網頁清單

2008年3月15日 星期六

翡翠拉麵小籠包 Crystal Jade

今日(2008年3月14日)下午去完客度開會, 順便係尖沙咀一帶搵食... 路過翡翠, 不其然停下腳步, 自從太古城個間執咗之後, 都好耐冇食過... 記得係好耐以前, 第一次食佢嘅小籠包, 雙眼即時發光, 皮薄餡靚湯又鮮甜, 真係要比5粒星呀... (大家要小心, 唔係間間分店都好食o架, 九龍灣好唔掂)

 

æ蒜泥白肉青瓜卷--好清新, 賣相靚, 唔錯唔錯!!!


æ上海小籠包--水準依舊, 唔錯唔錯!!!


æ乾隆粒粒炒年糕--第一次食, 好味, 皆因佢將d年糕切成粒粒狀, 入味好多同埋易食好多, 唔錯唔錯!!!


æ桂花糖蓮藕--第一次食, 好好味呀, 個種清香法實在難以形容, 好清甜, 為呢餐晚飯劃上完美嘅句號!!!


不過要搭枱, 同埋d枱好細, 鬼佬係完全坐唔落... 除非你早d book4人卡位, 又或者有10人以上, book房, 咁就唔同講法...

 

是次每人消費約$90元
味道: 4 環境: 3 服務: 3 衛生: 3 抵食: 4



###

地址 : 尖沙咀廣東道17號海港城3328店
電話 : 2622-2699

3 則留言:

  1. 係喇 無拉拉太古果間無得食 真係激死我呀

    回覆刪除
  2. 上星期一,我都同舊同事去IFC食,但我覺得食物一般,而且逼到死!D位肥D都坐唔落

    回覆刪除
  3. 曾幾何時都去過..九龍灣個間, 真係唔掂, 食完後係唔會返轉頭的, 不過有次去到銅鑼灣個間食時就唔同啦, 味道很捧、唔講..仲以為係另一間唔同既店呀!  

    回覆刪除