網頁清單

2006年11月10日 星期五

麻布茶房 Azabusabo

今晚(2006年11月9日)係【十一月之星聚餐】嘅大日子,大家去咗尖沙咀『南山谷韓國居食屋』賀一賀佢。哈哈、、、但係我唔打算係度向大家報導!點解?事原係、、、

七點半左右齊人,由於大家都勁餓,所以“拿拿聲”order食物,而d食物一到,就好似跌咗落充滿食人魚嘅河入面咁,“渣一聲”冇晒!食咗三、四輪之後,到我醒起要影相寫blog時,都冇乜好影喇!所以、、、算吧喇、、、

原本一早食完可以鬆人,大家都笑住話『唔慣咁早食完返屋企』,但係尋日有三個墟咁多,傾吓傾吓,已經十點,大家喺充滿歡樂嘅氣氛下離開!

行到樓下,路過上樓前發現嘅甜品店,大家行個注目禮,其中五人(無敵、貓頭夫人、高瘦平、龍媽、同埋我)被一股“神秘力量”吸咗入去!呀呀呀呀、、、

坐定後睇睇個menu,嘩嘩嘩,個menu入面樣都咁吸引,好難決擇呀!

最後我order咗“草莓白肉霜蜜豆沙”(左圖),龍媽同無敵就order咗“芒果聖代”(右下圖),貓頭夫人同高瘦平就order咗“枺茶杏仁豆腐芭菲”(右上圖)。

人地幾個人share一個,我地就一人order一個,呵呵呵呵、、、食物一到,大家瘋狂影相一輪,影到d軟雪糕都溶到滴落地,“拿拿聲”食喇!一路食一路逐樣材料研究,話題不絕,食得好開心,最後結論係我order嘅“草莓白肉霜蜜豆沙”最抵,因為材料同分量都係最多!正正正正正!

回家途中,充滿愉快的感覺,所有唔開心嘅事都忘記晒,太棒了!


地址: 尖沙咀彌敦道132號美麗華商場2樓諾士佛階12號
電話: 2377 3780

1 則留言:

  1. 今 個月這麼早! 呵..兩間我都 幸食過了.. 南山谷唔好, 早知你地就向你地好好忠告一下, 碟頭太細, 份量太少, 選擇同樣都少, 但價錢挺不便宜, 同樣的價格食物, 我推介你去明洞屋好了, 價格雖然稍為貴了一點, 但食物質素非常之捧, 可惜已是寫 blog 之前去的, 位置同樣是 TST. 上次同事生日, 去南山谷..食到好像你們這樣, 要再繼續去食甜品, 不過就不是去麻布茶房了。 上次去麻布茶房是在銅鑼灣的分店, 環境挺舒服, 但晚餐就不怎麼特別, 只有外形漂亮, 味道普普通通, 要比較, 和民的好吃一點了, 但此店的甜品就除外, 全個晚會最好味的就是甜品了, 那次食剛好是在我挺著肚子的時間, 所以特別好胃口, SET DINNER 後叫了兩個甜品, 兩個都差不多是我食晒的...厲害吧。  

    回覆刪除