Harry Potter 上咗幾個星期, 我地一直都買唔到飛(半價果隻, 仲要揀最後排中間位, 仲要揀午飯時間, 係難D, 哈哈)... 上星期日終於有得睇啦!!!
嘆嘆...
美味熱狗+至愛爆谷...
成套戲都好「平舖直敍」, 完場時, 學鑽媽話齋"吓?! 做完o架啦?!"...
由於爆谷任食+飲品任飲嘅關係, 我食咗2盤爆谷, 飲咗2杯雀X檸檬茶, 散場時飲埋最後一啖, 唔知點解好濃味, 正常情況下, 有冰嘅汽水應該係越飲越淡o架嘛...
跟住因為未夠鐘去生日會, 唸住行一陣街, 點知唔夠10分鐘, 個肚已經開始劇痛... 痛到要坐的士返屋企, 只係廿蚊的士車程, 竟然可以感覺好漫長... 陣痛咗好幾次, 好似生得咁, 嚇到honey不停咁問"使唔使去急症室?"... 幾經辛苦, 返到屋企, 去咗幾次廁所, 成個人散晒, 好辛苦... 因為唔想去到人地屋企不停咁去廁所, 所以決定唔去生日會, 唯有遲D補番生日禮物啦...
沒有留言:
張貼留言