呢個Easter個個都去旅行... 大姊去大陸, 二姊去台灣, 細佬去韓國, 力仔又泰國, 早兄又馬交, 鑽媽又XX(未定), 阿邊個邊個又埃及, 阿邊個邊個又海南島, ... 不能盡錄... 偏偏... 我邊度都冇得去... 嗚嗚嗚嗚...
星期六(2009年4月5日)晚力仔話, 去Bangkok前要食飯... 哈哈... 呢個係咩理由呢... 鐘意食咪食囉, 使咩話旅行前要食呢又!!!
八碟小吃--只係薯仔比較好食, 芽菜都正常, 其他好多都食剩...
燒牛肋骨--係好食, 但係冇d人講得咁好食... 個waiter仲剪剩好大塊肉痴住舊骨, 攪到我地食唔到, 好浪費... 
燒羊肉--從未食過咁碎嘅肉, 拎去炒青椒肉絲就差不多, 完全燒唔到, 一夾d肉碎都痴晒係個爐度... 
唔知跟咩送嘅咩... 完全冇夾過...
炒粉絲--徹底失望!!! 好似一堆膠槳, 夾唔起, 一夾就一碗咁大, 味道亦冇乜, 食咗4份1已經唔再掂... 埋單仲問我包唔包走, 咁難食, 緊係唔包啦...
飯後送芋頭雪糕, 4份1個橙, 綠箭香口膠1片...
食物質數已經唔多掂, d 侍應仲要十問九唔應, 亦唔願加茶, 仲越叫越走, 更經常扮"時運高"(睇你唔到)...
2個人要HK$370, 唔值!!!是次每人消費約$185元
味道： 2 環境： 3 服務：2 衛生： 3 抵食： 2
###
地址 : 銅鑼灣記利佐治街1號金百利廣場6樓
電話 : 2895 3986
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
之後行咗去天后食晶晶糖水, 超好味!!! 腐竹蛋薏米, 栗子芋蓉喳喳, 薑汁酒心(玫瑰露)湯圓, 全部都係誠意之作, 雖然簡單, 但係好有heart!!!
原來力仔屋企有車直到天后架, 我地下次可以殺去食神秘"芒果拿破崙"啦, hohohoho...
... Hello...Happy Easter.....
回覆刪除