網頁清單

2008年5月28日 星期三

* 率先直撃報導 * 蔡瀾歎名菜 @ 鼎泰豐 Din Tai Fung

今晚(2008年5月28日)一交收完部Canon相機, 就即刻飛去尖沙咀幫KaKaMa賀壽... 由於呢間餐要人齊先準入, 所以唔可以遲到!!! 好彩交收順利, 我仲可以早20分鐘到達!!!

 

一去到見到拍緊o野... 睇真D... 原來係拍緊「 蔡瀾歎名菜」 呀, 上個星期日先做第一集喳... 呀... 我係蔡San嘅Fans o黎o架!!!
 


之後拍到出門口...


跟住仲搵咗蔡San同我合照, Yeah!!!


等多一陣, KaKaMa都到埋, 我地就搵美女廚神同Amanda S合照, Yeah Yeah!!!

(Amanda S好搞笑, 我問蘇玉華可唔可以合照時, Amanda S話"我幫你地揸機", KaKaMa好醒目咁話"唔使, 我地搵人幫我地影咪得囉")



我6:08pm已經到咗, 拎咗第一張飛(當時可以直入)... KaKaMa好準時, 6:30pm到, 拎咗第二張飛(當買個保險)... 貓頭隨後到咗, 但係都唔比入, 要等齊4個人先比入... 之後我地頭2張飛都過晒, 6:58pm唯有叫貓頭再拎飛...


連續2個月蟬聯OpenRice好評餐廳十強(2008年2月份及3月份), 入到去一定要試真D先得!!!

 


æ四喜烤麩, 紹興醉雞 -- 烤麩鹹咗D, 醉雞好好味...


æ主角... 小籠麭 -- 唔錯唔錯, 不過唔夠熱, 感覺上都係台北老店好食D(因為熱辣辣到只可以細細啖食)...


æ蟹粉小籠麭 -- 其實我不嬲都怕怕地呢味菜, 不過為咗試菜, 冇計啦... 結果... 都係唔多啱我口味...

æ糯肉燒買 -- 普普通通, 唔太餓又人小的話, 唔建議大家Order呢味...

æ油豆腐粉絲湯, 紅油炒手 -- 個湯幾OK, 個炒手超好味, 未食過咁好味嘅炒手!!!


æ油炸排骨 -- 炸完仲好Juicy, 配埋黑椒, 正!!!


æ紅燒牛肉湯 -- 又一好味之作, 如果有河粉配埋一齊食就一流!!!


æ擔擔麵 -- 好夠花生醬汁, 正!!!


æ香蔥拌麵 -- 驚喜之作, 好味!!!


æ蒜蓉油麥菜, 清炒白菜仔 -- 食台灣菜唔少得嘅油麥菜, 好味... 白菜仔, OK... 大家要"日日記得2+3"呀!!!


æ杏仁豆腐 -- 姊妹們, 味道如何? (杏仁... 怕怕)


æ豆沙小麭 -- 個皮硬咗D... 餡真係勁多... 都幾甜...


æ請大家請估下呢味係咩o黎???



呢間鼎泰豐唔同黃埔個間(franchisee), 呢間係台北店直接經營, 聽講好味好多...

 

是次每人消費約$172元
味道: 4 環境: 3 服務: 3 衛生: 4 抵食: 3


###

地址 : 尖沙咀廣東道30號新港中心三樓130號
電話 : 2730 6928

4 則留言:

  1. 拉姑果然超快手~~~ 我當然係第一個捧場啦! 各位~
    杏仁豆腐好滑, 不太甜, 味道唔錯, 比想像中好食, d 小籠包真係無台灣咁好食, 最起碼係台灣食既係超薄皮的嘛!
     
    [版主回覆05/29/2008 23:14:00]多謝你咁捧場!!!

    回覆刪除
  2. 炸排骨真係好Juicy咩?我覺得有啲嚡… 小籠飽既皮真係幾夠薄喎,只係個頂乾晒水啫…
    p.s.你個日期錯咗呀:尋日係28號、網誌日應是29號或者改時間…
    [版主回覆05/29/2008 23:13:00]Over, Over, 已經靜雞雞改番好...

    回覆刪除
  3. 咦!咁啱上次我brother都有叫我去識呢間,佢又係講到好好味咁喎 搞到我都好想快d去試下呢
    [版主回覆05/29/2008 23:18:00]你brother都好識食咁喎... 得閒要同佢交流下心得先得...

    回覆刪除
  4. 多謝你咁手下留情冇提過我遲到喎 !   不好意思 !
    其實最醒目是 Amanda S,  其實之前我對佢冇好感; 因為佢咀果位樣衰師傅. 不過見你張相都影得2位小姐都几靚.
    為何蔡生是你偶像 ??????
    [版主回覆05/29/2008 23:24:00]遲到在你o黎講好平常... 下次唔好再揀D齊人先入得嘅餐廳啦! 蔡san咁識飲識食識嘆世界, 唔搵佢做偶像搵邊個呀?

    回覆刪除