網頁清單

2009年1月13日 星期二

元気「午後の自選三食」

嘩, 好似好抵咁喎... 即刻去打探下先...


一個人可以坐6人卡位, 舒服到吖... 選擇都OK多...



嘻嘻... 因為我為食, 所以加$9要多一個軟殼蟹手卷, 都暖暖地, 正...



因為落Order即制, 所以要等一陣... 個樣都幾吸引...
日式炖蛋--一貫水準...
日式炸雞--暖暖地, 淡淡地, 都OK...
炸蝦卷--暖暖地, 正... 其他壽司都OK...



加埋一都要$53, 以Tea o黎講唔算平, 不過當Late Lunch就幾抵食, 以後放假食Lunch又多一個選擇啦!!!


食完去太古Shopping, 週圍都大大大減價, 買咗4件衫+4條褲都係$13xx喳, 好抵呀!!!


9 則留言:

  1. 拉姑富太生活!
    [版主回覆01/14/2009 23:00:00]咩呀, 係富太就唔使餓到肚都扁咁去等特價時間啦!!!
    食完仲要做公司o野o架, 又去銀行s又去郵局, 做完先順路去Shopping喳!!!

    回覆刪除
  2. 唔夠我飽囉,我天生餓底,千三就買到4件衫4條褲,邊樹搵到咁便呀,不過我呢d大碼人,大件衫少減價,又唔便呢,便宜野都無我份架啦!
    [版主回覆01/14/2009 23:12:00]4條絨褲係Apita買, 1條日本品牌, 3條Vertical Club!
    4條衫係a.y.k.買, 1件Kitterick, 3件a.y.k.!
    抵到你唔信, 仲要全部有齊Size又有新貨, 唔係斷碼貨or Last個件!

    回覆刪除
  3. 平均 $162.5 一件, 你一般會著几耐先 ? 如果一季就萛貴, 我平時都是上網買衫, 大約 $50 件, of course, 質量都是深水土步 貨仔.
    [版主回覆01/14/2009 23:21:00]一般o黎講, 絨褲我會著4-5年, 衫有D仲可以著8-10年添, 如果我嘅身型冇劇變嘅話, 哈哈!
    你估我好似你咁富貴咩, 著衫著一季!!!

    回覆刪除
  4. hey! 之前我都有留意到元氣的 promote, 不過都冇試過, 星期天會唔會有 ?
    [版主回覆01/14/2009 22:56:00]星期一至五供應, 公眾假期除外!!!

    回覆刪除
  5. 今年大減價我覺得是一般價錢, 又唔係好抵, 不過昨天係藍田匯景中心攞完證件後順便逛左陣, 我就發覺嗰度d 野好抵, 我用二佰數買左兩條牛仔褲, 好抵, 不過係斷碼, but 如果唔係斷碼, 我諗我仲買得多啦。
    嗰度d 衫都好抵, 不過今年為左想搬屋, 所以要慳錢了。 
     

    回覆刪除
  6. 近排咁凍仲食壽司?!上星期六都想食壽司,不過行到門口,個人已經凍到結晒冰,即閃去美心食tea算!
    [版主回覆01/14/2009 23:26:00]查實我咳緊都唔應該食壽司, 不過介咗口2個禮拜, 個一刻真係好想食一D咳緊時唔食得嘅o野喎, 哈哈...

    回覆刪除
  7. 補充
    To DD~ 唔係得日本野先有大Size架,上網柯打都有好多百幾蚊一件既大碼衫,仲可以大到XXXL咁大添!

    回覆刪除
  8. 好耐都未有食過壽司啦,坐完月之後一定要食番一餐!

    回覆刪除
  9. 估唔到你這篇 blog 會有咁多人回應, 實在是女人中的女人

    回覆刪除