尋日(2008年2月20日)同鑽鑽, KaKa, 貓頭再戰廸廸尼...
今次再去動畫藝術教室進修, 雖然(比起星期一)進步不少, 但係仍然比鑽媽笑我呢隻米奇係深圳B貨... 點知夜晚一齊玩完巴士光年, 比我地係精品店入面發現咗隻"發福版"米奇, 望落同我畫嘅有d相似, 哈哈... 証明我畫個隻唔係深圳B貨, 係原廠正貨o黎o架!!!
全靠有鑽鑽同KaKa係度, d職員哥哥同職員姐姐比貼紙比得好爽手, 連帶我都有份, 呵呵... 加埋大前日個2張, 總共有5張咁多呀, 呵呵... 要係度多謝貓頭割愛, 送咗佢張米奇大王比我呀... (感動中)
沒有留言:
張貼留言