網頁清單

2008年3月30日 星期日

孫中山紀念館(甘棠第)

尋日(2008年3月29日)睇完電視介紹「中國航天展暨太空探秘」, 諗住去八下, 點知Last Day竟然係3月24日... 嗚嗚嗚嗚...

之後見報紙話「早前證實發掘出有120年歷史的前中央書院遺址(荷李活道舊警察宿舍),古物古蹟辦事處昨日起一連兩日開放宿舍予公眾參觀及搜集意見」, 就改去呢度啦... 咁honey話既然去得孫中山間學校, 不如去埋孫中山間紀念館啦... 不過我地去到中環都好晏下, 所以都應該唔夠時間去晒2個地點, 唯有剩係去孫中山紀念館啦...


二樓嘅白廳... 好靚呀...


白廳外嘅走廊...


三樓樓梯嘅彩繪玻璃窗, 好古色古香...


樓梯都好靚呀...


5點9已經廣播叫人走, 6點正拉閘...

 

我地走個陣去咗伊利近街個間Krispy Kreme Donghnuts食下午茶, 一口氣試3隻味... 黑白朱, 紐約芝士, 藍莓... 呵呵... 我最鐘意黑白朱!!! Mocha 咖啡都好正!!!


外傳: -

搭緊扶手電梯上去紀念館個陣, 見到無記拍劇, 步咗一陣, 先見到謝天華出現, 走得...


2008年3月22日 星期六

「台山四寶」澳門喪食一日遊

期待已久嘅「台山四寶」澳門喪食一日遊, 尋日(2008年3月21日)終於順利完成, 可說是圓滿結束... 「台山四寶」對上一次四個一齊去旅行, 起碼都廿幾卅年前(小學秋季旅行)囉我估, 咁難能可貴嘅旅程, 緊係要第一時間直撃報導, 好, 去片!!!

 

06:45am 上環信德澳門茶餐廳-- 食早餐同埋止暈船浪葯, 哈哈...

07:41am 上船--狂食話梅, 同傾足成程, 加狂笑聲不絕...

09:05am 落船--堆滿人等過關, 好彩開咗條新line比我跑咗埋去, 咁都用咗半個鐘...

10:00am 坐Shuttle去英皇再步行去瑪嘉烈蛋撻--一落船都未回魂已經開始搵食, 哈哈... d葡撻冇香港個d咁甜, 個皮又鬆d, 好味!!! 配埋朱古力咖啡, 呵呵, 第一站順利完成!!! (KaKaMa夜晚返轉頭買咗半打返香港比KaKaBa食, 呵呵, 真係有Heart!!!)...


10:25am 坐Taxi去二龍喉公園--點解得一隻黑熊, 好lonely...

10:45am 坐松山纜車上松山燈塔--世界上最短嘅纜車, 全程1分鐘... 但係排隊排咗半個鐘...



12:30nn 坐Taxi去碼頭再Shuttle去威尼斯人--原來咁細, 幻想破滅...

13:40pm 坐Taxi去氹仔官也街--個司機話唔識公雞(唔通佢唔係澳門人?!), 夾硬車咗我地去小飛象, 吹脹...

14:00pm 公雞--又食o野啦, 哈哈... 全餐最正係d黑olive, 真係估佢唔到...


14:35pm 莫義記大菜糕榴槤雪糕--係公雞食飽飽, 一出門口, 龍媽一支箭走咗去買o黎食, 果然食力非凡... 跟手我地係官也街掃街(不停試食&搶購手信), 爽呀...

15:00pm 坐Bus去新馬路手信街--週圍行下, 參觀咗玫瑰堂, 頂樓個地板好似隨時會塌咁, 超恐怖...

15:35pm 保健牛奶公司--又食, 哈哈哈哈... 呢間出名用農場新鮮鮮奶, 燉蛋燉奶通通一流... 之後係手信街瘋狂試食&搶購手信, 試食到直至再食唔落為止, 好利害...



18:30pm 新帆船餐廳--開頭食個葡國雞覺得好好食, 跟手再食個"辣辣蝦菠菜麵", 嘩, 超好食呀... 個羊脾同三文魚炒飯都好好味... 好過lunch個餐好多...


20:00pm 明記牛雜美食--已經食到飽到嘔, 但係龍媽同貓頭仲可以再隊多串牛雜, 戰鬥力深不見底... 開頭搵唔到仲以為已經執咗, 原來係入夜先開嘅車仔檔...


20:40pm 步行至葡京落雨, 轉Taxi至碼頭

21:10pm 上船--即刻試食hello kitty話梅, 又再傾足成程, 不過由於夜深關係, 只敢細細聲笑...

22:30pm 落船--打道回府, 肯定今晚會瞓到不省人事...

2008年3月20日 星期四

松松特工隊 @ 魚則魚涌 柏架山

上星期日(2008年3月16日)見天氣唔錯又去咗行山, 去到紅屋個度, 都未坐底已經見到松鼠, 可能係春天初臨嘅關係, 隻松鼠好似好肚餓咁, 猛咁擲樹上嘅果實o黎食...

 

已經係第3次見到松鼠, 3次都冇帶相機... 上一個月我地特登帶相機上山影佢, 佢又唔出o黎... 激死...

粵全食 (III)

上星期日去完花展, 順便係天后食埋晚飯... 原本想試新o野, 最後又係去番老地方...

 

不過今晚有套餐, $198包湯+2個餸+飯+甜品, 轉缽仔飯加7蚊...

 

æ梳羅魚湯--一d腥味都冇, 連唔食魚嘅honey都肯飲, Good!!!



æ煎藕餅--煎得好乾身, 一d多餘嘅油都冇, 唔錯


æ古法蒸黃油雞--清清地, 唔錯


æ雪菜肉鬆缽仔飯--my飛佛, 成碗食晒


æ楊技金露--清清地, 涼透心, 唔錯; 雪耳糖水--honey一啖食晒, 冇得試味



Overall都食得過, 食物好有Heart, Service亦好週到, 環境都好寧靜, 套餐價錢直情超值, 衛生當然冇問題啦...

 

進食期間, 仲見到垃圾會議員湯家X同一大班人入o黎食飯... 嘻嘻... 原來佢都幾識食o架喎...

2008年3月17日 星期一

二零零八年香港花卉展覽 Hong Kong Flower Show 2008 (III)

<<攝於2008年3月15日>>

 
æ百歲蘭

æ百歲蘭淋水


æ港版7色花田


æ蕃茄


æ蔥花


æ菇菇

æ蘭花

æ太陽花

æ仙人掌

æ其他