網頁清單

2007年5月9日 星期三

王家沙 Huang Tsa Sa Shanghai Restaurant

尋晚(2007年5月8日)原本想去游水, 不過因為一早去咗同客開會, 兩點幾先食lunch, 跟住趕埋d手尾... 已經7點幾, 又倦又餓, 所以決定食d好味嘅晚餐... 唸呢唸去, 最後都係去番其中一個飯堂開餐...


我地其實好懶唸食乜o架, 所以都係叫返平時叫開嗰d: -

. 松子桂魚 -- 超好食, 酸酸甜甜--送飯一流, 最正係d松子多到食極都食唔晒呀嘛;
. 蕃茄莧菜 -- 好健康, 又好食, 其他地方又少見;
. 栗子鮮肉粽 -- 時令食品, 咸咗d

食飽飽, 好倦呀...返屋企沖涼瞓教先...

 

拉姑推介: 如果唔係太飽的話, 一定要試下"棗泥糕", 用竹蒸籠上的, 香香軟軟又唔太甜, 正!

是次每人消費約$100元
味道: 4; 環境: 3; 服務: 3; 衛生: 4; 抵食: 4

###

地址: 側魚涌太古城中心1 樓101號舖
電話: 25603668

4 則留言:

  1. 好似几正咁, 不過見到地點都怕怕.......... 太古城

    回覆刪除
  2. 利園都好似有一間!我食過都幾貴,啲野食就ok好啦,不過我都係鍾意客家好棧多啲!

    回覆刪除
  3. 要近, 數到旺角都有一家...但據聞旺角這方店的手勢麻麻, 所以我地遲遲唔考慮去這間, 見拉姑推薦, 太古城這間好像挺不錯的, 力高, 你有無興趣試旺角果間? 如果有..下次去試也可以喔。

    回覆刪除
  4. 沙田都有分店, 但之前聽同事講過麻麻, 太古城呢間由開張至今數年, 水準一直不錯, 而且係太古城咁好食呢講... 算係比較平o架喇。係同朋友食飯吹水的好地方, 因為坐成晚, 食到飽飽, 埋單每位都係$150以下(最低試過$80, 睇你食乜), 算係咁喇。 我都鍾意客家好棧, 不過王家沙係上海o野, 好難compare喎!

    回覆刪除