網頁清單

2006年8月20日 星期日

美食博覽

19 August 2006 (Saturday)

今日同貓頭夫人去咗wanchai會展睇美食博覽(2006年8月17-21日),原本唸住攞VIP飛(免費)唔使排隊,點知又再比食蕉老點(已經係第二次),跟咗人龍排到正門入口,先見到另一個比工作人員&VIP用嘅入口,好彩人龍冇停過唔使排好耐,如果唔係,一定捉番隻食蕉出嚟丙鑊金!

嘩!入到去好似年卅十晚行維園花市咁多人,好恐佈!仲有d老星出現吓咁啦,包括靈芝三寶,我就同識飲識食嘅蔡san蔡瀾握咗手!

一入去即刻跟場刊coupon行,但95%有欺騙成份,只成功取到免費豉油sample乙份(啋!平時MX買蒸飯都送喇)!行咗一陣都買唔到嘢,因為貓頭夫人話好多都貴過惠康、百佳。好彩後尾再行耐d,開始見到d特別食品,開始買到唔停手。

買到手都軟,試食試到口乾,行行吓見到Papagallo鮮果雪芭(將果肉取出做成雪芭,再放回果皮內),忍唔住買嚟解暑!極正!好清甜,透心涼!原本有西瓜、橙、青蘋果、火龍果,因為買剩火龍果,所以超殺。最神奇係貓頭夫人唔知點解可以食得咁快,我食完先知佢果個細一半,但都係HK$16一個。



义完電,再博殺!行完一個hall又一個hall。行足3個鐘,體力極度透支,終於要打道回府!

特別推介:

1) 沖澠政府帶來的水雲,類似髮菜:買咗水雲麻蓉包及水雲抹茶桂花糕。

2) 台灣政府帶來的麻糬:買咗黑糖紅豆、綠茶、雪梅娘、等等。

3) 英國商人帶來的美食:買咗BBQ米餅、夏威夷果仁蜜糖cookie、72%Dark朱古力、榛子朱古力。

4) 香港和記隆的傳統小吃:買咗手切南朿糕及花生糖。

5) 中國國綷:中藥!哈哈!因為近期經常冇貨,所以見到咪順手買埋囉!



Harbin Ice Lantern Festival 哈爾濱冰燈節

18 August 2006 (Friday)

今晚同果汁冰冰、QQ、A先生、蟹爪蘭、童童,一行6人一齊去太古城中心,欣賞「哈爾濱冰燈節」!

入場前檢查高度,童童不到120cm所有不用付入場費(HK$20,直接放入慈善捐款箱),但不可打手印(冇手印唔可以玩冰滑梯),我見佢眼溼溼(眼淚都停在眼內),又不敢哭出來,可能驚哭出來便冇得入去玩更要即刻返屋企。

等了30分鐘,終於到我哋入去喇!蟹爪蘭、童童、我都自備寒衣,其他人要穿大會提供寒衣,原來全部都係Columbia,勁新淨又靚,早知唔使自備寒衣咁麻煩喇!QQ、童童仲帶埋士多啤梨Ear乜,冷頸巾,冷手套,設備勁齊全!

Setup好之後,工作人員終於打開雪柜門比我哋入去喇!好緊張吖!入面只有零下5度o架喳!

入口係冰之隧道,然後係冰之琴棋書畫,冰之2008中國北京奥運,冰之神舟號,冰之樓梯,冰之北極屋,冰之練丹頂,冰之馬車,中間嗰D唔記得(因為嗰4個女人不停嘈住晒咁話【好凍呀,走啦!】)(睇咗頭3個冰灯已嗶哩啪啦話要走)(其實最凍嗰個係我!我都未嘈話凍!因為我要不停為佢地影相,隻手都凍到僵晒,佢地D手一直塞係衫袋入面,唉,而家唸番起先覺得自己當時似菲傭),最後係冰之滑梯!因為一滑落去就係出口,所以要放最後。

玩滑梯前大家討論了一陣子,因為童童唔可以玩冰滑梯,蟹爪蘭要照顧佢所以唔玩,果汁冰冰與A先生又借d2唔玩,跟住QQ又扭計話A先生唔玩佢又唔玩,就係咁攪咗一輪,A先生上先,QQ第二,我第三。A先生上咗冰滑梯之後,QQ又扭計話好驚,我唯有話唔使驚快D上去喇,到我上去時一D都唔驚,但我坐上水泡後,都未坐好,工作人員又未講完指示,就一掌推咗我落去,嗰下最驚!不過原來都幾高速,幾秒玩完,走人!

出咗個雪柜,QQ同A先生個眼鏡都朦晒,好搞笑!又攪咗一輪(卸下寒衣),一行6人終於可以浩浩蕩蕩去食晚飯喇!

總結:

- 因為未睇過冰灯,所以雖然地方唔大,但係都係一個好好嘅体驗同節目!(因為o係香港要揾D優質節目都相當難)

* 值得一試 *


2006年8月16日 星期三

心泰 simply thai

噚晚(2006年8日16日)同大F太食飯,去咗食泰國菜!坐低時佢已經話"日本嘢好食"!

每人奉送一杯"Welcome drink" 羅望子汁...酸酸甜甜,幾特別!更可自選香薰蠟燭(Lemon / Rose / Lavendar)!

叫咗以下食物: -
1) 大蝦冬陰功湯:OK
2) 芒果米紙卷:包住白/紅蘿蔔絲..都幾硬,唔鍾意食菜既一定覺得難食
3) 炸蝦餅:炸得太硬,D汁又唔好味
4) 什菌伴蒸豆腐:淡而滑既豆腐
5) 咖哩鴨:冇咖哩味
6) 菠蘿海鮮炒飯:冇菠蘿味,味道略鹹

埋單仲送張書籤。又做埋問卷。

3個人埋單HK$365,價錢一般、食物唔OK、環境優美、我比1粒星。
要求唔高嘅話,當揾個舒適地方食餐晚飯,都OK嘅!

地址:九龍灣德福廣場F1號舖
電話:2796-7818 



2006年8月13日 星期日

彩食酒宴 En Japanese Dining Bar

Honey生日,請完佢睇歌劇,買完PhantomOfOpera CD加DVD & 加勒比海盜第一集DVD送比佢,路經TST Sogo仲買咗CKJeans T-Shirt送比佢,緊係仲有下文啦!

晚飯去咗久仰大名嘅「En」(國際台-日本語時間-行政總厨每週都示範煮飯仔),之前一路以為個名叫做「彩食酒宴」,係門口仲問waiter點解冇招牌,個waiter話"個招牌咪喺度囉"(註:係日文嘅En),勁樣衰!waiter先生好nice咁解釋「彩食酒宴」只係slogan,意思係:-
彩:多姿多采
食:食物
酒:酒
宴:Happy Together to eat & drink

有蟹放題同牛肉放題,但因為"胃炎"未好,所以唔可以食放題。order 咗

1) 牛油焗帶子
2) 芝士蝦炸薯球
3) 沖繩豬肋骨湯麵
4) 沖繩香腸拼盤
5) 炸軟殼蟹,蟹子沙律
6) 沖繩蜜柑雪芭
7) Orion Draft Beer (買一送一)
8) 荔枝特飲


全部都好正!份量細細,適宜佐酒!最鍾意蜜柑雪芭!埋單只需HK$511!環境、食物、服務:我全部比五粒星(滿分)!

外傳:因為我為每款食物影相,加上只有日本人光顧,可能令人誤會係記者,搞到waiter先生(由於只有小量服務員會說中文,所以waiter先生一直照顧我嗰枱)埋單時問我"係邊個介紹你嚟o架?",好搞笑!





PIRATES OF THE CARIBBEAN: CURSE OF THE BLACK PEARL


為咗要睇第2集,所以噚日買咗第1集(PIRATES OF THE CARIBBEAN: CURSE OF THE BLACK PEARL (2DVD/COLLECTOR's Edition)嚟睇,全套好多搞笑位,靚仔靚女加笑匠,HK$99,2個人睇完都算回本!

The Phantom of the Opera 歌聲魅影

噚日(2006年8月12日)去咗尖沙咀文化中心睇歌劇,第一次睇鬼佬大戲,感覺唔錯。

全場坐無虛座,我原來喺坐係VIP BOX 4,自己買咗飛都唔知,好彩唔係VIP BOX 5 (Phantom 專用),如果唔係容乜易比佢殺死o架!

睇完仲忍唔住買埋Highlights CD(音樂)同DVD(電影)先肯鬆人!

2006年8月10日 星期四

紅樓

昨晚(2006年8日8號)替I小姐慶祝生日,第一次食淮揚菜,之前都唔知係食D乜,任由擺佈!

I小姐Order咗6人餐,另加雞同燒賣

. 椒鹽黃魚 (以椒鹽酥炸,香口惹味肉嫩滑)

. 八寶飯 (傳統八寶飯壓扁煎脆,勁好味)

. 小籠包 (多汁,好味)
. 蟹粉豆腐 (一般,凍咗變一舊嘢咁)

. 另有未聽過嘅馬蘭頭(似豆苗)同其他頭盆

味道:OK;環境:清淨,幾好坐;服務:OK;我比3粒星。


地址﹕銅鑼灣羅素街8號3樓
電話﹕2893 6388

外傳
大家成晚都雞啄唔斷,好似好耐冇見咁,大家都好多新聞要報導,好忙。
開心位:某某(話唔嫁又嫁,話唔生又生嗰位)有咗BB,過多幾個月先開估係邊個!
唔開心位:比「高瘦平」用花生加鹽掉中隻眼,真係唔係幾like,因為我最緊張對眼,唔係嘅話我就唔會每年都捐錢比「奧比斯」兼唔肯做Laser Eye喇!唉!佢真係大唔透!


2006年8月7日 星期一

稻穗亭 放題

星期五(2006年8月4日)去咗太古城間稻穗亭食日本菜(晚巿任點任食放題,再送和牛SabuSabu),幫同事袁小姐&梁小姐&蔡小姐Farewell&走咗1年而家先Farewell嘅咸先生,食物新鮮好味有驚喜又多選擇,好多之前都未食過or未食過咁好味,一句講晒,Ichiban

真後悔咁遲先去試(五、六年前已想試),今次機緣巧合之下比我食倒,太高興喇!心情輕快多了(搬遷期間因某些原因痛哭了一個晚上)!

拉姑推介

. 牛肉薄燒/厚燒:正!
. 魚生:好新鮮,大大件!
. 鷄軟骨串:好味道,必試!
. 銀雪魚西京燒、八爪魚丸:樣樣都得!

. 軟殼蟹天婦羅:好食!

. 軟殼蟹手卷:一絕 !
. 日本餃子:肥大多汁,my favorite! 


. 咖喱牛肉飯:未食過咁好味,幾飽都食落!
. Asahi啤酒及多款特飲:任飲,抵讚!


. 雪糕亦有數款,朱古力、雲呢拿、綠茶、芝麻、紅豆,芝麻雪糕最正。

還有太多美食,實在不能盡錄!

食物質素:我比五粒星(滿分)!!!

其他方面:我比三粒星(一般)!!!

價錢:HK$188加一 (6:30-9:30pm,9:00Last Order)

地址:魚則魚涌太古城第五期建安閣地下
電話:2568-7970