網頁清單

2008年11月28日 星期五

有骨氣海鮮酒家

上個星期三(2008年11月19日)四塵俠又再出動, 為貓兄同鑽媽賀壽...


好攪笑地, 鑽媽係灣仔撞到我地嘅舊同學--梁先生, 佢明明約咗人去九龍, 都比我地夾硬迫佢過o黎銅鑼灣, 同我地打個招呼, 哈哈, 勁強人所難... 最慘係KaKaMa對佢完全冇印象, 佢就好似做咗幾年透明人一樣...


有骨氣做緊"會燶咭"$98蚊任食... 我地一坐低即刻揀咗豬骨煲湯底... 都未定神已經Order咗一大堆食物... 我至愛嘅水晶叉燒麭當然唔小得... 肥牛好似唔多肥... 之前有嘅肥羊今次冇咗... 我博命食南瓜同超甜粟...


因為honey唔多食hotpot, 所以我一年至多都係打1-2次邊爐, 近2-3年仲要次次都係o黎呢一間, 貪佢有水晶叉燒麭... 呵呵...



原本話任食2小時, 不過可能因為d枱坐唔滿, 而我地又冇再加order, 所以坐耐咗都冇人迫我地埋單...


臨走前, 聽到侍應同隔離枱嘅離奇對話... 估計係客人用信用咭埋單, 侍應叫客人比cash, 客人問: "唔係xx咭有85折咩?", 侍應答: "你比現金我照比85折你, 我地需要現金!!!", 當時好唔明點解, 不過返屋企見新聞話有間facial集團執晒, 第2朝有間sushi集團又執晒, 新聞話因為銀行拖長咗90日先找數比商戶所致... 咁我先如夢初醒...


是次每人消費約$145元
味道: 3 環境: 3 服務:3 衛生: 3 抵食: 3


###
地址 :   跑馬地摩理臣山道84-86號
電話 : 2312 1212


4 則留言:

  1. 唔貴喎
    喺德興都要120蚊

    回覆刪除
  2. 吓火星人! 原來當日你唔明点解佢話需要現金....
    但為何佢没有要求我們給現金呢 ?
    [版主回覆11/29/2008 12:08:00]Over Over... 金星人... 我地得4丁友, 比現金都幫補唔到幾多... 人地個枱十幾人架...

    回覆刪除
  3. 我諗...當我地退回個菜話個菜污穢比佢時, 佢可能知我地係有要求既人, 可能怕我地會幫佢宣揚出去, 所以無要求我地比現金吧!

    回覆刪除
  4. 你要講清楚啲,任食係唔包湯底,飲品! 其實我唔覺得好抵食,好多地方都有任食,不過一試無妨!
    p.s.多謝各位!

    回覆刪除