網頁清單

2011年1月10日 星期一

樂農 Happy Veggies

5 January 2011, Wednesday

又輪到一月之星壽宴啦喂!!!

我地討論緊鹿鳴春有咩好食, 大家都冇咩印象, 咁我呀走去我D舊BLOG (鹿鳴春飯店 Spring Deer)度朗讀出黎, 結果比貓兄話"呢D先係BLOG架嘛, 你而家果D, 咁短, 叫我點比回應"... 哈哈哈... 懶咗呀嘛, 個人又冇記性咗, 產量又多咗, D質數緊係要偷薄D架啦... 

流沙餃(湯餃)--蕃茄薯仔餡, 好特別, 值得一試...


梅菜餃(煎餃)--好好味呀, I Like It!!!


香煎芋蓉餅--嘩!!! 好KAWAII呀!!! 成個日式鯛魚燒咁呀!!!


咕嚕竹--好得呀!!! 酸酸甜甜, D腐竹又整到好實, 咬落去好實在, 讚!!!


招牌南乳齋煲--好足料, 味道亦唔錯, 不過我同貓兄鐘意南乳味勁D, 之但係龍媽鑽媽KAKA媽又話覺得夠味喎, 似阿媽整果D味喎...


三絲炒米--D米粉都炒得幾乾身, 不過冇咩味, 但係唔緊要, 我地今日要食得健康嘛, 間唔中食下味道唔重嘅食物都幾好吖...


紅棗桂圓糕(送)--都幾香甜吖...
事緣我地食剩4小片菠蘿, 原因係大家覺得菠蘿濕熱, 唔可以食太多... 職員話為咗鼓勵客人珍惜食物, 要客人食晒所有食物先有甜品送... 結果... 由我拉姑吞晒D菠蘿...



FairTrade產品--一口氣買咗有機綠茶, 藍莓Muffin, 朱古力曲奇, 薑曲奇, 70%黑朱古力... 都只係80蚊, 好抵呀...


服務員好有禮貌, 雖然部分聽 障員工聽唔到我地講咩, 但係只要我地望住佢慢慢講, 佢地會即刻好認真咁幫忙, 感覺比任何一間餐廳嘅服務員更溫暖, 更舒適...

食咗咁多野, 仲飲咗2客例湯(木瓜花生雪耳湯), 叫咗1碗亞麻子糙米飯, 再加埋5個茶位, 先至75蚊1個人, 嘩, 真係好抵... 抵到爛... 拉姑強力推介!!!

佢係全港第一間社會企業非牟利素食餐廳, 請大家多多支持!!!

是次每人消費約$75元
味道: 3 環境: 3 服務:3 衛生: 3 抵食: 5
###
地址 : 灣仔軒尼詩道99號彰顯大廈1樓
電話 : 2529 3338


3 則留言:

  1. 之前見到電視介紹已很想去食了,下次再去記得CALL我呀!要唔要訂枱的?易搵嗎?
    [版主回覆01/10/2011 22:47:00]好呀, 下次一齊去呀!!!
    唔難搵, 出咗地鐵, 行幾步路就到... 記得訂枱, 好爆...

    回覆刪除
  2. 睇返先知果次鹿鳴春係自己生日食飯,有印象係同大家去食過,不過原來係自己生日就一D印象都冇
    [版主回覆01/10/2011 22:48:00]咁冇記性架...
    當然, 如果冇寫BLOG, 我都會唔記得, 呵呵呵...

    回覆刪除
  3. 關咩有無寫Blog,因為地點唔係佢自己諗,梗係無乜印象啦!
    龍媽星期五會再去食,你有咩想買可以叫佢順個便啵!盒茉莉茶好正,好夠香,我用1.7L既茶壺可以沖兩次,計落1蚊個茶包唔算好貴。
    P.S.你點知埋單幾錢?(Total $380),你咁打,我唔知收唔收足76蚊好 >.<
    [版主回覆01/12/2011 23:14:00]吓? 唔係佢自己揀嘅咩? 真係唔知喎...
    JASMINE TEA都係我FAVOUR, 我下次有機會再去先買啦...
    我影咗佢張上菜紙嘛, 我仲問你最後埋單條數係咪一樣...

    回覆刪除