網頁清單

2008年5月17日 星期六

盛八日式燒肉店 Morihachi Yakiniku (II)

5月之星唔知係咪睇咗我個Blog, 竟然將晚宴地點揀咗去盛八...

上個月連續食咗2餐日式燒肉, 塊面D暗瘡多過9大恆星... 5月之星晚宴約好咗星期二(2008年5月13日)晚, 之前一晚我仲係屋企咇咗一粒黃豆咁大嘅暗瘡, 痛死人...

DD感冒o黎唔到... 龍媽家有要事亦出席唔到, 但係佢又好想試呢間, 竟然叫我遲D陪佢再去...
yoyociciMSN表情图片32
龍媽, 唔好玩我啦, 到時我D暗瘡咪仲多過天上繁星!!!

 


æ會燶咭二人套餐--盛八四小碟(盛八豆腐、泡菜、目黑茄子、溫室青瓜), 韓式牛肉刺身, 什箘拚盤, 盛八泡飯...


æ會燶咭二人套餐--燒虎蝦、山形縣尾花澤和牛、半殼香草牛油帶子、燒蜆、果味牛胸腹、鹿兒島鹽燒黑豚、法式芥末籽牛舌、義大利香草雞腿肉...

æ海鮮拼盤--燒虎蝦、蜆、長腳蟹、半殼香草牛油帶子... 無敵話"會燶咭個帶子好食D", 我都覺... 長腳蟹燒完好乾身...


æ黑七味豬腩肉--燒完好似煙肉咁...


æ白菜泡菜--個樣咁辣, 唔敢掂...


æ泰式肉碎石鍋飯--出奇地好味, 口感好特別...


æ和風地雞豆腐--一到就比鑽媽整勻咗隻生蛋, 我唔食得啦...


我地仲食咗盛八特式野菜沙律...

無敵食咗會燶咭二人套餐嘅da dolce意大利番石榴雪芭, 話太甜... 奇怪喇... 我明明上次食好好味o架... 可能口味唔同啩...

 

號外 : 無敵話想寫Blog, 但係覺得冇公仔好齋喎... 試下去下面D Links睇下啦, 我平時都係用呢2個...



 

是次每人消費約$145元
味道: 5 環境: 4 服務: 3 衛生: 4 抵食: 3


###

地址 : 旺角山東街38號38廣場3樓
電話 : 2382 3338

7 則留言:

  1. 放心啦...我都想揀食韓國菜呀!

    回覆刪除
  2. 真係好想可以快d去試

    回覆刪除
  3. p.s....無敵-Happy birthday

    回覆刪除
  4. 唔好食!啲蝦勁腥! 帶子一隻好味、一隻普通、牛肉就ok得、石頭飯都ok得!
    不過被海鮮拉抵晒啲分…而且選擇唔多,唔會再去!
    除非兩條友用會燶食半價餐就抵啲,不過俾得五百幾去邊食都得啦!
    [版主回覆05/20/2008 00:01:00]  係咪你地個邊個爐細火, 你未燒熟就食呀? 我食個隻冇事喎!

    回覆刪除
  5. 我喺你地嗰邊都食咗一隻蝦,唔得!
    海鮮真係唔得!

    回覆刪除
  6. 我發覺「貓頭」變左「兔頭」呀......
    [版主回覆05/20/2008 10:36:00]係喎, 轉咗喎... 不過佢地係鋼牙同大鼻, 正確o黎講應該係一對松鼠, 點會係「兔頭」呀?

    回覆刪除
  7. 佢同味竹COMPARE 邊間會好味D呀?!
    [版主回覆05/21/2008 20:31:00]味竹D材料就靚D... 味道都好似係盛八好D...

    回覆刪除