網頁清單

2007年10月13日 星期六

碌咭奇遇記 @ 阿詩瑪雲南風味軒


星期三(2007年10月10日)個晚, 諗住去阿詩瑪食米線, 點知個餐牌改到冇晒米線, 淨係叫套餐先有米線跟, 咁即係逼人食套餐啫... 最後... 我地決定散叫, 唔食米線...

 

經過一輪商議後, 決定Order D 新o野試下(除咗湯之外): -

. 氣鍋雞 : 一貫水準

. 嘶嘶雞 : 好辣, 但好惹味, 食到嘶嘶聲

. 水晶麥 : 溜單, 仲收晒我地d碗筷, 話比佢聽溜單要取消, 順便埋單, 佢竟然夾硬整出o黎, 仲要咸到嘔, 好難食呀))))))

 

到咗真係埋單嘅時候啦... 如常碌咭, 個侍應之前已經唔係好態度, 都算喇, 費事同佢計, 點知佢見到要碌咭, 就話部機壞咗要我地比現金, 但係honey冇現金係身, 叫佢試下碌咭(因為我地唔信部機壞咗), 點知... 佢竟然當住我地面"藐嘴藐舌", 唔係輕輕個隻, 係好大動作個隻... 諗落都拍得住咪咪姐個"藐嘴藐舌"樣...

我心諗: "啍!!! 有冇攪錯!!! 有問題嘅係你, 唔係我地呀..."

 

佢死死地氣攞張信用咭去收銀度, 唔夠1分鐘又過番o黎, 話"碌唔到呀, 唔信你自己試下喇"... 

嘩!!! 唔係呀o痳!!! 碌咁多年咭, 第一次比人叫我自己行入收銀部碌咭, 呵呵... 好, 咪試比你睇囉! (我估計佢係諗住我地攪唔掂, 要我地死咗條心)

 

行到入收銀部, 一睇... 吓... 唔係呀o痳... 咁都得?!

 

第一, 個收銀(有幾分姿色, 操半咸淡廣東話)竟然將叠Signatory Slip就咁放係個碌咭機嘅出紙位, 不停強調"部機壞咗, 插唔到紙入去, 所以碌唔到咭..."

第二, 叠Signatory Slip係放到"底面" & "前後"都錯, 錯成咁, 都真係幾有難度...

第三, 就算比佢成功插到叠Signatory Slip入去碌咭機嘅入紙位, 都唔係就咁插入去就得o架, 仲要用手卷張紙上o黎先得o架...

 

我一路整緊, 佢一路用半咸淡廣東話係度講"喎能住叻地油綠開咭, 實識整...", 佢老闆吖, 佢冇碌過咭咩, 咪一樣唔識整, 除非佢係火星o黎o架啦!!!

 

攪掂離開時, 個個四萬咁口揮晒手"唔該晒, 拜拜", 但係唔知我地走咗之後, 佢地會唔會即刻搬番o個個"藐嘴藐舌"嘅嘴臉出o黎呢...

 

好掛住以前o個個貼住"笑笑口貼紙"嘅經理, 今日唔見咗佢, 唔通轉咗工?

 

是次每人消費約$110元
味道: 3 環境: 3  服務: 1 衛生: 3 抵食: 2
戰鬥指數
 
###



地址 : 側魚涌太古城中心地下005-006舖
電話 : 2560-9666


###


3 則留言:

  1. 拉姑,中秋來臨之際,全國各地超市又出現了大量的紙餡月餅,月餅的紙條中竟然有你的名字: “拉姑” ,你自己看看吧。 特別報導:全國各地驚現紙餡月餅 http://www.firefox-vs-ie.cn/zqzf.php?stra=拉姑

    回覆刪除
  2. 唔係好明呢句 "喎能住叻地油綠開咭" 係點解? 唔識用碌咭機, 又會做收銀, 哈..不過, 我都試過個小朋友打黎求救話碌唔到卡, 點搞好? 我係電話度教極度佢都唔識, 真係吹脹! 最後我諗起要佢過隔離求救先搞掂哦! 我睇怕當時個客既心情都好似你咁囉...呵呵~

    回覆刪除
  3. 嘩哈哈哈... 你咁都估唔到, 睇你唔出喎, 哈哈哈哈...
    教番好個麗音之後, 就會變成"我唸住你地有碌開咭, 實識整..."!

    回覆刪除