網頁清單

2008年1月27日 星期日

我的低能之道 I & II

之前已經勁鐘意www.maggiemarket.com d公仔, 上次係會展書展見到第一集勁想買, 之後次次係商務見親都心郁郁... 上星期見力力有第二集, 送埋貼紙, 更加想買...

 

點知... 今日(2008年1月26日)睇報紙... ... 博益出版集團結業... 有與博益合作的作家稱,出版社關門大吉,又無意將版權售回作者,擔心大量經典暢銷書籍無法再版,從此成為「絕書」... 博益作家「馬仔」在其網誌表示:「一出就大賣,但轉頭又即刻變身成絕版書。」...

 

當時真係好擔心會買唔到... 所以放工即刻跑去商務... 呼... 好彩仲有啫...


 


2008年1月23日 星期三

石磨坊 Shek Mo Fong

前晚(2008年1月21日)同食完翅, 力力就o黎join我地去食佢大力推介嘅甜品...

 

æ香芒黑糯米芝麻卷 : 招牌菜, 芝麻卷皮煙煙韌韌, 香芒微酸, 配埋份量唔太多嘅黑糯米, 三重口感, 勁特別, 值得再食!!!


æ芝麻糊拼栗子糊 : 好滑, 唔係開粉個隻, 值得再食!!!


æ奶黃蛋白燉鮮奶 :  聽講, 都幾特別, 幾好味, 值得一試!!!


æ冰糖雪耳燉木瓜 :  力力咩都冇講, 一口氣食晒, 我估唔會難食啩!!!


æd碗碟好kawaii呀, 全部都印咗自家公仔o架, 好想買一套返屋企呀...


 


外傳:
上次食完山田, 坐忘命小巴再轉的士返屋企被拒載後, 今次再度被拒載...
我今次已經醒咗, 上車關門帶埋安全帶, 先至講目的地, 個司機話自己係過海車, 我問"過海車... 點解唔琴旗", 佢"嘖"一聲, 死死地氣開車... 再次呼籲大家, 遇到呢d敗類, 千祈唔好讓步呀!!!

 

是次每人消費約$24元
味道: 4 環境: 1 服務: 1 衛生: 3 抵食: 4




###

地址 : 旺角豉油街66號地下
電話 : 2398 9400

魚翅大排檔 Shark's Fin Restaurant

前晚(2008年1月21日)跟去食翅, 見恆指跌咗千幾點, 以為唔使book位, 點知... 去到冇晒卡位, 仲叫我地坐十字路口位(週圍仲有大把位), 劣!

 

我地一心去試紅燒蟹肉生翅餐($298有翅+2個小菜+飯+糖水), 就緊係唔會錯過啦: -
. 紅燒蟹肉翅 : 砂窩上, 每人都可分兩碗, 都幾多排細翅, 唔錯唔錯;
. 三杯酒焗蟹煲 : 砂窩上熱辣辣, 蟹鉗好大隻, 味道一流, GOOD;
. 鮑片雞煲 : 都係砂窩上, 雞肉鞋過煲湯雞肉, 鮑 片足料, 味道唔錯;
. 薑粒雞蛋炒飯 : 炒得粒粒分明兼唔油, 加埋薑粒, GOOD;
. 紅棗蓮子燉雪蛤 : 清甜滋潤, OK


 

嘻嘻... 我地唔係剩係掛住食o架, 食好o野之前都去咗做d緊要o野o架... 就係去買利是封喇, 係咪好cute呢!!!

 


 


是次每人消費約$170元
味道: 4 環境: 3 服務: 2 衛生: 3 抵食: 3

戰鬥指數

###
地址 : 旺角彌敦道601號創興廣場
電話 : 2395 2000

2008年1月19日 星期六

勁辣派甜甜掌門(北角雞蛋仔)

今日(2008年1月19)去完奶奶大人度食飯, 搭巴士返屋企轉車期間, honey唔知做咩咁好興致, 話要食雞蛋仔, 排隊時仲問使唔使買2底, 唔使呀嘛?!


以前o黎過好多次都係老板joker整o架, 每次見到佢都想笑... 今日唔見咗佢喎, 可能係因為開咗好多分店(尖沙咀, 灣仔, 將軍澳)嘅關係...

大家睇下條龍幾長, 一年365日由早到晚都係咁多人... 排隊時一路都傳出陣陣香味, 好想快d排到... 佢已經有好多個夾蛋機o架啦, 但都係要排咁長龍, 人流可想而知... 裝雞蛋仔個紙袋中間開咗d小孔o架, 隔一陣食都仲好脆, 好細心...



好, 我拉姑係樹同大家拜個早年先, 祝大家身體健康, 荷包漲漲!!! (路過北角新港城時影o既)



###
地址 : 北角英皇道492號
電話 : 2590 9726


2008年1月11日 星期五

Pho Hoa 和越式牛肉粉餐廳

尋晚(2008年1月9日)又要去試菜啦, 好忙呀... 力力大力推介, 同係Toronto食過嘅一模一樣咁話喎... 仲改咗個好勁嘅外號... 烈女飯局... 哈哈哈哈, 勁呢!!!

 

7點幾去到冇咩人, 可以揀梳化位, 正!!!

 

不過... 全程冇水飲, 明明離遠見到其他枱都有水嘅...

æ主角:生牛河--配料勁多, 又可以自己選擇落幾多, good!!! 湯底味濃, good!!! 牛肉都好嫩, good!!!



æ我叫咗個雜菜烤肉撈檬--d烤肉都唔錯, 但係d汁就好唔得, 好後悔冇叫生牛河... (原本話分d雜菜比力力嘅, 但係見到d雜菜仲小過生牛河d芽菜, 所以冇比到囉, sorry呀);
春卷--yummy;
牛油雞翼--d牛油味... 同平時食開嘅有d唔同, d雞翼放咗好耐先食, 但係一咬開, 依然出晒煙, 勁!!!
庶蝦--唔錯



食飽飽, 循例吹下水... 吹吹下又叫我地埋單... 再吹吹下, 個女侍應竟然同我地講廚房要噴剎蟲水, 叫我地即刻走, 費時焗親我地, 下次請早咁話... (但當時現場仲有其他食客, 咁嘅趕客功夫, 真係大開眼界)


是次每人消費約$90元
味道: 3 環境: 3 服務: 1 衛生: 3 抵食: 4



###

地址 : 尖沙咀寶勒巷26-36號
電話 : 2739 7688

2008年1月9日 星期三

Café Circles

上星期六(2008年1月5日)一眾姊妹剎去荃灣如心同龍媽賀壽... (去之前仲同貓頭去一轉karaoke先)


酒店裡面個環境係唔錯嘅, 好似d hip hotel咁... 食物就... 之前一日睇網評好似幾麻麻咁, 所以去到唔敢食魚生同刺身同阿拉斯加蟹腳...


. 沙律 : 一般;
. 燒吞拿魚都唔錯, 煙三文魚都ok, 龍蝦仔一隻夠晒, 蕃茄芝士d芝士真係麻麻地;
. 白汁焗魚柳算比較好, 羊扒都合格, 隻炸蠔食完都唔知食咗d乜, 最好味係條蒸魚(食咗先醒起要影相, 哈哈)
. 鐵板燒大蝦 : 一開始切, d肉已經散, 一放入口, 想即刻吐番出o黎, 當然最後都吞咗落肚... 個汁仲騎呢, 唔落好過...



. 甜品選擇都算小...
. 個焗蛋白算比較好食, 但得幾粒, 鑽媽再出去拎已經冇晒; 朱古力蛋糕同法式燉蛋都ok, 都係一陣就冇; 個coffee杯反而幾香濃
. 豆腐花ok; jelly杯都ok(冇可能唔ok); 雪糕係papagallo(唯一驚喜), 有4-5隻味, of course yummy啦!



飲品自助bar度有橙汁, 咖啡茶, 檸水, 等供應!


仲有燒珍寶蠔同翡翠螺, 你睇, 幾大隻!!! (我冇食呀, 隻蠔由鑽媽提供)



點知, 話口未完, 暈妮個隻(左)仲大, 大過隻碟, 勁!!! 不過長頸鹿個隻(右)都唔弱!!!



臨走前去一轉toilet, 嘔... 好臭呀, 估計有2人同時大緊(total得4格), 貓頭頂唔順閃咗, 我長途車唯有死頂... 同網評所講一樣(食完魚生即刻開2轉)!!!


是次每人消費約$305元
味道: 2 環境: 4 服務: 3 衛生: 3 抵食: 1
戰鬥指數


###
地址 : 荃灣楊屋道8號香港如心海景酒店9樓
電話 : 2280 2898


2008年1月7日 星期一

北京樓

大除夕(2007年12月31日)唔想出街迫, 放工行去太古城食, 一心諗住去西苑食餐好嘅, 點知... 去到咩都未講, 就話full晒!


嗚嗚嗚嗚... 行過隔離, 八點半前交枱就有位! 剎你!


由於之前幾日食得太飽, 所以都係叫小小o野食算啦!


. 雪菜肉絲炒年糕 : ok啦
. 粟子X菜 : 差, d粟子完全冇粟子嘅味道同口感
. 黃金蝦 : 差差差, 完全冇蛋黃味, 又用一大舊炸粉包住隻蝦, 雖然好貴, 但最後都係吞唔落全部(好食嘅話係絕對食得晒)





再o黎多個拔絲雙拼(4粒香蕉+4粒蘋果), 呢個就唔錯, 脆卜卜, 連阿姐都自誇"自己呢次整得好, 平時好怕整, 好難整得好o架", 笑死我!




阿姐見我影相, 仲特登slow motion, 擺晒post! 好, 阿姐, 記你一功!




食完呢餐嘅結論係... "怪唔得12月31號仲有位啦, 太古城d人好鬼識食o架o麻, ..."


如果去西苑, 一樣價錢, 我敢寫包單, 好味一百倍!


是次每人消費約$220元
味道: 2 環境: 4 服務: 4 衛生: 4 抵食: 1
戰鬥指數


###
地址 : 側魚涌太古城中心二期2樓201號舖
電話 : 2884-4131


2008年1月3日 星期四

nahm viernamese & thai

上星期六, 上完動植物公園再去圓方行街, 跟手就係去咗呢間餐廳食... 之前唔知會係圓方食飯, 所以冇做定research...

 

今日寫食評之前search下呢間餐廳嘅資料, 結果... 激死我...

第一, 個日問佢有咩credit card有discount, 佢答冇, 但係... 今日比我發現佢DBS信用咭有9折...

第二, 原來佢asiamiles有得儲分, 依個日個銀碼o黎睇, 我可以拎到400 points, 而家咩都冇啦...

 

æ軟殼蟹春卷--鑽媽至愛, 味道唔錯;
牛肉沙律--辣到喊, 除咗辣, 咩都唔記得啦;
綠咖哩羊脾--拉姑推介, 配埋個椰汁白飯, 一流;


æ呢個什菜炒咩粉--鑽媽唔知幾時叫嘅, 炒到o黎我地仲同d侍應講話未叫o野食, 笑爆嘴, 味道都唔錯嘅, 但係鑽媽原來要叫湯粉, 結果... 再叫多個湯河, 味道都ok;
炒雜菜--不過不失


 

埋單時計多咗一個椰汁白飯, 另外仲溜咗單潻(黃咖哩雞), 不過我地已經食到好飽, 上小一個菜仲好, 慳番!

 

佢張咭片後面個網站, 有好多餐廳, 但係... 好神奇地係冇呢間餐廳嘅...

 

是次每人消費約$160元
味道: 3 環境: 4 服務: 3 衛生: 4 抵食: 1



###

地址 : 尖沙咀柯士甸道西1號九龍站Elements 1樓
電話 : 2810 7575

香港動植物公園

上星期六(2007年12月29日)跟鑽鑽三人組同貓姨去動植物公園玩, 坦白說, 我是第一次去, 因為我沒有鑽鑽那麼幸福...


活動前要去醫肚先... T e Quick Pasta & Herb Tea... 在網頁的介紹是很誘人的, 店內的menu亦是, 但是實物就真係... 唔係話佢難食, 只係唔值呢個價錢, 服務仲... 近乎零! 所以我同貓姨中招後, 都叫鑽鑽三人組不要在這裡吃... 食完午飯, 就經石板街剎上去... (途中鑽鑽聽到鑽媽提到"的士", 即刻話"唔好搭的士", 笑死我)



呢幅"父親的背影", 留比鑽鑽大個之後慢慢嗒... 賓爸即係賓爸, 做咗爸爸, 潺仔強都變超人, 大家一齊向賓爸致敬!!!


到咗目的地之後, 鑽鑽即刻變身牧羊人, 用佢隻小手, 一邊拍我地每個人嘅小腿後面, 一邊叫"快D", 笑到大家叭係度...


呢隻勿勿表情多多, 係全場至得意o架...



工作人員正在餵食物, 仲要不停扼手, 好忙!!!



隻美洲豹(Jaguar)懶瞓到死, 郁都冇郁過...



除咗動物, 仲有好多植物o架, 不過相機冇電, 嘻嘻...



行完公園, 我同貓姨行去Landmark 360 shopping下先, 等鑽鑽瞓醒就join番大隊, 一齊去elements再逛過!!!