝支持!!! 多謝支持!!!
    (唸起少林足球, 頭兩場波比清潔阿嬸鬧"咪嘈啦!!!" )

    回覆刪除
  2. 加油啦! p.s. 點解你完全無提過好唔好食既?~
    [版主回覆05/26/2011 11:43:00]多謝支持!!! 多謝支持!!!
    P.S. 唔提... 咪等於... 唔好食囉!!! 嘩咔咔咔咔... (蒸排骨係OK架, 因為D醬係現成係超市買)

    回覆刪除
  3. 就算唔好味都講吓嘛,等啲煮婦教吓你,幫你改善吓,我又有得八吓!
    [版主回覆05/26/2011 12:25:00]好, 等我下星期再試煮新菜式, 好唔好食再通知大家~
    (呵呵... 第一次煮多數都唔好食, 因為仲未掌握到調味料嘅比例, 盲目跟隨網上食譜嘅比例)

    回覆刪除
  4. 咁你揀啲勁簡單既咪得囉!調味料份量跟食譜應該唔差好多,我反而係驚寫食譜既人用啲勁好既料,我屋企得代用品就真係出事喇!例如:米醋、胡椒粉、蒜頭、薑…
    [版主回覆05/26/2011 21:14:00]係啦係啦... 我懷疑"寫食譜既人"用啲好靚嘅豉油, 所以落多D都冇壞...
    我果支豉油係贈品, 我懷疑佢係勁鹹+唔香, 所以D餸出到黎又黑蚊蚊又鹹又唔香又唔鮮...

    回覆刪除
  5. "我果支豉油係贈品, 我懷疑佢係勁鹹+唔香, 所以D餸出到黎又黑蚊蚊又鹹又唔香又唔鮮..."
    贈品通常都係最正既產品用來promotion,應該唔會點出事。 煮到黑蚊蚊 <--減少老抽份量 鹹就減鹽 <--你有無用認真用有刻度既茶匙/湯匙? 唔香唔鮮 <--熱辣辣時一定香噴噴架,唔鮮因為你唔係去街市買! 查實我煮咁耐都係試過一次有"鮮"既感覺,因為烚海蝦,其他食物我零發現!
    [版主回覆05/28/2011 00:54:00]我屋企冇老抽呀...
    我買咗IKEA成SET既量匙, 就係覺得佢個TEASPOON好似過大...

    回覆刪除