網頁清單

2010年9月28日 星期二

Promenade 西餐廳 Promenade Restaurant

25 September 2010, Saturday


八九月之星敍餐日終於來臨!!!


餐廳外面嘅花園有Wedding Lunch, 係D白色帳篷入面舉行, 好浪漫呀!!!


我同龍媽一馬當先, 其他人未到已經開動引擎...


青口好大隻呀~ 八爪魚都好大隻呀~


呵呵~ Pancake太吸引, 忍唔住食咗先...


焗青口同焗蠔都唔錯, 田雞腿好正呀~ 龍脷柳都好正呀~ 燒羊扒仲正呀~


冷盤... So So啦...


熱葷... So So啦...


三文魚好新鮮, Sushi都不錯...


甜品好正呀~ 有外表有內涵~ 好得~


豆腐花滑到呢~


南爪湯好得~ 梳乎厘都唔錯~ 仲有自助飲品區, Good~


睇番相先發現自己唔記得食雪糕呀~ 8款Haagen Dazs呀~ Oh No~ (帶完無敵女同何超女去筆雪糕, 竟然唔記得筆自己果份)


實在有太多食物供應啦, 每樣食一啖都食唔得晒, 其他食家推介嘅粥、雪糕、豬頸肉、朱古力噴泉、士多啤梨噴泉... 全部都未食已經飽到嘔...


我地果枱直情個個"小林尊"上身, 嚇到隔離枱外籍人士O晒嘴, 哈哈~


仲有新一代"食力"接班人, 幼稚園都未入, 已經食力驚人, 技驚四座, 何超, 你呢餐抵晒啦, 哈哈~


最後... 本人要多謝各位好姊妹做東!!! 萬二分感激!!!

是次每人消費約$220元
味道: 4 環境: 4 服務: 3 衛生: 3 抵食: 3
###
地址 : 紅磡都會道7號都會海逸酒店7樓
電話 : 3160 6880

 


2 則留言:

  1. 下次都係唔預阿女,我好多野都食唔到,不過出奇地都好飽 >.<
    [版主回覆09/28/2010 16:39:00]你阿女遲D識約何超女自己2個去喪食, 唔使你帶架啦

    回覆刪除
  2. Mandy:關文文豬咩事呀?!啲姨姨咁o鍚佢有幫你手啦,佢又聽話都唔使你煩,唔使錢梗係要帶埋佢來食啦,我見到佢同澄澄胃口都好啲,比賽咁!
    p.s.拉姑:不如我比過張梳乎厘相你用啦,雖然out focus,不過漲卜卜架!
    [版主回覆09/29/2010 20:00:00] 好吖!!! 我一路影, 個 梳乎厘一路縮低...

    回覆刪除