網頁清單

2009年3月9日 星期一

港女7宗罪

尋日係三八婦女節, 一早就搭車入元朗同阿嫲飲茶, 好眼瞓呀...


之後去咗細佬屋企坐下, 佢好熱情咁比咗D感冒茶我飲, 嘩, 飲到我溫溫隥隥, 仲加眼瞓...


夜晚返屋企同老公食晚飯, 唔覺意睇到TVB嘅「星期日檔案」, 主題係... 「港男.講女」!!! 仲一開始就提到「港女」七宗罪, 即刻要睇下自己犯咗d咩罪先...


大家有興趣可以去TVB個Web Site睇下... http://mytv.tvb.com/news/sundayreport/16697


港女七宗罪


1) 名牌奴
2) 物質主義
3) 奉旨男士付鈔
4) 擇偶條件高
5) 自拍扮可愛
6) 地獄式減肥
7) 公主病


睇完第1宗罪--名牌奴... 好放心, 因為一個減完再減再折實300蚊都唔使嘅袋, 我都可以用年幾... honey幾個月前已經叫我買過個新嘅, 我反而懶懶閒...


到第2宗罪--物質主義... 我自問都冇咩行頭, 連手錶都懶帶, 莫講話首飾... 衫褲鞋襪都唔係貴o野, 唯一係為食D, 唔知呢樣計唔計...


第3宗罪--奉旨男士付鈔... 完全冇我份... 有時去Shopping(買自己o野), 我都一馬當先自己碌卡, honey係側邊話"我送比你", 我都話"唔使"... 情人節去廸廸尼酒店住, 都係我請佢去, 佢請番我食飯, 一人負責一樣...


第4宗罪--擇偶條件高... 識得honey嘅, 都知我要求唔算高啦(除咗內在美), 哈哈... (比某人睇到之後, 實比人打死)


第5宗罪--自拍扮可愛... 冇玩過, 又冇我份...


第6宗罪--地獄式減肥... 又冇我份... 如果唔係, 就唔會係咁嘅身形啦...


第7宗罪--公主病... 亦冇我份, 不過我印象中有遇過咁嘅同事, 我都好討厭呢種人...


以上列出嘅港女七宗罪, 我一宗都冇犯, 唔通我唔係香港出世嘅???


我覺得唔係個個香港女仔都會犯呢d問題嘅, 係d低質數嘅「港男」先會咁數d「港女」嘅啫... 下一集「星期日檔案」會講「港男」, 各位需要平反嘅姊妹記得一定要睇呀!!!


1 則留言:

  1. 38果日超凍呀,     
    港女七宗罪                                                            
    第1宗罪--名牌奴......1個月平均大約$1000買衫褲鞋,之前每年買一個名牌袋,呢兩年都無買了,我唔係啦
    第2宗罪--物質主義......金銀珠寶唔係我杯茶,但鐘意換電器家品,鐘意食好野,法官大人,我認罪
    第3宗罪--奉旨男士付鈔... me too,完全冇我份,一直都係我出雞佢出豉油,我成日驚佢唔夠用呀
    第4宗罪--擇偶條件高......高大英俊有錢~唔覺係,內在美緊要d
    第5宗罪--自拍扮可愛......咪玩啦,相都唔多張,我無自戀架
    第6宗罪--地獄式減肥......唔好話地獄,只要係減肥都唔得,所以咁嘅身形
    第7宗罪--公主病......婢女病就有,但我公司有幾個,其中一個1-7宗罪都犯晒,人揀佢,佢揀人,揀足三十幾年,仲覺得自已係miss hong kong
    我都覺得唔係個個香港女仔都會犯呢d問題,點解d港男咁講,多數都係d低質數港男追高質數港女囉
     

    回覆刪除