今日(2007年7月15日)下晏睇咗喇!
我今次同之前一樣, 睇英文版, 貪佢原聲o痳! 但係同以往唔同, 係冇以往咁熱切, 因為d主角真係唔多似細路, 好似睇大人扮細路片咁... 而劇情亦冇之前咁豐富, 特技亦冇之前咁吸引, 驚喜就更加唔多... honey一路睇一路話好悶, 又彈d主角醜樣, 可能下集佢都唔會so我(陪我去睇)...
由於貓頭過兩日會睇, 所以我唔好係度講內容喇, 等佢睇左先喇!
外傳: -
近日發現"哈魯邦"星期六/日/公眾假期都有供應set lunch, 所以睇哈仔之前去咗醫肚, 好味呀... 好飽呀...
真係唔好睇呀? 我就仲未睇, 不過我家姐睇左都叫悶死, 話唔好睇咁話, 我本來唔信, 諗住點都有信心既保證呱?
回覆刪除靜靜雞話你知, 我真不是地球人; 不論 書及電影版, 我都冇睇過, 因為我地的星球唔興"哈仔", 興"鑽仔"
回覆刪除首先咁，我係原著粉絲，所以係唔係我都會睇，因此我既片評會唔多客觀！請包容！ 講返套戲，其實我已經唔多記得書既Detail位，所以睇時成日覺得好似仲差少少野，唔夠書詳細！(但同我睇既人不斷提醒我，本書咁厚，套戲得兩個幾鐘仲想點呀…) 總括，好睇！ 只要你好似我咁俾百幾蚊去IMAX睇，原因當然係套戲本身已經係佳作 (死都要撐住話好！)，另外既原因係…IMAX既設計！因為佢個幕好大好大 (五層樓咁高)，座位又近個大銀幕 (我座最尾嗰行)，就咁睇套戲就已經好有立體感！Main point係…佢個幕咁高，我望住Daniel個樣，隻眼就睇唔到字幕！所以我唯有放棄字幕，係咁睇啲細位，畫面真係同平時既戲院好唔同！(好在今集d英文比較淺易聽啲--除咗妙麗講野外！) 不得不提，Last既3D片段，雖然無米老鼠既寶石咁立體，不過坐飛馬、同"不能說出名字的人"既對打時，真係超讚，啲水真係好似湧埋嚟咁… 唔講喇，好鬼長篇，下次想去睇3D又無人陪時叫我喇，我都想睇下其他3D戲！
回覆刪除