網頁清單

2009年10月8日 星期四

金不換泰國餐廳 Sweet Basil Thai Cuisine (II)

5 October 2009, Monday


剛食完冇耐嘅金不換又食?!! 皆因見佢幾好味, 環境舒適價錢又唔貴, 就同力仔o黎呢度慶生啦!!! 仲可以邊食邊睇"幻彩FING啷啷", 哈哈...


西柚沙律--今次嘅西柚肉好似乾咗小小...


燒鱔--上次走漏眼, 原來超好食, 肥大肉厚, 味道又好...


咖哩羊--呢個甜甜地嘅咖哩配蒜蓉包一流, 可惜羊肉得好小好小, 仲肥糕多多, 早知叫第2樣肉...


南瓜布甸(凍)--口感唔似布甸, 味道似椰汁糕, 有D失望...
芒果糯米飯(凍)--一人份已經有齊紫米同糯米, Good!!!


多謝力仔嘅生日禮物同賀卡!!!


我地例牌又係傾到人地收工先捨得走, 哈哈哈, 到底邊得o黎咁多o野傾架!!!


是次每人消費約$190元
味道: 4 環境: 4 服務:3 衛生: 4 抵食: 4


3 則留言:

  1. 今天晚上我都想去這兒食, 但又怕老公話咁遠; 最後去咗 "一壽司".  不過我都帶咗囝囝去看 "幻彩薈香江", 囝囝話這個環子是今天最開心的事喎
    [版主回覆10/10/2009 02:12:00]都真係幾遠架...
    你囝囝鐘意"幻彩薈香江"可能係因為佢冇聲吖

    回覆刪除
  2. 其實起初我帶佢去半島門口看時, 佢巳經嚷著走; 又問 : 射燈會唔會射到我 ge ? 可能佢聽到個 "射" 字就巳驚咗......... 好等几分鈡後才覺得得意, 這种小朋友真攪野 !!!!!!!!
    [版主回覆10/16/2009 13:09:00]佢果然思考得好深入!!! 呢樣優點唔係個個小朋友都有架!!!

    回覆刪除
  3. 好多謝你欣賞佢這個 "憂" 点,  所以佢唔可以用正常方法去教

    回覆刪除