網頁清單

2010年12月29日 星期三

Feast (Food by EAST)

21 December 2010, Tuesday  

呢個12月真係好忙, 食唔停咁... 今日公司請食飯, o黎咗太古城新開嘅酒店「東隅」食半自助午餐...






餐包--呢款薄脆好香好好味...


自助頭盤--造型超精緻, 呢個蛋批都幾好味...


豬脾釀咗西梅, 好好味呀... 仲有我至愛嘅南瓜, 忌廉薯仔, 焗蕃茄... 未食主菜已經飽到唔郁得...


香煎龍脷柳、煙肉青豆蓉--我的主菜, 龍脷淡咗D, 青豆蓉好好味...


燒火雞、栗子釀餡、金巴利籽汁--同事的主菜, 份量超大...


印式羊肉咖哩配乾菓烤包--同事嘅羊咖哩超正, 我見佢食完D包都仲係咁食D咖哩, 可想而知有幾好食...


燜燒牛肉、鮮茄、星型意粉--平時練仙嘅同事食完2大碟頭盤都可以幹掉全碟, 味道可想而知... 聽服務員講, D意粉未煮之前仲細過粒米, 好KAWAII呀...


自助甜品--蘋果批好好味, 平時我唔多食, 今次都食得晒, 朱古力CUP CAKE上面嘅咖啡慕士超超超好味, 又香又濃...


我出去拎甜品時, Tiramisu已經冇晒... 因為比同事拎咗一大碟, 見佢全部幹掉, 肯定好好味啦...


其實我未食晒所有款式, 奈何太飽, 真係食唔落啦...


餐飲--食到咁飽, 一杯熱檸檬茶就至FIT...


坐係落地大玻璃側邊, 配合柔和嘅陽光, 寬闊嘅空間, 寧靜嘅環境, 真係好嘆好嘆...


是次每人消費約$207元
味道: 4 環境: 4 服務: 4 衛生: 5 抵食: 4
###
地址 : 太古太古城道29號東隅1樓
電話 : 3968 3777


4 則留言:

  1. 老實講,自助餐只係食地方同氣氛,食落通常都唔會太好味。自費的話我會揀中餐,最種意係食海鮮啊,唔知你會點選擇呢?
    [版主回覆12/30/2010 23:59:00]都係架, 聖誕節食西餐氣氛好D! 我比較鐘意中菜同日本菜, 海鮮都鐘意, 但好難搵腳去食 :p 我食過呢幾間都OK, 比D意見吖 ^^
    Olala   容龍   橋底辣蟹        

    回覆刪除
  2. 晚餐自助餐睇其他食評都幾好架,我仲欠你餐飯,有效期至31/1/2011囉
    [版主回覆01/03/2011 17:30:00]嘩!!! 有食用日期?!! 咁10/1, 17/1, 19/1 你有冇邊日唔得? 你想食Feast 定 其他 (銅鑼灣 和光)?

    回覆刪除
  3. 好似好好味!想食呀!
    [版主回覆03/04/2011 16:53:00]都幾好味o架, 同埋唔係出面食開嘅common貨色, 值得一試!

    回覆刪除
  4. 好似好好味!想食呀!

    回覆刪除