網頁清單

2008年6月24日 星期二

2008年第一個8號風球

 

2008年6月24日 10:45PM

 

「風... 神神神神」殺到... (8號風球唔係年年有, 所以大家要好好珍惜)

 

無咩雨, 但係頭先行番屋企, 拎住個6磅幾嘅西瓜, 都吹到我行到好似醉酒漢咁...

 

當時仲心唸, 風力就算勁過8號風球, 天文台一樣唔會掛8號o架啦...

計算錯誤... 只要唔係Office Hour, 天文台絕對豪得起, 就好似上次黑雨咁...

真係好政治性...

 

後記:

第二朝8點起身, 唸住應該落咗風球啦, 竟然未落, 好少可... 打開其中一個窗, 竟然比風吹番埋, 之後仲比D風吹到點開都開唔到... 刷牙個時仲發現書房張枱面有一大攤水, 原來成個All-in-One Printer 同拖板都比水浸晒, 好彩冇溜電, 險... 估計係經冷氣機吹入o黎...

風神果然名不虛轉!!!

2008年6月1日 星期日

奪寶奇兵之水晶骷髏國 Indiana Jones and The Kingdom of The Crystal Skull


 
因為中銀信用卡有半價優惠嘅關係, 所以我地星期一已經去UA Cityplaza嘅Director's Club買定戲飛, 今晚(2008年6月1日)去睇Indiana Jones 4(尋晚先係名豬台睇咗Indiana Jones 3溫習定先)...



Director's Club只有2個院, 每個院得16個座位, 有獨立等侯區, 完全唔使同人迫, 可以舒舒服服等入場... 仲有私家Toilet, 唔使同UA Cityplaza嘅觀眾迫...
 

Director's Club啱啱開張個陣, 我地公司都包過一次場睇蜀山(2001年8月11日), 個次D同事不知幾興奮, 個個都準備好相機影相留念...



座椅超超超舒適, 仲有巨型咕o臣比你墊腳...
 



我地2個人今晚夾埋隊咗2隻熱狗, 3桶爆谷, 4杯大汽水... 飽到有咩珍饈百味放係面前都再食唔落啦...
 



套戲都好好睇, 劇情好緊湊, 特技效果比20年前嘅第3集明顯好好多... 最緊要係有我最鐘意嘅Cate Blanchett (Galadriel of The Lord of the Rings; Queen Elizabeth I of Elizabeth: The Golden Age), 即刻覺得成套戲正晒!!!


 
我同honey已經唸定下個星期又再o黎過... 聖誕就更加要再o黎啦...

 



* 著數小貼士 *

HK$175一位, 折實HK$88一位, 包埋一份熱狗或三文治, 任食爆谷同任飲汽水, 真係超值, 連晚飯個餐都慳埋!!!

 

中銀白金卡及商務卡 戲票優惠5折 星期五晚上及星期日全日

優惠期至2009年1月31日



 

官方照片...