網頁清單

2009年7月9日 星期四

海洋公園新成員

較早前, 收到流料一則... 我家姐話海洋公園7月1日會加價... 加上我地幾個師奶去惠康買完o野之後, 儲到8張7折券(6月30日到期), 所以要趕住6月30日入去...


* 加價前7折咗 : 成人145元, 小童72元
* 加價後 : 成人250元, 小童125元


一入到去, 就入熊貓館... 得番一隻唔知安安定佳佳... 用個背脊得住人...



就算轉咗身, 都要用竹葉遮掩自己... 自閉症徵狀...



之後我地再去新落成嘅亞洲動物天地... 盈盈樂樂係新居就嘆過咩咁...



腦海中突然諗起好多年前嘅一首歌...


由來只有新人笑 有誰聽到舊人哭... 愛情兩個字 好辛苦...
是要問一個明白 還是要裝作糊塗... 知多知少難知足...
[新鴛鴦蝴蝶夢 -- 電視劇《包青天》片尾曲]


小熊貓 -- 點解同大熊貓個樣差咁遠嘅...



娃娃魚 -- Lay埋響角落頭, 唔知係咪比D衰人嘅閃光燈嚇親呢...




小金魚 -- 好肥美...



揚子鱷 -- 我細佬見佢唔郁, 話佢係假嘅... 跟住我地一走開, 佢就即刻游o黎游去...



玩完小兒科機動遊戲, 行去海洋學堂睇下海豚...



睇完海洋劇場, 去埋海洋館, 再去水母館...



臨走仲買咗水母毛公仔比班豆丁, 一人一個, 大出血!!!


去咁多次Ocean Park同Disneyland, 今次最辛苦... 可能因為我今次自己拎單鏡機, 好重... 加上萬里無雲, 曬到膊頭又紅又痛... 吽緊雨, 濕度高, 極之焗... Ocean Park餐廳冇冷氣, 仲要係山上面, 圍晒板, 好似變咗蒸籠入面嘅蒸排骨咁, 好肥個隻, WaKaKaKa...


沒有留言:

張貼留言